Sacari 7:3 - Sră Goh 2018

³ mơ lùp ală cau gơnoar ơn phan duh khoai tòm hìu duh khoai Yàng Jehôwa Gơnap Gơnoar Dờng Làm Jơh dê, bal mơ ală cau gơnoar hwơr lah: “Añ pal ñìm rac mơ ơt sa tòm kơnhai pram kung be añ neh lơh tòm oă sơnam neh rlau sơl ơ?”

Sacari 7:3 ပူးပေါင်းရင်းမြစ်များ

Ejra 3:10

Tòm tŭ ală cau chài bơt mơnàng hìu duh khoai Yàng Jehôwa dê, gen ală cau gơnoar ơn phan duh khoai soh ồi ào jrùh mơ ntào di tiah bol khai dê, mơ at kơlwòk, mơ ală cau Lebi ală kòn klau Asap tur cing mơ jòng ro Yàng Jehôwa jat be bơta lơh nền bơh Dabit bơtau Israel dê;

Cau Bơto 3:4

Gơs tŭ ñìm, mơ gơs tŭ ñŏ; gơs tŭ rac ròc, mơ gơs tŭ tòmya;

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Jôel 2:17

Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Sră Age 2:11

“Yàng Jehôwa Gơnap Gơnoar Dờng Làm Jơh đơs be do: ‘Lùp tĕ ală cau gơnoar ơn phan duh khoai bơh bơta boh lam:

Sacari 7:4

Gen gơs jơnau Yàng Jehôwa Gơnap Gơnoar Dờng Làm Jơh đơs mơ añ lah:

Sacari 7:5

“Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Sacari 8:19

Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Mathiơ 9:15

Yàng Jesu ho lah: “Tòm tŭ cau bơrtơu gam ơm mơ oh mi bơyô he, gen bol khai rgơi moat jrùng sơl? Mơya tus di tŭ cau bơrtơu geh cèng lik bơh bol khai, gen sồng bol khai ơt sa.

I Kôrintô 7:5

Bañ ò ròm bal, mìng dilah tòm bàr nă gơs bơta tòmbơyai bal, nàng lòi tŭ hòi dan mơ Yàng dô êt jŏ; gen rê wơl bal, rngòt cà Satan bơh bơta hơ̆ mơ ơniai oh mi mòn.

Yal Wơl 33:10

Khai bơto ală jơnau sồr Kơnràñ dê Jakôp in mơ bơto bơta boh lam Kơnràñ dê Israel in; khai chu kơlhô di đap Kơnràñ, mơ ơn wil tơl ală phan ơn duh khoai chu pơrguc hơđang cơnòng ơn phan duh khoai Kơnràñ dê.