Sacari 10:9 - Sră Goh 2018

⁹ Bulah Añ neh rsìh bol khai digùl ală làng bol, mơya tòm ală lơgar ngài bol khai rơp kah wơl Añ. Bol khai cèng bal kòn sau bol khai dê mơ rê wơl.

Sacari 10:9 ပူးပေါင်းရင်းမြစ်များ

Nehemi 1:9

Mơya dilah bol mê rê wơl hơ Añ mơ prap gàr ală bơta sồr lam Añ jê, mơ lơh jat; bulah bol mê kòl sơrbì hơ jơng trồ ngài rlau jơh, gen Añ rơp tơrgòm bol khai bơh tềng hơ̆, mơ lam bol khai rê tus hơ tiah Añ neh sac rwah nàng bơtào kơ̆ sơnđan Añ jê.’

Este 8:17

Tòm kòp kơnhwàl lơgar mơ tòm kòp ƀòn dờng, tiah lơi neh tus jơnau gơnoar sồr cau bơtau dê gen gơs bơta hòn chò hừh hơh digùl cau Juda, bal mơ bơta ñô sa dờng mơ ngai ơm rlô pơjum chò hòp. Mơ gơs oă cau tòm ală làng bol ndai neh gơlik gơs làng bol Israel tài bơh bol khai rngòt rngơt ngan di làng bol Israel.

Esai 44:21

Ơ Jakôp, kah tĕ ală bơta do, ơ Israel, bơh mê la cau duh broă Añ jê. Añ neh lơh gơs mê, mê la cau duh broă Añ jê; ơ Israel, Añ rơp ò hŭi mê.

Esai 64:4

Bơh di ală rài yau òr, ò gơs cau lơi neh kơno, kung ò gơs tồr lơi neh iat, ò gơs gar mat lơi neh gŏ gơs Yàng Tom Trồ lơi ndai rlau mơ Kơnràñ, neh lơh gơs broă ală cau in kơp gơn di Kơnràñ.

Esai 65:23

Bol khai rơp ò lơh broă gơlik ò kwơ, bol khai tơnggơs kòn sau nàng kong bơta rung rài; bơh bol khai la dô nơm làng bol geh Yàng Jehôwa ai lơngai lơngò, bol khai bal mơ ală kòn sau bol khai dê.

Esai 65:9

Añ rơp lơh ală kòn sau lik bơh Jakôp, mơ bơh Juda gơlik ală cau pơrdòn ală mơnơm Añ jê; làng bol sac rwah Añ jê rơp pơrdòn gơ, mơ tềng hơ̆ ală cau duh broă Añ jê rơp ơm.

Jeremi 31:27

Yàng Jehôwa đơs: “Ală ngai hơ̆ rơp tus, la tòm tŭ Añ rơp tam hìu Israel mơ hìu Juda mơ gar sơntìl jơi kòn mơnus mơ gar sơntìl jơi phan poan jơng sơl.

Jeremi 51:50

Bol mê la cau neh pleh klàs bơh đào, Lòt tĕ, bañ dơh wơl! Bơh tiah ngài, pal kah tĕ Yàng Jehôwa, Mơ kơlôi sơnơng tĕ bơh Jerusalem!

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Sră Ôse 2:23

Añ rơp tam khai Añ in tòm lơgar; Añ rơp nđàc sơngit di Lôruhama, mơ Añ rơp đơs mơ Lôammi, ‘Mê la làng bol Añ jê;’ mơ khai rơp đơs lah: ‘Kơnràñ la Yàng Tom Trồ añ jê.’”

Amôs 9:9

“Bơh Añ rơp ai jơnau sồr, mơ Añ rơp nggum hìu Israel digùl jơh ală làng bol, mơya ò gơs dô gơnar lơi rơp rung di ù.

Mice 5:7

Pơnah gam wơl Jakôp dê rơp ơm digùl oă làng bol kung be dà tŭ tus bơh di Yàng Jehôwa, kung be mìu dùh hơđang ñhơt, gơ ò gơn kơnòm di cau hala kơp gơn jơi kòn mơnus.

Broă 8:1

Sol dô nùs bal tòm bơta tơnchơt Etien. Tòm ngai hơ̆, Hìu Jum Goh tòm Jerusalem gơtìp bơta kup kơryan dờng ngan; jơh ală cau dòn Yàng dô nrah nring tòm làm lơgar Jude mơ lơgar Samari, gam mìng ală cau gơnoar bơto dờng lơm.

Broă 8:4

Behơ̆ ală cau neh dô nrah nring hơ̆ lòt bơh tiah do tus hơ tiah ndai, bơto yal jơnau Yàng.

Rôma 11:24

Dilah mê neh gơkòl koh bơh chi ôlibe brê jat òs gơ dê, nàng geh crap tòp di tòm ôlibe niam ò jat òs gơ dê; gen sơlo rlau tai, ală cau Juda hơ̆ la ntê tòm rơp geh crap tòp di chi ôlibe tòm he dê!