Sacari 11:9 - Sră Goh 2018

⁹ Behơ̆ Añ đơs lah: “Añ rơp ò lơh gơs cau ê bol mê tai. Belàt lơi chơt gen lòi tĕ gơ chơt; belàt lơi roh rui gen lòi tĕ gơ roh rui; ai ală belàt gam wơl gen belàt do rơp sa poac belàt ne.”

Sacari 11:9 ပူးပေါင်းရင်းမြစ်များ

Jeremi 19:9

Añ rơp lơh bol khai in sa poac kòn klau kòn ùr he dê, mơ kòp nă sa poac cau bơyô he dê tòm tŭ gơkòl gơrwàng, mơ tòm bơta dồn sa rƀah la tŭ cau sò tơm mơ ală cau kòñ jòi bơta kis bol khai dê lơh bol khai in jê sồt.’

Jeremi 23:33

“Dilah làng bol do, cau gơnoar hwơr hala cau gơnoar ơn phan duh khoai, lùp mê lah: ‘Ơnòng kơnjơ̆ Yàng Jehôwa dê la ñchi?’ Ho tĕ lah: ‘Ơnòng kơnjơ̆ hơ̆ la bol mê,’ Yàng Jehôwa đơs: ‘Añ rơp sang lòi bol mê.’

Jeremi 23:39

tài behơ̆, Añ rơp hŭi ngan bol mê; Añ rơp sang bol mê ngài bơh di Añ, mơ ƀòn Añ neh ai bol mê mơ ồng pàng bol mê in, ngài bơh di đap Añ.

Jeremi 43:11

Bơtau hơ̆ rơp tus, lơh lơgar Ejiptơ Ală cau pal kong pluh plàng gen chơt bơh pluh plàng, Ală cau pal lơh dĭ gen kup cèng gơs dĭ, Ală cau pal kong chơt bơh pềs tà gen phi pềs tà in!

Ejekiel 5:10

Digùl bol mê, ngan, ală mè bèp rơp sa poac ală kòn bol khai dê, mơ ală kòn rơp sa poac ală mè bèp bol khai dê. Añ rơp tơndùh bơta lơh glài hơđang mê mơ Añ rơp rsìh tòm càl jơh ală cau gam kis mê dê.’”

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Sacari 13:8

Yàng Jehôwa đơs lah: “Tòm làm jơh lơgar, bàr pơnah pe rơp kong tă sang mơ tơnroh; bulah behơ̆, dô pơnah pe rơp gam wơl tòm hơ̆.

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Mathiơ 21:19

Kơnràñ gŏ dô tòm chi ƀal di gah gùng, lòt tus rềp mơya ò gŏ plai lơi, mìng nha lơm, gen Kơnràñ đơs mơ gơ lah: “Bơh do jơl hìng nau mê ò gơs tŭ lơi gơlik plai tai ò!” Tŭ hơ̆ chi ƀal ro mo.

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 8:21

Kơnràñ đơs tai mơ bol khai lah: “Añ lòt, bol mê rơp jòi Añ, mơ bol mê rơp chơt tòm tồi glài bol mê dê. Tiah Añ lòt, bol mê ò rgơi lòt tus.”

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Yal Tơlik 22:11

Cau lơh iơh kư̆ lòi khai lơh iơh tai, cau ngkòr ngkàc kư̆ lòi khai kòl tòm bơta ngkòr ngkàc tai, cau song ring kư̆ lòi khai lơh bơta song ring tai, cau sàng goh kư̆ lòi khai ơm sàng goh tai.”