Sacari 12:3 - Sră Goh 2018

³ Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”

Sacari 12:3 ပူးပေါင်းရင်းမြစ်များ

Esai 60:12

Bơh làng bol hala lơgar lơi ò duh broă mê gen rơp roh rui; jơh ală làng bol mơ lơgar hơ̆ rơp gơkòl lòi srau gòi.

Apdia 1:18

Hìu Jakôp rơp la ồs, mơ hìu Jôsep rơp la lơmpiat ồs; hìu Esau rơp la rhe, mơ bol khai rơp chu pơrguc gơ. Rơp ò gam cau lơi kis tòm hìu Esau dê.” Yàng Jehôwa neh đơs behơ̆.

Mice 5:15

Tòm bơta gơhào gơjrañ mơ gơjrañ dờng, Añ rơp sal tê di ală lơgar ò dòn bơr Añ.”

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Habakuk 2:17

Bơh bơta rhung rhang mê neh lơh Liban in rơp jơm ndơp hơđang mê; mơ bơta tơnroh ală jơi phan poan jơng rơp lơh mê in rngòt rngơt. Bơh mê neh lơh gơhòr mhàm kòn mơnus dê; mê neh tơnroh ală lơgar, ală ƀòn dờng mơ jơh ală làng bol tòm hơ̆.

Sôphôni 3:19

Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Sră Age 2:22

Añ rơp tuh tơlup ală sơbàn bơtau mơ tơnroh gơnap gơnoar ală lơgar làng bol bơdìh dê. Añ rơp tuh tơlup ală rơndeh lòs tòmlơh bal mơ ală cau at gơ; ală ơseh bal mơ ală cau hào gơ rơp dùh, kòp nă kong sreh tơnchơt bơh đào oh mi khai dê.’”

Sacari 12:11

Tòm ngai hơ̆, rơp gơs bơta ñìm ngkè dờng tòm Jerusalem, kung be bơta ñìm ngkè Hadat Rimmôn dê tòm ƀlàng ring Megidô.

Sacari 12:4

Yàng Jehôwa đơs: “Tòm ngai hơ̆, Añ rơp pù lơh kòp nơm ơseh mơ bơta nsràng rngòt, mơ ală cau hào ơseh gơlik sơnrang sơnrồng. Mơya Añ rơp ai mat sền gàr hìu Juda, tòm tŭ Añ pù ală ơseh làng bol dê lơh bol gơ in gơlik jơngo mat.

Sacari 12:6

Tòm ngai hơ̆, Añ rơp lơh ală cau kwang at bồ Juda in gơlik gơs kung be dô nơm bơnhă ồs ơm digùl dô gơnru lòng, kung be dô nơm sơmpòl ồs ơm digùl ală cap kòi. Bol khai rơp chu pơrguc đah ma mơ đah kiau, jơh ală làng bol ơm gùt dar; mơ tŭ hơ̆ Jerusalem rơp geh cau ơm tai tòm tiah gơ dê, tòm Jerusalem.”

Sacari 13:1

Tòm ngai hơ̆ rơp gơs dô nơm croh dà gơ pò hìu Dabit mơ làng bol Jerusalem in, nàng rào goh bol khai bơh tồi glài mơ bơta ƀơ̆ ƀơl.

Sacari 14:13

Tòm ngai hơ̆, Yàng Jehôwa rơp đùh bơta rngòt rngơt dờng ngan hơđang ală cau. Kòp nă rơp at di tê dô nă cau gơp ƀòn he, mơ bol khai rơp brồ lơh cau do mơ cau ne.

Sacari 14:6

Tòm ngai hơ̆ rơp ò gơs bơta àng, ò noat hala mrềt.

Mathiơ 21:44

Cau lơi dùh hơđang pơnai lŭ hơ̆ gen rơp lề trak, ai lŭ hơ̆ dùh di cau lơi, gen rơp tơnlề cau hơ̆ be thul.”

Luka 20:18

Cau lơi dùh hơđang pơnai lŭ hơ̆ gen rơp lề lac; ai lŭ hơ̆ dùh di cau lơi, gen rơp lơh cau hơ̆ lề trak.”

Yal Tơlik 16:14

Bol gơ la hwềng ală cà dê, lơh ală tềl krơi, lik lòt tus hơ ală cau bơtau tòm làm jơh dunnia, nàng pơjum bol khai tòm bơta kơlìn tòm ngai dờng Yàng Tom Trồ dê, la Bơtau Gơnoar Dờng Làm Jơh.