Sacari 5:3 - Sră Goh 2018

³ Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Sacari 5:3 ပူးပေါင်းရင်းမြစ်များ

Lik Ejiptơ 20:15

Bol mê bañ ntung kơñau.

Jơnau Pơnđik 29:24

Cau lơi tòmpà phan bal mơ cau ntung kơñau gơjrañ hwềng soàn he; khai neh kơno jơnau srat să, mơ ò yal tơlik bơta lơi.

Jơnau Pơnđik 3:33

Bơta srat sơntơm Yàng Jehôwa dê ơm hơđang hìu cau iơh bơsak, Mơya Kơnràñ ai lơngai tiah ơm cau song ring dê.

Jơnau Pơnđik 30:9

Rngòt tŭ hòm lai añ pơndang sang Yàng, mơ lah: Yàng Jehôwa la ñcau taih? Mơ pơrlơ̆ wơl dilah añ rƀah lơòi, gen ntung kơñau, mơ lơh ƀơ̆ iơh sơnđan Yàng Tom Trồ añ jê sơl.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

Esai 43:28

Behơ̆ tàng Añ rơp lơh ƀàssìl ală cau lam bồ tòm hìu duh khoai mê dê, Añ rơp phi Jakôp nàng kong tơnroh, mơ Israel nàng kong lah sơrpah.”

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 26:6

gen Añ rơp lơh hìu do gơlik gơs kung be Silô, mơ rơp lơh ƀòn do gơlik gơs bơta srat rma jơh ală lơgar hơđang plai ù in.’”

Jeremi 5:2

Bulah bol khai đơs lah: “Ngan kung be Yàng Jehôwa kis gam sùm sùm! Mơya bol khai srat să ma blac!”

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ejekiel 2:9

Gen añ rmê sền mơ añ neh gŏ gơs dô nơm mpàng tê pò tơlik tus di añ, tòm hơ̆ gơs dô pồt sră neh cih.

Daniel 9:11

Jơh tơl nă cau Israel neh lơh tìs mơ bơta boh lam Kơnràñ dê mơ dô pleh, nàng ò dòn bơr Kơnràñ. Behơ̆, bơta srat sơntơm, mơ bơta lơh glài neh cih tòm bơta boh lam Môise la cau duh broă Yàng Tom Trồ dê, neh tuh hơđang bol hi, tài bơh bol hi neh tìs glài tòmdră mơ Kơnràñ.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Lebi 19:11

Bañ ntung kơñau. Bañ đơs blac. Bañ pơrlồm bal mơ gơp.

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Sacari 5:4

Yàng Jehôwa Gơnap Gơnoar Dờng Làm Jơh đơs lah: “Añ rơp sồr sră lòt mơ gơ rơp mut tòm hìu cau ntung kơñau, mơ tòm hìu cau ai sơnđan Añ mơ srat să blac. Gơ rơp ơm tòm hìu hơ̆ mơ tơnroh hìu hơ̆, jơh ală chi mơ lŭ gơ dê.”

Sacari 8:17

Bañ rơndap bơta iơh tòmdră mơ cau gơp ƀòn bol mê dê; mơ bañ gơboh bơta srat să ma blac. Añ gơjrañ di jơh ală bơta hơ̆,” Yàng Jehôwa đơs behơ̆.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Malaci 4:6

Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Luka 21:35

bơh ngai hơ̆ rơp tus hơđang kòp nă cau ơm làm gùt plai ù kung behơ̆ sơl.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

I Timôthe 1:9

kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

Jakơ 5:12

Mơya lài ngan, ơ oh mi añ jê, bañ srat să, bañ sơnio trồ, bañ sơnio tiah, kung bañ sơnio phan lơi ndai mơ srat să; mơya di gen đơs di, ò gen đơs ò, tồ klàs di bơta lơh nền glài.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

Jôsue 9:20

Do la bơta bol he rơp lơh gơwèt mơ bol hơ̆: bol he rơp lòi bol khai in kis nàng bơta gơjrañ dờng hơ̆ ò tuh hơđang bol he, tài bơh bol he ò prap gàr jơnau srat să ho nền mơ bol khai.”

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.