Sacari 2:9 - Sră Goh 2018

⁹ tŭ do, sền tĕ Añ rơp pò tê tòmdră mơ bol khai tian gơs bol khai rơp kong phà tơnroh bơh ală cau dĭ bol khai dê. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ lòt tus.”

Sacari 2:9 ပူးပေါင်းရင်းမြစ်များ

Esai 10:32

Di di ngai hơ̆ bol khai rơp ơm dơh wơl tòm Nôp, bol khai rơp pò tê tòmdră mơ mơnơm kòn ùr Siôn dê, mơ tòmdră mơ dòr Jerusalem dê!

Esai 11:15

Yàng Jehôwa rơp lơh soat kwil dàlềng Ejiptơ dê; Kơnràñ rơp pò tê ai càl duh hơđang hiòng dờng Ơphrat, Kơnràñ rơp cah is gơ gơlik poh nơm croh dà mơ lơh gơs dô nơm gùng cau rgơi tiă mơ jơng.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 13:2

Bơtào tĕ bồng bi hơđang bồ mơnơm kơlờl, hòi tĕ dờng jơnau mơ bol khai; kwài tĕ tê lơh tềl bol khai in mut tòm ală mpồng dờng ală cau ryŭ ryơm dê!

Esai 14:2

Ală lơgar rơp tă bol khai, mơ cèng bol khai rê wơl hơ tiah bol khai dê. Hìu Israel rơp kup ală làng bol lơh gơs phan tòm, gơs dĭ klau dĭ ùr tòm ù tiah Yàng Jehôwa dê. Bol khai rơp kup dĭ ală cau neh kup bol khai lơh gơs dĭ, mơ at bồ cau neh rồn bơklơn bol khai.

Esai 19:16

Tòm ngai hơ̆, cau Ejiptơ rơp be cau ùr, rơm să rngòt di đap tê Yàng Jehôwa Gơnap Gơnoar Dờng neh pò tòmdră mơ bol khai.

Esai 26:1

Tòm ngai hơ̆, bơta đơs chò do rơp geh đơs tòm ù tiah Juda dê: “Bol he gơs ƀòn dờng pràn kơldang; Kơnràñ bơtào bơta pha lin be ală dơrñang mơ ală dơrñang ƀòn dờng dê.

Esai 33:1

Bòl glar mê in, ơ cau tơnroh cau, mê la cau òhềt kong tơnroh! Ơ mê la cau pơrlơ̆ dră, mơ ală cau òhềt kong pơrlơ̆ dră! Tòm tŭ mê neh sir tơnroh cau, mê rơp kong tơnroh; mơ tòm tŭ mê sir pơrlơ̆ dră di cau, mê rơp kòl cau pơrlơ̆ dră.

Esai 33:21

Mơya bơta ryŭ ryơm Yàng Jehôwa ơm bal mơ bol he tềng hơ̆, la tiah gơs hiòng mơ croh dà dờng ơnàng, rơp ò gơs ơhò dờng mơ plung bềl yàl lòt gan.

Esai 33:23

Ală che kơt bol mê dê neh sơntă: Jrong bềl yàl ò ntào kơ̆ di tiah gơ dê, ò rgơi lì bềl yàl. Gen phan kup geh tơngkah tơngkañ rơp tòmpà; tian gơs cau kwet gơlte kung gơs pơnah tòm bơta phà kup sơl.

Esai 4:5

Gen Yàng Jehôwa rơp crơng gơs hơđang làm jơh mơnơm Siôn mơ hơđang ală tiah cau neh tus pơjum, gơs dô puk mhwal ñhŭ tòm trồ ngai mơ dô nơm jrong ồs pơnđàng tòm trồ mang; ngan hơđang jơh bơta gơklŏ rơp gơs dô nơm bài kơrnìng.

Esai 48:16

Tus tĕ rềp mơ Añ mơ iat jơnau do: Bơh sơnròp Añ òhềt đơs tòm bơta ndơp ndơr; bơh di tŭ bơta hơ̆ gơlik gơs, Añ neh gơs tềng hơ̆ rau. Mơ tŭ do, Yàng Jehôwa At Bồ Hơđang Jơh neh sồr Añ, bal mơ Hwềng Kơnràñ dê.”

Esai 60:18

Bơta jàñ bơsak rơp ò gam kơno tai tòm lơgar mê dê, mơ bơta phà tơrlah hala bơta tơnroh kung rơp ò tai gơlik tus tòm nhàr lơgar mê dê, mơya mê rơp sơnđan ală dơrñang mê dê la “Bơta Dong Klàs” mơ ală mpồng dờng mê dê la “Bơta Jòng Ro.”

Esai 60:19

Mattơngai rơp ò gam la bơta àng mê dê tòm trồ ngai, mơ bơta àng gơcrà mat kơnhai dê kung ò gam sòl pơnđàng tòm trồ mang mê dê; Mơya bơh Yàng Jehôwa rơp la bơta àng gam sùm sùm mê dê, mơ Yàng Tom Trồ mê dê rơp la bơta gơklŏ mê dê.

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Jeremi 28:9

Dilah cau gơnoar hwơr lơi yal bơh bơta lơngap lơngai, mơ jơnau đơs he gơlik gơs tòm toh, gen rơp git cau gơnoar hwơr hơ̆ la ngan bơh Yàng Jehôwa sồr tus!”

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Ejekiel 39:10

Bol khai rơp ò càng jòi lòng tòm ƀlàng hala koh lòng tòm brê, tài bơh bol khai ngui phan tòmlơh nàng sing ồs; bol khai rơp phà sơmbrơt ală cau neh phà sơmbrơt bol khai, mơ tòmpìt ai ală cau neh tòmpìt ai bơh di bol khai, Jehôwa Yàng Tom Trồ đơs behơ̆.’”

Jôel 2:27

Gen bol mê rơp git lah Añ ơm digùl Israel, Mơ git Añ la Jehôwa Yàng Tom Trồ bol mê dê, mơ ò gơs bơtau lơi ndai tai rlau mơ Añ; làng bol Añ jê rơp ò gơs tŭ lơi kong ƀàssìl tai.

Habakuk 2:17

Bơh bơta rhung rhang mê neh lơh Liban in rơp jơm ndơp hơđang mê; mơ bơta tơnroh ală jơi phan poan jơng rơp lơh mê in rngòt rngơt. Bơh mê neh lơh gơhòr mhàm kòn mơnus dê; mê neh tơnroh ală lơgar, ală ƀòn dờng mơ jơh ală làng bol tòm hơ̆.

Habakuk 2:8

Tài bơh mê neh phà tòmpìt oă lơgar, ală làng bol gam kis rơp phà tòmpìt mê. Bơh mê neh lơh gơhòr mhàm cau; mê neh lơh jàñ bơsak mơ ală lơgar, ală ƀòn dờng mơ jơh tơl nă cau ơm tòm hơ̆.

Sôphôni 2:9

Behơ̆ tàng, Yàng Jehôwa Gơnap Gơnoar Dờng Làm Jơh, la Yàng Tom Trồ Israel dê đơs lah: “Di ngan kung be Añ kis, Môap rơp gơlik be Sôdôm, mơ cau Ammôn rơp gơlik be Gômôrơ, gơ rơp gơlik gơs dô bă tiah gơs lò hòn mơ ală trồm boh, dô bă tiah sang lòi srau gòi gam sùm sùm. Ală cau gam wơl tòm làng bol Añ jê rơp phà tòmpìt bol khai, ală cau gam kis tòm lơgar Añ jê rơp tòmpìt ù tiah gơlơh gơs sre brê.”

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Sacari 2:8

Bơh Yàng Jehôwa Gơnap Gơnoar Dờng Làm Jơh đơs lah (tơnơ̆ mơ tŭ bơta gơklŏ Kơnràñ dê neh sồr tus hơ añ) pơnah ală lơgar neh phà tơnroh bol mê lah: bơh cau lơi ƀư di bol mê hơ̆ la ƀư di kòn mat Kơnràñ dê,

Sacari 4:9

“Tê Jerubabel neh bơt mơnàng hìu duh khoai do, gen tê khai kung rơp lơh sir. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê.

Sacari 6:15

Ală cau ơm ngài rơp tus mơ dong kòl tòm bơta bơt bơtào hìu duh khoai Yàng Jehôwa dê: mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê. Bơta hơ̆ rơp gơlik tus dilah bol mê ngac ngar dòn bơr lơh jat jơnau Jehôwa Yàng Tom Trồ bol mê dê.

Sacari 9:15

Yàng Jehôwa Gơnap Gơnoar Dờng Làm Jơh rơp rcang gàr bol khai, mơ bol khai rơp sa loan mơ jă tơnlề ală cau pañ sơna mơ lŭ. Bol khai rơp lơh gơtuh mhàm cau sò tơm bol khai dê kung be cau bơñul; bol khai rơp geh bềng kung be dô nơm jơrlŭ dà ngui nàng rsìh hơđang ală mum cơnòng duh khoai dê.

Jang 13:19

Bơh tŭ do, Añ yal bol mê in lài mơ tŭ broă hơ̆ òhềt gơlik gơs; nàng tòm tŭ broă hơ̆ gơlik gơs rau, gen bol mê dòn Añ la Bơtau neh gơs mơ gam gơs sùm sùm.

Jang 16:4

Mơya Añ neh yal ală bơta hơ̆ bol mê in, nàng tŭ jơ tus, gen bol mê kah lah Añ neh đơs ală bơta hơ̆ mơ bol mê rau. Añ ò đơs ală bơta hơ̆ mơ bol mê bơh tŭ sơnròp, bơh Añ gam ơm mơ bol mê.