Sacari 3:3 - Sră Goh 2018

³ Mơ tai, Jôsua soh ồi ào ƀơ̆ ƀơl tòm tŭ khai ñă ntào di đap cau gơnrơh.

Sacari 3:3 ပူးပေါင်းရင်းမြစ်များ

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Esai 4:4

Yàng Jehôwa rào goh bơta ƀơ̆ ƀơl ală kòn ùr Siôn dê dô dơ̆, Kơnràñ rơp jùt goh ală tềl mhàm bơh digùl Jerusalem mơ kơnòm di hwềng bơta cahrña mơ hwềng chu pơrguc dê.

Esai 64:5

Kơnràñ neh tus tìp ală cau chò hòp lơh bơta di, la ală cau kah bơh Yàng mơ lòt tòm ală gùng dà Kơnràñ dê. Mơya tòm tŭ bol hi kư̆ tìs glài tòmdră, gen Kơnràñ neh gơhào gơjrañ. Tài bơh Kơnràñ neh pồn să tòm Kơnràñ bơh bơta tìs glài bol hi dê.

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Daniel 9:18

Ơ Yàng Tom Trồ añ jê, dan wèt tồr mơ iat, dan pò mat mơ sền bơta tơnroh gơprah ƀòn dờng neh geh tơmoh mơ sơnđan Kơnràñ dê! Bol hi rac dan mơ Kơnràñ ò di tài bơh bol hi la song ring, mơya la kơnòm di bơta nđàc sơngit dờng ơnàng Kơnràñ dê.

Jakơ 2:2

Dilah gơs dô nă cau dò sơmbiat màh, soh ào hàng mơnĕ, mut tòm hìu jum oh mi dê, mơ kung gơs cau rƀah, soh ào sut sèt, mut bal sơl;

Jude 1:23

dong klàs tĕ ală cau ndai, tă bol khai lik klàs bơh di ồs; ai ală cau ndai tai gen oh mi ai tĕ nùs kòñ nđàc bal mơ nùs rngòt, gơjrañ kơuềng tơn di ào kòl poac să lơh ƀơ̆ ƀơl.

Yal Tơlik 19:8

Neh ai khai in soh ào bài che dơmài lơbơn àng gơcrà mơ sàng goh bơh bài che dơmài lơbơn hơ̆ la ală broă song ring ală cau sàng goh dê.”