Sacari 3:4 - Sră Goh 2018

⁴ Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.”

Sacari 3:4 ပူးပေါင်းရင်းမြစ်များ

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

Đơs Crih 51:9

Dan Yàng pleh mat bơh di ală tồi glài añ jê, Mơ jùt jơh ală bơta iơh bơsak añ jê.

Esai 43:25

Añ, să tòm Añ la Bơtau jùt sang jơh ală bơta tìs glài mê dê; tài bơh să tòm Añ, Añ ò kah tai ală bơta tồi glài mê dê.

Esai 44:22

Añ neh jùt sang bơta tìs glài mê dê kung be mhwal lơut, tồi glài mê dê kung be dà tŭ. Rê wơl tĕ mơ Añ, bơh Añ neh dong tơwài mê.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Jeremi 52:33

Kung sồr tòmgơl ào ơm jàm, Jehôyakin geh nggui dô cơnòng bal mơ bơtau jơl jơh rài kis khai.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 42:14

Tòm tŭ cau gơnoar ơn phan duh khoai mut tòm ală tiah sàng goh, bol khai ò geh lik bơh tềng hơ̆ nàng lòt tòm ƀlàng bơdìh; dilah bol khai òhềt hồ jơh ală ồi ào mơ bol khai neh soh tòm tŭ duh broă, bơh ală ồi ào hơ̆ la sàng goh. Bol khai pal soh ală ồi ào ndai lài mơ tŭ bol khai lòt tus rềp di ală tiah lòi làng bol in.”

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Mice 7:19

Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.

Sacari 3:1

Gen Yàng Jehôwa sơnio añ in sền gŏ cau gơnoar dờng lam bồ ơn phan duh khoai Jôsua ntào di đap cau gơnrơh Yàng Jehôwa dê, mơ Satan ñă ntào di đah ma khai nàng yă khai.

Sacari 3:7

Yàng Jehôwa Gơnap Gơnoar Dờng Làm Jơh đơs be do: “Dilah mê cơnđòa lòt tòm gùng dà Añ jê mơ prap gàr bơta Añ sồr gen mê rơp at bồ hìu Añ, sền gàr ală ƀlàng hìu Añ, mơ Añ rơp ai mê in mut tòm sèng ală cau ntào tềng do.

Sacari 3:9

Bơh hơđang pơnai lŭ mơ Añ neh ơn di đap Jôsua, hơđang dô nơm lŭ hơ̆ gơs poh nơm gar mat, mơ Añ rơp pac jơnau hơđang gơ, mơ Añ rơp tă tơlik bơta tồi glài bơh di lơgar do tòm dô ngai,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 22:11

Cau bơtau mut sền ală cau nac mơ gŏ dô nă cau ò soh ào pơjum sa tòmbau,

Luka 1:19

Cau gơnrơh đơs lah: “Añ la Gabriel ntào di đap Yàng Tom Trồ; añ geh sồr lòt tus nàng đơs mơ yal jơnau niam do mê in.

Luka 15:22

Mơya cau bèp đơs mơ ală cau dĭ lah: ‘Cèng tĕ mhar ào jrùh niam rlau jơh tơnsoh khai in, tơndò sơmbiat di ràs tê, ai khŏ tơnjă di jơng.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

I Kôrintô 6:11

Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

Hebrơ 8:12

Bơh Añ rơp ai nùs kòñ nđàc nàng toh ală bơta tồi glài iơh bơsak bol khai dê, Ò kah ală tồi glài bol khai dê tai.”

Yal Tơlik 5:11

Lồc behơ̆ añ sền gŏ, mơ kơno jơnau oă ngan cau gơnrơh gùt dar sơbàn, ală phan wìn kis mơ ală cau kwang kra, ò git nđò tơlak tơmàn cau gơnrơh.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.