Sacari 4:7 - Sră Goh 2018

⁷ Ơ mơnơm dờng ne, mê la ñcau taih? Ơm di đap Jerubabel mê gơlik gơs ƀlàng ring, mơ khai rơp cèng tơlik lŭ bồ digùl ală jơnau driau dờng lah: ‘Kòñ nđàc! Kòñ nđàc gơ in!’”

Sacari 4:7 ပူးပေါင်းရင်းမြစ်များ

Ejra 3:10

Tòm tŭ ală cau chài bơt mơnàng hìu duh khoai Yàng Jehôwa dê, gen ală cau gơnoar ơn phan duh khoai soh ồi ào jrùh mơ ntào di tiah bol khai dê, mơ at kơlwòk, mơ ală cau Lebi ală kòn klau Asap tur cing mơ jòng ro Yàng Jehôwa jat be bơta lơh nền bơh Dabit bơtau Israel dê;

Đơs Crih 114:4

Ală mơnơm sơnđoh be ală belàt dam, Ală dòr ñchừn ò gơkrơi be ală belàt kòn.

Đơs Crih 114:6

Ơ ală mơnơm, ñchi bơh tài bol mê sơnđoh be ală belàt dam taih? Ơ ală dòr, ñchi bơh tài bol mê ñchừn be ală belàt kòn taih?

Đơs Crih 118:22

Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Esai 28:16

Behơ̆ tàng, Yàng Jehôwa la Yàng Tom Trồ đơs be do: “Do, Añ ơn tòm Siôn dô pơnai lŭ mơnàng hìu, dô pơnai lŭ neh kong lòng, dô nơm lŭ mum hìu màng ngan nàng lơh kơ̆ nền mơnàng; cau lơi dòn kơnòm gen rơp ò rngòt rngơt.

Esai 41:15

Do, Añ rơp lơh mê in gơlik gơs phan pòng kòi, pa mơ sơmplàñ gơs oă sề. Mê rơp gì ală mơnơm mơ tơnlề gơ, lơh ală dòr gơlik gơs kung be nsiap kòi.

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jeremi 51:25

Yàng Jehôwa đơs: “Ơ mơnơm bơta tơnroh ne, Añ tòmdră mơ mê, La cau neh tơnroh jơh dunnia! Añ rơp pò tê Añ tòmdră mơ mê, rơp pơrlă mê dùh bơh hơđang lŭ klềr, Lơh mê in gơlik gơs mơnơm kong chu.

Mice 1:4

Gen jơh ală mơnơm lề lac hơđơm Kơnràñ, mơ ală thòng rơp bơcah lề, be jrềng ơm rềp ồs, be dà hòr mù bơh kơh mơnơm.

Mice 4:1

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào hơđang tiah jơnhoa rlau jơh ală mơnơm dê, gơ rơp geh yò tơngguh hơđang ală dòr, mơ ală làng bol rơp lòt tus tềng hơ̆ kung be dà hòr.

Habakuk 3:6

Kơnràñ neh ơm dơh mơ rơnggô plai ù; Kơnràñ sền mơ lơh ală làng bol rơm să. Ală mơnơm gam sùm sùm tơrlah tơrlơm, Ală dòr bơh rài yau lề lac. Ală gùng dà Kơnràñ dê gam sùm sùm ò lồi.

Sacari 4:8

Gen gơs jơnau Yàng Jehôwa đơs mơ añ tai lah:

Sacari 4:9

“Tê Jerubabel neh bơt mơnàng hìu duh khoai do, gen tê khai kung rơp lơh sir. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê.

Mathiơ 21:21

Yàng Jesu ho lah: “Di ngan Añ đơs mơ bol mê, dilah bol mê gơs bơta dòn mơ ò pin wil wơl dô êt lơi, gen bol mê ò di mìng rơp lơh bơta Añ neh lơh di chi ƀal lơm ò, mơ bulah bol mê đơs mơ mơnơm do lah: ‘Yò tĕ să mơ ntruñ tòm dàlềng,’ gen bơta hơ̆ kung rơp gơlik gơs ngan.

Mathiơ 21:42

Yàng Jesu đơs mơ bol khai lah: “Bol mê òhềt sền tòm Sră Goh lah: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu. Bơta hơ̆ la bơh Yàng lơh gơs, Mơ la dô bơta crih crài di đap mat bol he’ ơ?

Jơnau Niam Jat Mak 12:10

Bol mê òhềt sền jơnau Sră Goh do: ‘Pơnai lŭ gơkòl ală cau bơt hìu sang tơlik. Neh gơlik gơs lŭ mum hìu dờng màng rlau jơh.

Luka 20:17

Yàng Jesu sền di bol khai mơ đơs lah: “Behơ̆ gen jơnau neh cih: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu,’ la ñchi taih?

Luka 3:5

Kòp nơm thòng pal bồr bềng, Kòp nơm mơnơm kòp nơm dòr pal pơnring, mơ tiah rkwet rkwe pal bơsong, Gùng rguc rgul pal lơh ring wơl.

Broă 4:11

Yàng Jesu la cau mơ Sră Goh neh cih lah: Kơnràñ la pơnai lŭ mơ ală ồng la cau bơt hìu neh sang tơlik, mơya neh gơlik gơs pơnai lŭ mum hìu wơl.

Rôma 11:6

Mơya dilah bơh bơta nđàc gen ò di bơh broă lơh tai; dilah ò behơ̆ gen bơta nđàc ò tai la bơta nđàc.

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

Yal Tơlik 16:20

Jơh ală bồt pơlào dô jơh, ò gam gŏ dô nơm mơnơm lơi tai.