Sacari 3:1 - Sră Goh 2018

¹ Gen Yàng Jehôwa sơnio añ in sền gŏ cau gơnoar dờng lam bồ ơn phan duh khoai Jôsua ntào di đap cau gơnrơh Yàng Jehôwa dê, mơ Satan ñă ntào di đah ma khai nàng yă khai.

Sacari 3:1 ပူးပေါင်းရင်းမြစ်များ

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 48:16

cau gơnrơh neh dong añ klàs bơh di jơh ală bơta iơh, dan ai lơngai bàr nă kòn do in mơ bol khai gơs tơrbŏ sơnđan jat añ mơ ồng pàng añ la Abraham mơ Isak, mơ ai bol khai in gơlik gơs rơ̆sơmpài ràipơjềng hơđang ù.”

I Yal Yau 21:1

Satan ntào tòmdră mơ Israel, mơ chồl nùs Dabit kòp khà làng bol Israel.

II Yal Yau 29:11

Ơ ală kòn klau añ jê, tŭ do bañ lơh ală alai, bơh Yàng Jehôwa neh sac rwah bol mê nàng ntào di đap Kơnràñ mơ duh broă Kơnràñ, mơ gơlik gơs cau duh broă mơ chu kơlhô Kơnràñ in.”

Ejra 10:18

Digùl ală kòn sau ală cau gơnoar ơn phan duh khoai dê, ală cau tơnơ̆ do neh bau mơ cau ùr làng bơdìh: Bơh di ală kòn sau mpồl Jôsua kòn klau Jôjadak mơ ală oh mi khai dê: Maaseyah, Eliejer, Jarip mơ Gedalia.

Ejra 2:2

Bol khai lòt bal mơ Jerubabel, Jesua, Nehemi, Seraya, Reelayah, Mordike, Bilsan, Mispar, Bikbai, Rehum mơ Baanah. Ntum khà ală làng bol Israel dê:

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.

Đơs Crih 106:23

Gen tàng Kơnràñ đơs lah Kơnràñ rơp tơnroh bol khai. Mơya Môise, la cau Kơnràñ sac rwah, ntào di đap Kơnràñ ala bol khai, Mơ dan Kơnràñ wèt ngài bơta gơjrañ dờng Kơnràñ dê bơh bơta tơnroh bol khai.

Đơs Crih 109:6

Bol khai đơs lah: “Bơtào tĕ dô nă cau iơh bơsak tòmdră mơ khai, lòi tĕ cau tòmyă mơ khai ntào đah ma khai.

Jeremi 15:19

Gen tàng, Yàng Jehôwa đơs be do: “Dilah mê rê wơl, gen Añ rơp cèng mê wơl mơ mê rơp ntào di đap Añ; Dilah mê sac bơta niam mơ sang bơta iơh, Gen mê rơp duh broă be bơr Añ jê. Bol khai rơp rê wơl mơ mê; Mơya mê bañ rê wơl mơ bol khai.

Ejekiel 44:11

Bol khai rgơi duh broă tòm tiah sàng goh Añ jê, sền gàr ală mpồng pơnggàr hìu duh khoai dê mơ duh broă tềng hơ̆; bol khai tơnchơt ală phan ơn chu pơrguc mơ ală phan ơn làng bol dê, ntào di đap làng bol mơ duh broă.

Ejekiel 44:15

“Mơya ală cau gơnoar ơn phan duh khoai gơrê bal mơ cau Lebi jơi bơtiàn Jadôk dê, la cau dòn song duh broă tòm tiah sàng goh Añ jê, tòm tŭ làng bol Israel lòt tìs nrah bơh di Añ, rơp tus rềp dê Añ nàng duh broă di đap Añ; bol khai rgơi ntào di đap Añ nàng ơn phan ơn gơs dơngi mơ mhàm, Jehôwa Yàng Tom Trồ đơs behơ̆.

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Sră Age 1:12

Behơ̆ Jerubabel, kòn klau Sealthiel, mơ Jôsua, kòn klau Jehôjadak, cau gơnoar dờng lam bồ ơn phan duh khoai, mơ làng bol gam wơl dòn bơr Jehôwa Yàng Tom Trồ bol khai dê, mơ jơnau bơto yal cau gơnoar hwơr Age dê, tài bơh Jehôwa Yàng Tom Trồ bol khai dê neh sồr khai tus, mơ làng bol rngòt di Yàng Jehôwa.

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 1:13

Gen Yàng Jehôwa ho wơl mơ ală jơnau kòñ nđàc mơ pơndòm pơniang cau gơnrơh neh đơs mơ añ.

Sacari 1:19

Añ lùp cau gơnrơh ơm đơs mơ añ lah: “Ală phan hơ̆ la ñchi taih?” Khai ho añ lah: “Hơ̆ la ală ngke neh lơh gơprah gơpring Juda, Israel mơ Jerusalem.”

Sacari 1:9

Gen añ lùp lah: “Ơ Yàng añ jê, ală bơta do la ñchi taih?” Cau gơnrơh ơm đơs mơ añ ho lah: “Añ rơp sơnio mê in ală cau do la ñcau.”

Sacari 2:3

Gen cau gơnrơh neh đơs mơ añ lik lòt, mơ dô nă cau gơnrơh ndai lòt tus nàng tìp khai,

Sacari 3:8

Tŭ do iat tĕ, ơ Jôsua cau gơnoar dờng lam bồ ơn phan duh khoai, mơ ală cau bal mơ mê nggui di đap mê la ală cau lơh rùp sơnio bơh ală bơta rơp tus: Añ rơp cèng cau duh broă Añ jê la Ntê Chi.

Sacari 4:14

Behơ̆ khai đơs lah: “Hơ̆ la bàr nă cau geh bong mơñà, nàng duh broă Yàng Jehôwa jơh plai ù dê.”

Sacari 6:11

Ai tĕ priă mơ màh lơh gơs dô nơm sơgơn bơtau tơndau hơđang bồ cau gơnoar dờng lam bồ ơn phan duh khoai Jôsua, kòn klau Jehôjadak.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Luka 22:31

Yàng đơs lah: “Ơ Simôn, Simôn, do cà Satan kòñ nggum ngkhiang bol mê be kòi mi.

Yal Wơl 10:8

Tòm tŭ hơ̆ Yàng Jehôwa ơn is jơi bơtiàn Lebi nàng tùng Đài Bơta Ho Bal Yàng Jehôwa dê, nàng ntào di đap Yàng Jehôwa duh broă mơ ai lơngai tòm sơnđan Kơnràñ dê kung be bol khai gam lơh jơl tus ngai do.

Yal Wơl 18:15

Jehôwa Yàng Tom Trồ bol mê dê rơp bơtào tơngguh bol mê in dô nă cau gơnoar hwơr tòm toh kung be añ bơh digùl ală oh mi tòm bol mê dê. Bol mê pal iat jơnau khai dê.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

I Samuel 6:20

Gen ală làng bol Bet Semes đơs lah: “Ñcau rgơi ntào di đap mat Yàng Jehôwa la Yàng Tom Trồ sàng goh do taih? Kơnràñ rơp lòt tus hơ ñcau nàng bol he rgơi klàs bơh Kơnràñ taih?”