Sacari 2:4 - Sră Goh 2018

⁴ mơ đơs mơ khai lah: “Ntoat tĕ, đơs mơ cau klau pơnu hơ̆ lah: Jerusalem rơp gơlik dô nơm ƀòn dờng ò gơs dơrñang, tài bơh gơs oă ngan cau mơ phan poan jơng ơm tòm hơ̆.

Sacari 2:4 ပူးပေါင်းရင်းမြစ်များ

Este 9:19

Tài bơh hơ̆ tàng ală cau Juda ơm tòm ƀòn lơgar, hơ̆ la ală cau ơm tòm ală ƀòn dềt, kah prap ngai jơt poan kơnhai Adar lơh gơs ngai hòn chò mơ ngai pơjum sa, dô ngai mơ bol khai pơyoa phan pà gòi bal mơ gơp.

Esai 33:20

Sền tơnggòr tĕ Siôn, la ƀòn dờng sac rwah ngai pơjum sa bol he dê; Gar mat mê rơp gŏ Jerusalem, la tiah ơm ring lơngai, la dô nơm sàl rơp ò kòl tă pơrdô tai, ală gai jơrmơng gơ dê rơp ò tŭ lơi kòl bŭi, ò gơs dô dang che lơi gơ dê rơp gơkòl tac.

Esai 44:26

la Bơtau neh lơh gơlik gơs tòm toh be jơnau đơs ală cau duh broă Añ jê, mơ lơh gơlik di ngan ală jơnau đơs lài ală cau kong sồr Añ jê, la Bơtau neh đơs bơh Jerusalem lah: ‘Gơ rơp gơs cau ơm tòm hơ̆,’ bơh ală ƀòn dờng Juda lah: ‘Gơ rơp geh bơt bơtào, Añ rơp bơt bơtào wơl ală tiah hơ̆;’

Esai 49:20

Kòn sau mê neh deh tòm pah ngai ñìm ƀồc mê dê rơp đơs tòm tồr mê lah: ‘Tiah do la hat hal ngan bol hi in; dan ai bơtơl tiah bol hi in nàng kis tềng hơ̆.’

Esai 54:16

Sền ne, Añ neh crơng gơs cau chài tiar, la cau ơsuh ồs rnga hơng nàng tiar dô nơm phan tòmlơh ngui tòm bơta gơs kwơ. Mơ Añ neh crơng gơs cau phà tơnroh nàng tơnroh.

Jeremi 1:6

Añ đơs lah: “Khoai Yàng Jehôwa! Do, añ ò git đơs ñchi lơi, bơh añ la kơnòm dềt.”

Jeremi 31:24

Làng bol rơp ơm bal tòm Juda mơ tòm ală ƀòn dờng gơ dê, ală cau lơh sre bal mơ ală cau ê mpồl phan poan jơng bol khai dê.

Jeremi 31:27

Yàng Jehôwa đơs: “Ală ngai hơ̆ rơp tus, la tòm tŭ Añ rơp tam hìu Israel mơ hìu Juda mơ gar sơntìl jơi kòn mơnus mơ gar sơntìl jơi phan poan jơng sơl.

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Ejekiel 38:11

Mê rơp đơs lah: ‘Añ rơp guh tòmdră mơ lơgar ală ƀòn ò gơs dơrñang; añ rơp brồ lơh dô nơm làng bol ơm ring lơngai, jơh tơl nă bol khai ơm tòm ală tiah ò gơs dơrñang, ò gơs mpồng mơ gai kal mpồng.

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Mice 7:11

Gơs dô ngai bơt bơtào ală dơrñang mê dê, tòm ngai pò ơnàng ală nhàr lơgar mê dê.

Sacari 1:16

Gen tàng Yàng Jehôwa đơs be do: ‘Añ ai nùs nđàc sơngit mơ rê wơl hơ Jerusalem; tềng hơ̆ hìu Añ rơp bơt bơtào wơl. Mơ che was rơp dang hơđang Jerusalem.’ Yàng Jehôwa Gơnap Gơnoar Dờng Làm Jơh đơs behơ̆.

Sacari 1:17

Bơto yal tĕ oă rlau tai lah: Yàng Jehôwa Gơnap Gơnoar Dờng Làm Jơh đơs be do: ‘Ală ƀòn dờng Añ jê rơp geh bềng lìu pas gơs, mơ Yàng Jehôwa rơp dô dơ̆ tai pơndòm pơniang Siôn mơ sac rwah Jerusalem wơl.’”

Sacari 12:6

Tòm ngai hơ̆, Añ rơp lơh ală cau kwang at bồ Juda in gơlik gơs kung be dô nơm bơnhă ồs ơm digùl dô gơnru lòng, kung be dô nơm sơmpòl ồs ơm digùl ală cap kòi. Bol khai rơp chu pơrguc đah ma mơ đah kiau, jơh ală làng bol ơm gùt dar; mơ tŭ hơ̆ Jerusalem rơp geh cau ơm tai tòm tiah gơ dê, tòm Jerusalem.”

Sacari 14:12

Do rơp la bơta pluh plàng mơ Yàng Jehôwa rơp ngui nàng lơh glài jơh ală làng bol tòmlơh mơ Jerusalem: poac bol khai dê rơp ồm lề tòm tŭ jơng bol khai gam ơm ntào, gar mat bol khai dê rơp ồm lề tòm mat bol khai dê, mơ lơmpiat bol khai dê rơp ồm lề tòm bơr bol khai dê.

I Timôthe 4:12

Bañ lòi cau lơi dơñŏ tơnhial di mê tài bơh mê gam kơnòm să, mơya pal ai tĕ jơnau đơs, bơta lơh lòt, bơta kòñ gơboh, bơta dòn mơ bơta sàng goh nàng lơh krơh ală cau dòn in.