Sacari 5:4 - Sră Goh 2018

⁴ Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Sacari 5:4 ပူးပေါင်းရင်းမြစ်များ

Sră Jop 18:15

Tòm sàl bol khai ò gam phan lơi, ồs siau sa hìu ơm khai dê.

Sră Jop 20:26

Jơh bơta klam jơngo ơm gơn ală phan màng bol khai dê; Dô nơm ồs ò di bơh cau khồm rơp sa bol khai, jơh ală phan lơi gam wơl tòm sàl bol khai dê rơp kong chu jơh.

Sră Jop 8:15

Dilah cau lơi sơnđìng di hìu khai dê, khai rơp ò gam ntào; dilah cau lơi sơmbat at gơ, gơ rơp ò jai kong.

Sră Jop 8:22

Ală cau sò tơm ồng dê rơp soh bơta ƀàssìl, Mơ ală sàl cau iơh bơsak dê rơp ò gam tai.”

Jơnau Pơnđik 3:33

Bơta srat sơntơm Yàng Jehôwa dê ơm hơđang hìu cau iơh bơsak, Mơya Kơnràñ ai lơngai tiah ơm cau song ring dê.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

Jeremi 2:26

Be dô nă cau ntung kơñau ƀàssìl, tòm tŭ gơkòl kup geh, Behơ̆ sơl hìu Israel kung rơp gơkòl ƀàssìl, Bol khai, ală cau bơtau bol khai dê, ală cau kwang bol khai dê, Ală cau gơnoar ơn phan duh khoai bol khai dê, mơ ală cau gơnoar hwơr bol khai dê, kung rơp ƀàssìl behơ̆.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Sacari 8:17

Bañ rơndap bơta iơh tòmdră mơ cau gơp ƀòn bol mê dê; mơ bañ gơboh bơta srat să ma blac. Añ gơjrañ di jơh ală bơta hơ̆,” Yàng Jehôwa đơs behơ̆.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Yal Wơl 28:16

Bol mê rơp kong srat sơntơm tòm ƀòn dờng mơ kong srat sơntơm tòm ƀlàng sre.

Yal Wơl 7:26

Bañ cèng brê dô nơm phan cù kìr tus tòm hìu bol mê dê, rngòt bol mê rơp kong ơn is nàng tơnroh kung be gơ. Cù kìr mơ sang lòi tĕ gơ bơh gơ neh kòl ơn is nàng tơnroh.

Jôsue 9:20

Do la bơta bol he rơp lơh gơwèt mơ bol hơ̆: bol he rơp lòi bol khai in kis nàng bơta gơjrañ dờng hơ̆ ò tuh hơđang bol he, tài bơh bol he ò prap gàr jơnau srat să ho nền mơ bol khai.”