Sacari 3:2 - Sră Goh 2018

² Cau gơnrơh Yàng Jehôwa đơs mơ Satan lah: “Ơ Satan, dan Yàng Jehôwa lah pơrhơng mê! Dan Yàng Jehôwa la Bơtau neh sac rwah Jerusalem lah pơrhơng mê! Cau do ò di kung be dô gơl lòng ồs sa neh tă tơlik bơh di ồs ò ơ?”

Sacari 3:2 ပူးပေါင်းရင်းမြစ်များ

II Yal Yau 6:5

‘Bơh di ngai Añ neh cèng làng bol Añ jê lik bơh lơgar Ejiptơ, Añ neh ò sac rwah dô nơm ƀòn dờng lơi tòm ală jơi bơtiàn Israel dê nàng bơt dô nơm hìu tồ Sơnđan Añ in ơm tềng hơ̆, mơ Añ kung ò sac cau lơi nàng gơs cau at bồ hơđang làng bol Israel Añ jê.

II Yal Yau 6:6

Mơya Añ neh sac rwah Jerusalem nàng Sơnđan Añ jê rgơi ơm tềng hơ̆, mơ Añ neh sac rwah Dabit nàng at bồ làng bol Israel Añ jê.’

Đơs Crih 109:31

Bơh Kơnràñ ntào đah ma cau siơ̆u siar, Nàng dong klàs khai bơh di cau lơh nền tơnchơt khai.

Esai 7:4

mơ đơs mơ khai lah: ‘Kơrhia tĕ, ơm mŏ mŏ mơ bañ rngòt. Bañ lòi nùs mê bòl glar tài bơh bàr gơl lòng ồs sa, tài bơh bơta gơhào gơjrañ Rejin mơ Aram dê, mơ kòn klau Remalia dê.

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Sacari 1:17

Bơto yal tĕ oă rlau tai lah: Yàng Jehôwa Gơnap Gơnoar Dờng Làm Jơh đơs be do: ‘Ală ƀòn dờng Añ jê rơp geh bềng lìu pas gơs, mơ Yàng Jehôwa rơp dô dơ̆ tai pơndòm pơniang Siôn mơ sac rwah Jerusalem wơl.’”

Sacari 2:12

Yàng Jehôwa rơp dòp geh Juda lơh gơs sre brê Kơnràñ dê tòm lơgar sàng goh, mơ dô dơ̆ tai Kơnràñ rơp sac rwah Jerusalem.

Jơnau Niam Jat Mak 1:25

Mơya Yàng Jesu lah pơrhơng gơ lah: “Ơm mŏ mŏ tĕ! Mơ lik bơh di cau do!”

Jơnau Niam Jat Mak 9:25

Dơ̆ Yàng Jesu gŏ mpồl làng bol ntoat tus gen Kơnràñ lah pơrhơng cà mơ đơs lah: “Ơ cà kloat mơ tĭ, Añ sồr mê lik tĕ bơh di oh dềt do, bañ tŭ lơh tai khai.”

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Luka 4:35

Mơya Yàng Jesu lah pơrhơng gơ lah: “Thit tĕ mơ lik bơh di cau do.” Chòp cà sơrglơm cau hơ̆ digùl mpồl oă cau mơ lik, ò lơh bơta lơi iơh di khai.

Luka 9:42

Dơ̆ kòn klau lòt tus, cà sơrglơm khai, sơntơt rơnggô khai pràn ngan. Mơya Yàng Jesu lah pơrhơng cà, sơmbòi cau kơnòm hơ̆ mơ jào wơl bèp khai in.

Jang 13:18

Añ ò đơs bơh jơh tơl nă bol mê ò, Añ git ală cau Añ neh sac; mơya nàng gơlik di ngan be Sră Goh cih lah: ‘Cau sa piang lă Añ jê yò kơndòl jơng sò Añ wơl.’

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

Rôma 8:33

Ñcau rơp yă ală cau Yàng Tom Trồ sac rwah taih? Yàng Tom Trồ la Bơtau kòp bol khai la song ring.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

Jude 1:23

dong klàs tĕ ală cau ndai, tă bol khai lik klàs bơh di ồs; ai ală cau ndai tai gen oh mi ai tĕ nùs kòñ nđàc bal mơ nùs rngòt, gơjrañ kơuềng tơn di ào kòl poac să lơh ƀơ̆ ƀơl.

Jude 1:9

Mơya tòm tŭ cau gơnrơh dờng rlau jơh la Mikael tòm pơndang mơ cà ràk nàng tòmpìt ƀồc Môise, gen khai ò khin ai jơnau bơrsèl tơnhial nàng yă cà ràk mơya mìng đơs lah: “Dan Yàng lah pơrhơng mê.”

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”