Sacari 7:9 - Sră Goh 2018

⁹ “Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

Sacari 7:9 ပူးပေါင်းရင်းမြစ်များ

II Samuel 9:7

Dabit đơs mơ khai lah: “Bañ rngòt, bơh añ rơp yal tơlik bơta nđàc mê in, tài bơh Jônathan bèp mê dê. Añ rơp ai wơl mê in jơh ală ù tiah Sol, ồng mê dê, mơ să tòm mê rơp sa di cơnòng sa bal mơ añ sùm.”

Sră Jop 31:20

Mơ nùs khai ò ai lơngai añ in, mơ bol khai ò geh ram bơh sơnò belàt añ jê;

Sră Jop 6:14

Cau gơplơ̆ nùs pal geh cau bơyô gơwèt niam, Bulah khai sang lòi bơta duh rngòt di Bơtau Gơnap Gơnoar Dờng Làm Jơh.

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Jeremi 7:5

Bơh dilah bol mê rcang wơl gùng dà mơ broă lơh bol mê dê, dilah ngan bol mê lơh broă dô bă song ring bal mơ gơp,

Ejekiel 18:8

Khai ò ai càn jền nàng sa cồng kơnjơ̆, hala ai cồng oă rlau. Khai ruc tê ò lơh bơta tìs mơ cahrña song digùl cau do mơ cau ne.

Ejekiel 45:9

Jehôwa Yàng Tom Trồ đơs be do: ‘Tơl rau, Ơ ală cau bơtau Israel dê! Sang tĕ bơta jàñ bơsak mơ bơta rồn bơklơn ngài bơh làng bol Añ jê mơ lơh tĕ bơta song ring mơ di ngan. Dơh tĕ, bañ bơtrơh tơlik tai làng bol Añ jê, Jehôwa Yàng Tom Trồ đơs behơ̆.’”

Sră Ôse 12:7

Mơya, mê pal rê wơl hơ Yàng Tom Trồ mê dê, prap gàr bơta kòñ gơboh mơ bơta song ring, mơ gơn kơnòm sùm sùm di Yàng Tom Trồ mê dê.

Lebi 19:15

Bañ lơh rkwet rkwe bơta song ring; bañ bơklơn cau rƀah lơòi hala dong tò cau pas sơm, mơya cahrña tĕ song ring cau gơp ƀòn mê in.

Amôs 5:24

Mơya lòi tĕ bơta song ngan hòr lik kung be dà, mơ bơta song ring kung be croh dà hòr sùm sùm!

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Sacari 7:7

Ò di la ală jơnau Yàng Jehôwa neh kơnòm di ală cau gơnoar hwơr rài yau bơto yal tòm tŭ Jerusalem gơs ală cau ơm tòm gơ ơm tòm bơta pas sơm lơngap lơngai, bal mơ ală ƀòn gùt dar gơ, mơ tòm tŭ Negep mơ Sepelah gơs làng bol ơm ò ơ?’”

Sacari 7:8

Mơ gơs jơnau Yàng Jehôwa đơs tai mơ Sacari, lah:

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Luka 11:42

Mơya bòl glar bol mê in la cau Pharisi! Bơh bol mê neh ơn dô pơnah jơt biap trau, biap krồng mơ ală biap ndai, mơ sang lòi bơta song ring mơ nùs kòñ gơboh di Yàng Tom Trồ. Ală bơta do bol mê pal lơh mơ kung ò di lơi hŭi ală bơta ne sơl.

Jang 7:24

Bañ cahrña jat đah bơdìh, mơya cahrña tĕ jat bơta di ngan.”

Jang 7:51

“Bơta boh lam bol he dê cahrña cau lơi, dilah òhềt kơno jơnau khai yal mơ òhềt bàn broă khai neh lơh sơl ơ?”

Yal Wơl 22:1

“Dilah bol mê gŏ kơnrồ oh mi he dê lòt lềng làng, bañ sang lòi gơ mơya pal tề cèng gơrê wơl hơ cau tòm gơ dê.