Sacari 13:9 - Sră Goh 2018

⁹ Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Sacari 13:9 ပူးပေါင်းရင်းမြစ်များ

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

Sră Jop 23:10

Mơya Kơnràñ git gùng lòt añ jê; Tòm tŭ Kơnràñ neh lòng añ, añ rơp gơlik gơs be màh.

Sră Jop 28:1

“Ngan gơs dô bă tiah tòm mơnơm cau tò ai priă, mơ gơs dô bă tiah nàng lơh goh màh.

Đơs Crih 144:15

Lơngai làng bol lơi in geh bơta bơtoah bơtoài behơ̆! Lơngai làng bol lơi in gơs Jehôwa la Yàng Tom Trồ bol khai dê!

Đơs Crih 43:4

Gen añ rơp lòt tus hơ cơnòng duh khoai Yàng Tom Trồ, La Yàng Tom Trồ ai añ in bơta hòn chò dờng ngan ò git lơh; Ơ Yàng la Yàng Tom Trồ añ jê, añ rơp pĕ kơñi mơ jòng ro Yàng.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Jơnau Pơnđik 17:3

Glah lòs ngui nàng tŏ tiar priă, bơnhă lòs ngui nàng tŏ tiar màh; Mơya Yàng Jehôwa lòng nùs kòn mơnus dê.

Đơs Chò 2:16

Cau kòñ gơboh añ gơrê bal mơ añ, mơ añ gơrê bal mơ khai; khai ê mpồl he digùl ƀlàng bơkào gun,

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Esai 48:10

Do, Añ neh tŏ tiar bol mê, mơya ò di be tŏ tiar priă; Añ neh lòng bol mê tòm bơnhă ồs bơta rung rài bòl glar.

Esai 58:9

Gen bol mê rơp hòi, mơ Yàng Jehôwa rơp ho wơl; bol mê rơp rac dan dong kòl, mơ Kơnràñ rơp đơs lah: ‘Gơs Añ do!’ Dilah bol mê tă sang yô bơh digùl bol mê, ò cong tê đơs blac pơrlồm;

Jeremi 24:5

“Jehôwa Yàng Tom Trồ Israel dê đơs be do: ‘Kung be ală plai chi ƀal niam do, Añ kung rơp sền ală cau kup cèng gơs dĭ Juda dê, mơ Añ neh bơtrơh bơh tềng do tus tòm lơgar cau Kalde, lòi bol khai in gơs kwơ.

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Jeremi 9:6

Yàng Jehôwa đơs: “Bơta rồn bơklơn bơtơl bơta rồn bơklơn; Blac pơrlồm bơtơl blac pơrlồm! Behơ̆ tàng bol khai ò bài đal git Añ.”

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.

Ejekiel 14:11

Gen làng bol Israel rơp ò tai lòt tìs nrah bơh di Añ, kung ò tai lơh ƀơ̆ ƀơl să tòm bol khai bơh jơh ală bơta tồi glài bol khai dê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê, Jehôwa Yàng Tom Trồ đơs behơ̆.”’”

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Ejekiel 36:28

Bol mê rơp ơm tòm lơgar mơ Añ neh ai ồng pàng bol mê in; bol mê rơp lơh gơs làng bol Añ jê, mơ Añ rơp lơh gơs Yàng Tom Trồ bol mê dê.

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

Daniel 11:35

Tòm ală cau jak chài rơp gơs dô êt cau tìs nrah bơh hơ̆ tồ bol khai in geh lòng tiar, geh lơh gơs sàng goh mơ rào goh tơngai lồi dut in, tài bơh pal ơm gơn jơl tus di tơngai lơh nền.

Daniel 12:10

Oă cau rơp geh lơh gơs sàng goh, geh lơh gơs wil tơl ò tềl ƀơ̆, mơ geh lòng tiar, mơya ală cau iơh rơp kư̆ lơh iơh. Ò gơs cau iơh lơi rơp git wă mơya ală cau jak chài rơp git wă.

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Lebi 26:12

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Broă 2:21

Mơ tai, cau lơi hòi dan di sơnđan Yàng gen rơp geh dong klàs.’

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

I Pier 4:12

Ơ ală cau kòñ gơboh, tòm tŭ bơta gơlòng bòl glar gơtơntus kung be ồs nàng lòng oh mi, gen oh mi bañ ai lơh mơp dơl be he tìp dô nơm broă krơi is.

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.

Yal Tơlik 8:10

Cau gơnrơh dơ̆ pe uh kơlwòk, gen gơs dô nơm sơmañ dờng dùh bơh đang trồ, gơ gơs ồs sa be dô nơm sơmpòl, mơ gơrung hơđang dô pơnah pe ală hiòng mơ ală croh dà.

Yal Tơlik 8:11

Sơmañ hơ̆ sơnđan la Chi Bơtang. Dô pơnah pe ală dà gơlik gơs bơtang, mơ gơs oă cau chơt tài bơh dà gơlik bơtang.

Yal Tơlik 8:12

Cau gơnrơh dơ̆ poan uh kơlwòk, gen dô pơnah pe mattơngai, dô pơnah pe mat kơnhai, dô pơnah pe ală sơmañ kong pòng pù, tồ dô pơnah pe ală bơta àng hơ̆ gơlik jơngo, mơ trồ ngai roh dô pơnah pe bơta àng, mơ trồ mang kung behơ̆ sơl.

Yal Tơlik 8:7

Cau gơnrơh sơnròp uh kơlwòk, gen gơs mìu piar, mơ ồs bơcă bal mơ mhàm dùh tòm plai ù. Dô pơnah pe chi che kong ồs sa, mơ jơh ală ñhơt tơlir kong ồs sa sơl.

Yal Tơlik 8:8

Cau gơnrơh dơ̆ bàr uh kơlwòk, gen gơs dô nơm phan gơlơh be dô nơm mơnơm dờng gơs ồs sa kong sơrbì tòm dàlềng. Gen dô pơnah pe dàlềng gơlik gơs mhàm,

Yal Tơlik 8:9

dô pơnah pe phan kis tòm dàlềng chơt jơh, mơ dô pơnah pe ală ơhò kong tơnroh.