Sacari 13:3 - Sră Goh 2018

³ Mơ dilah gơs cau lơi gam đơs hwơr, gen mè mơ bèp khai dê la cau neh deh khai, rơp đơs mơ khai lah: ‘Mê rơp ò geh kis, tài bơh mê neh ai sơnđan Yàng Jehôwa mơ đơs ală jơnau blac.’ Mơ mè bèp tòm khai dê la cau neh deh khai rơp sreh tơnchơt khai tòm tŭ khai đơs hwơr.

Sacari 13:3 ပူးပေါင်းရင်းမြစ်များ

Jeremi 23:25

Añ neh kơno bơta ală cau gơnoar hwơr do đơs, bol khai ai sơnđan Añ mơ đơs hwơr ma blac lah: ‘Añ neh mpau; ngan añ neh mpau!’

Jeremi 23:34

Ai ală cau gơnoar hwơr, cau gơnoar ơn phan duh khoai, mơ làng bol đơs ‘Ơnòng kơnjơ̆ Yàng Jehôwa dê,’ gen Añ rơp lơh glài cau hơ̆ mơ hìu khai dê.

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Ejekiel 13:23

gen tàng bol ai rơp ò tai gŏ bơta gơtơnggŏ blac hala đơs hwơr tai. Añ rơp dong tă làng bol Añ klàs bơh di tê bol ai. Gen bol ai rơp git Añ la Yàng Jehôwa.’”

Ejekiel 14:9

Dilah cau gơnoar hwơr gơkòl pơrlồm ơniai mơ đơs dô jơnau, gen Añ, Yàng Jehôwa neh lòi cau gơnoar hwơr hơ̆ gơkòl pơrlồm ơniai, mơ Añ rơp pò tê tòmdră mơ khai, mơ tơnroh khai bơh digùl làng bol Israel Añ jê.

Ejekiel 43:7

Khai đơs mơ añ lah: “Ơ kòn mơnus, do la tiah ơn sơbàn Añ jê, mơ la tiah ơn kơndòl jơng Añ jê. Do la tiah Añ rơp ơm sùm sùm digùl kòn sau Israel. Hìu Israel, bol khai hala ală cau bơtau bol khai dê, rơp ò tŭ lơi lơh ƀơ̆ ƀơl tai sơnđan sàng goh Añ jê bơh bơta dri tơlàr bol khai dê, mơ bơh ală rùp ràk ò gơs bơta kis ală cau bơtau bol khai dê hơđang ală tiah jơnhoa.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Luka 14:26

“Dilah cau lơi lòt tus hơ Añ mơ ò kòñ gơboh di Añ rlau mơ mè bèp, kòn bau, oh mi, ruh lŏ he dê, mơ bơta kis să tòm he dê sơl, gen ò rgơi lơh gơs cau bơtê Añ jê.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Yal Wơl 18:20

Mơya dô nă cau gơnoar hwơr lơi ai sơnđan mơ đơs jơnau lơi Añ ò sồr khai đơs, hala dô nă cau gơnoar hwơr lơi ai sơnđan ală yàng ndai mơ đơs gen pal kong tơnchơt.”

Yal Wơl 33:9

khai neh đơs bơh bèp mơ bơh mè khai dê lah: ‘Añ ò sền bol khai dờng màng;’ khai ò đal git ală oh mi khai dê, hala dòp git ală kòn sau tòm khai dê. Bơh khai lơh jat jơnau Kơnràñ dê, mơ prap gàr bơta ho bal Kơnràñ dê.