Sacari 2:8 - Sră Goh 2018

⁸ Bơh Yàng Jehôwa Gơnap Gơnoar Dờng Làm Jơh đơs lah (tơnơ̆ mơ tŭ bơta gơklŏ Kơnràñ dê neh sồr tus hơ añ) pơnah ală lơgar neh phà tơnroh bol mê lah: bơh cau lơi ƀư di bol mê hơ̆ la ƀư di kòn mat Kơnràñ dê,

Sacari 2:8 ပူးပေါင်းရင်းမြစ်များ

Sơnròp Gơlik Gơs 20:6

Tòm bơta mpau, Yàng Tom Trồ đơs tai lah: “Añ git mê lơh bơta hơ̆ mơ nùs song, tài bơh hơ̆ Añ kơryan mê tìs glài mơ Añ, mơ ò ai mê ƀư di cau ùr hơ̆.

II Ală Bơtau 24:2

Yàng Jehôwa chồl ală mpồl ling Kalde, ling Aram, ling Môap, mơ ling Ammôn dê tus tòmlơh mơ tơnroh Juda, jat be jơnau Yàng Jehôwa neh đơs bơh di ală cau gơnoar hwơr, la dĭ gơna Kơnràñ dê.

Đơs Crih 17:8

Dan Yàng sền gàr añ be gar mat tòm mat Kơnràñ dê; Dan jơm añ tòm tiah mƀur pơnđar Yàng dê.

Jơnau Pơnđik 7:2

Lơh jat tĕ ală gơnoar sồr añ, gen kòn rơp geh kis; Mơ prap gàr jơnau bơto tơngkah añ be gar mat kòn dê.

Esai 49:19

Bulah mê neh gơprah gơpring mơ kòl sang ngềt ngơt, mơ lơgar mê dê gơkòl lòi srau gòi, tŭ do mê rơp gơlik gơs hat hal làng bol mê in, mơ ală cau neh sa loan mê rơp ơm ngài bơh di mê.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 27:7

Jơh ală lơgar rơp dòn duh khai, kòn khai, sau khai, jơl tus di tŭ tơngai lơgar khai di neh tus; tŭ hơ̆ oă lơgar mơ ală bơtau dờng rơp kup khai dòn duh wơl.

Ejekiel 25:12

Jehôwa Yàng Tom Trồ đơs be do: “Tài bơh làng bol Edôm neh sal tê tòmdră di hìu Juda, mơ neh lơh bơta tràl sơrbil kơnjơ̆ bơh neh sal tê hơđang bol khai,

Ejekiel 25:15

Yàng Jehôwa đơs be do: “Tài bơh làng bol Philistin neh sal tê, lơh bơta sal wơl mơ nùs lac lèo, bơh bơta sò tơm yau òr mơ jòi tơnroh Juda,

Ejekiel 26:2

“Ơ kòn mơnus, tài bơh Tirơ neh đơs bơh Jerusalem lah: ‘Ha ha! Mpồng dờng ală làng bol dê neh tơrlah rau! Ală mpồng gơ dê neh pò añ in; tŭ do gơ neh kòl tơnroh jơh hir mơ añ rơp geh gơbơtơl tai.’

Ejekiel 26:20

gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

Ejekiel 35:5

Tài bơh mê gam prap dô bơta gơjrañ bơh yau mơ neh jào phi cau Israel tòm gơnoar pềs tà tòm ngai rung rài bol khai dê, tŭ tơngai bơta lơh glài lồi dut bol khai dê,’

Ejekiel 36:11

Añ rơp ai bơtơl khà kòn mơnus mơ phan poan jơng hơđang bol mê, bol khai rơp gơbơtơl mơ gơlik oă. Añ rơp lơh mê in gơs làng bol ơm kung be lài òr, mơ ai bol mê in oă bơta niam rlau mơ lài òr. Gen bol mê rơp git Añ la Yàng Jehôwa.

Ejekiel 38:11

Mê rơp đơs lah: ‘Añ rơp guh tòmdră mơ lơgar ală ƀòn ò gơs dơrñang; añ rơp brồ lơh dô nơm làng bol ơm ring lơngai, jơh tơl nă bol khai ơm tòm ală tiah ò gơs dơrñang, ò gơs mpồng mơ gai kal mpồng.

Ejekiel 38:14

Behơ̆ gen, ơ kòn mơnus, đơs hwơr tĕ mơ đơs mơ Gok lah: Jehôwa Yàng Tom Trồ đơs be do: ‘Tòm ngai hơ̆, tòm tŭ làng bol Israel Añ jê ơm lơngap lơngai, mê ò git sơl ơ?

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Amôs 1:13

Yàng Jehôwa đơs be do: “Bơh tồi glài Ammôn dê, oă rlau mơ pe poan dơ̆. Añ rơp ò jùt sang bơta lơh glài Añ jê. Tài bơh khai neh reh kơndul ală cau ùr bun tòm Galaat, nàng pò ơnàng nhàr ù tiah khai dê.

Amôs 1:9

Yàng Jehôwa đơs be do: “Bơh tồi glài Tirơ dê, oă rlau mơ pe, poan dơ̆, Añ rơp ò jùt sang bơta lơh glài Añ jê. Tài bơh bol khai neh jào phi jơh mpồl làng bol cau Edôm in, mơ ò gam kah bơh bơta ho bal lơh gơs oh mi.

Mice 4:11

Mơya tŭ do gơs oă lơgar pơjum bal tòmdră mơ mê. Bol khai đơs lah: “Lòi tĕ khai gơkòl ƀơ̆ ƀơl, mơ lòi tĕ gar mat bol he sền trol di Siôn!

Mice 5:6

Bol khai rơp at bồ lơgar Asiri mơ đào, mơ tă đào at bồ lơgar Nimrôt. Bol khai rơp dong bol he klàs bơh cau Asiri, dilah bol khai brồ mut tòm ù tiah bol he dê hala cơnđòa lòt tòm ală nhàr tiah bol he dê.

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Habakuk 2:17

Bơh bơta rhung rhang mê neh lơh Liban in rơp jơm ndơp hơđang mê; mơ bơta tơnroh ală jơi phan poan jơng rơp lơh mê in rngòt rngơt. Bơh mê neh lơh gơhòr mhàm kòn mơnus dê; mê neh tơnroh ală lơgar, ală ƀòn dờng mơ jơh ală làng bol tòm hơ̆.

Habakuk 2:8

Tài bơh mê neh phà tòmpìt oă lơgar, ală làng bol gam kis rơp phà tòmpìt mê. Bơh mê neh lơh gơhòr mhàm cau; mê neh lơh jàñ bơsak mơ ală lơgar, ală ƀòn dờng mơ jơh tơl nă cau ơm tòm hơ̆.

Sôphôni 2:8

Añ neh kơno ală jơnau dơñŏ tơnhial Môap dê mơ ală jơnau lah sơrpah Ammôn dê, bol khai dơñŏ tơnhial làng bol Añ jê mơ jòng să bơh bơta tòmpìt ai lơgar làng bol Añ jê.

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Sacari 2:9

tŭ do, sền tĕ Añ rơp pò tê tòmdră mơ bol khai tian gơs bol khai rơp kong phà tơnroh bơh ală cau dĭ bol khai dê. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ lòt tus.”

Sacari 8:5

Ală gùng tòm ƀòn dờng rơp gơs bềng ală kơnòm ùr kơnòm klau kơnhơl tềng hơ̆.”

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 17:18

Be Bèp neh sồr Añ lòt tus tòm dunnia, gen Añ kung sồr bol khai lòt tus tòm dunnia sơl.

Broă 9:4

Khai gơplơ̆ tòm ù, mơ kơno jơnau đơs mơ khai lah: “Ơ Sol, Sol, ñchi bơh tài mê kup kơryan Añ taih?”

Yal Wơl 32:10

Tòm tiah ƀlàng ngềt ngơt dê Kơnràñ neh jòi bàn khai, tòm ƀlàng sang gòi mìng gơs càl khồm, ò gơs chi che. Kơnràñ jơm gòm khai kơlôi rcang bơh khai. Kơnràñ sền gàr khai kung be kòn mat Kơnràñ dê,

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.