Sacari 7:5 - Sră Goh 2018

⁵ “Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Sacari 7:5 ပူးပေါင်းရင်းမြစ်များ

II Ală Bơtau 25:23

Tŭ ală kwang ling mơ ală cau ling bol khai dê kơno lah, bơtau Babilôn neh bơtào Gedalia lơh gơs kwang dờng gen bol khai lòt tus hơ Gedalia tòm Mispa. Sơnđan bol khai la Ismael, kòn klau Nethania, Jôhanan, kòn klau Kareah, Seraya, kòn klau Tanhumet cau Netôphat, mơ Jaajania, kòn klau cau Maakat.

II Ală Bơtau 25:25

Mơya kơnhai poh, Ismael, kòn klau Nethania, sau Elisama, bơh jơi bơtiàn bơtau, tus tòm Mitba, gơs jơt nă cau lòt bal, lơh tơnchơt Gedalia, ală cau Juda mơ cau Kalde ơm bal mơ khai tòm Mispa.

Esai 43:23

Mê neh ò cèng belàt lơh gơs phan ơn chu pơrguc Añ in, neh ò ơn phan ơn duh khoai nàng dòn duh Añ. Añ ò lơh kơnjơ̆ kơnjut di mê bơh phan ơn mơ kòi mbo, kung ò tơmbòl mê chu kơlhô.

Esai 58:3

Bol khai đơs lah: ‘Ñchi bơh tài bol hi ơt sa mơ Yàng ò sền gŏ taih? Ñchi bơh tài bol hi pơndêt să bol hi dê mơ Yàng ò cih kah taih?’ Sền ne, bol mê duh broă ală bơta nùs bol mê hàm kòñ tòm ngai bol mê ơt sa, mơ rồn bơklơn jơh ală cau lơh broă bol mê dê.

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Jeremi 29:10

Mơ tai, Yàng Jehôwa đơs be do: “Tŭ poh jơt sơnam neh tơl Babilôn in, Añ rơp lòt còp bol mê, rơp lơh wil tơl jơnau ho pơgon niam mơ bol mê, mơ cèng bol mê rê wơl hơ tiah do.”

Jeremi 52:12

Ngai jơt kơnhai pram, nam dơ̆ jơt sin rài Nebukatnessar, bơtau Babilôn, gen Nebujaradan, kwang at bồ ling sền gàr bơtau, mut tòm ƀòn Jerusalem.

Daniel 9:2

tòm nam sơnròp at bồ khai dê, añ, Daniel, añ kơnòm di Sră Goh, mơ git lài khà ală sơnam, jat jơnau Yàng Jehôwa neh đơs lài mơ cau gơnoar hwơr Jeremi, pal gơlik gơs di ngan bơh ƀòn dờng Jerusalem pal kong sang lòi ngềt ngơt tòm poh jơt sơnam.

Sră Ôse 7:14

Bol khai ò hòi dan mơ Añ bơh nùs bol khai dê, mơya bol khai pơt wòl hơđang cơnòng bic bol khai dê. Bol khai còr să tòm bol khai nàng dan kòi mi mơ tơrnòm, bol khai pơrlơ̆ dră di Añ.

Sacari 1:12

Gen cau gơnrơh Yàng Jehôwa dê đơs lah: “Ơ Yàng Jehôwa Gơnap Gơnoar Dờng Làm Jơh! Nđò jŏ tai Kơnràñ gam ò nđàc sơngit di Jerusalem mơ ală ƀòn dờng Juda dê mơ Kơnràñ neh gơhào gơjrañ tòm poh jơt sơnam taih?”

Sacari 7:3

mơ lùp ală cau gơnoar ơn phan duh khoai tòm hìu duh khoai Yàng Jehôwa Gơnap Gơnoar Dờng Làm Jơh dê, bal mơ ală cau gơnoar hwơr lah: “Añ pal ñìm rac mơ ơt sa tòm kơnhai pram kung be añ neh lơh tòm oă sơnam neh rlau sơl ơ?”

Sacari 7:4

Gen gơs jơnau Yàng Jehôwa Gơnap Gơnoar Dờng Làm Jơh đơs mơ añ lah:

Sacari 7:6

Mơ tŭ bol mê ñô mơ sa, ò di la bol mê mìng ñô sa tài bơh să tòm bol mê lơm ò ơ?

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Mathiơ 23:5

Jơh ală broă bol khai lơh la nàng cau in sền gŏ, bơh bol khai wan gơltau bơta boh lam ơnàng mơ pơnhwài jòng tiang ào,

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

II Kôrintô 5:15

Mơ cau hơ̆ neh chơt bơh tơl nă cau, tồ ală cau gam kis ò di kis să tòm he in tai, mơya kis Yàng in la Bơtau neh kong chơt mơ kis wơl ala bol khai.

Kôlôse 3:23

Dilah lơh broă lơi, lơh tĕ jơh nùs, be lơh Yàng in, ò di be lơh cau in ò,