Sacari 10:4 - Sră Goh 2018

⁴ Bơh di Juda rơp tus lŭ mum hìu, bơh di khai rơp gơs jơrmơng sơntơp sàl, bơh di khai rơp gơs àtak tòmlơh, bơh di khai rơp gơs jơh ală cau at bồ.

Sacari 10:4 ပူးပေါင်းရင်းမြစ်များ

Sơnròp Gơlik Gơs 49:24

Khai kơnòm di tê Bơtau Gơnap Gơnoar Làm Jơh Jakôp dê, Gen àtak khai gam kơ̆ sùm. Kơnòm di Bơtau Ê Belàt, la Pơnai Lŭ Israel dê. Mơ bàr nơm tê khai gam sơrbac sơrbang sùm.

Ejra 9:8

Mơya tŭ do, bơh tŭ tơngai liah ngan, bơta nđàc neh geh yal tơlik bơh Jehôwa Yàng Tom Trồ bol hi dê, la Bơtau neh lòi bol hi gam wơl mơ ai bol hi dô nơm phan ai bồ tòm tiah sàng goh Kơnràñ dê, nàng Kơnràñ pơnđàng àng mat bol hi in, mơ ai bol hi in phan sa bơkah tòm bơta ơm dĭ bol hi dê.

Đơs Crih 118:22

Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu.

Esai 19:13

Ală cau kwang at bồ tòm Jôan neh gơlik gơs cau bơrngơl gơla; ală kwang at bồ tòm Memphis kong cau pơrlồm; ală cau lơh gơs pơnai lŭ mum hìu ală jơi bơtiàn gơ dê neh lam Ejiptơ lòt tìs nrah.

Esai 28:16

Behơ̆ tàng, Yàng Jehôwa la Yàng Tom Trồ đơs be do: “Do, Añ ơn tòm Siôn dô pơnai lŭ mơnàng hìu, dô pơnai lŭ neh kong lòng, dô nơm lŭ mum hìu màng ngan nàng lơh kơ̆ nền mơnàng; cau lơi dòn kơnòm gen rơp ò rngòt rngơt.

Esai 49:2

Kơnràñ neh lơh bơr añ kung be đào sồt; Kơnràñ neh pồn ndơp añ tòm mƀur tê Kơnràñ dê; Kơnràñ neh lơh añ in gơlik kung be kam geh tho àng goh, mơ pồn añ tòm ding kam Kơnràñ dê.

Esai 54:16

Sền ne, Añ neh crơng gơs cau chài tiar, la cau ơsuh ồs rnga hơng nàng tiar dô nơm phan tòmlơh ngui tòm bơta gơs kwơ. Mơ Añ neh crơng gơs cau phà tơnroh nàng tơnroh.

Jeremi 1:18

Behơ̆, ngai do, Añ bơtào mê lơh gơs ƀòn dờng kơ̆ cê, lơh gơs jrong mơ lòs, lơh gơs dơrñang mơ kòng, tòmdră mơ jơh ală lơgar do, tòmdră mơ ală bơtau Juda, ală cau kwang at bồ gơ, ală cau gơnoar ơn phan duh khoai, mơ làng bol tòm lơgar.

Jeremi 51:20

“Mê la mut mơ phan tòmlơh Añ in; Añ rơp ngui mê phà tơrlah ală làng bol Mơ tơnroh ală lơgar.

Sacari 9:10

Añ rơp tă tơlik ală rơndeh lòs tòmlơh bơh dê Epraim, mơ ală ơseh tòmlơh bơh di Jerusalem: mơ àtak tòmlơh rơp kong dơrpă. Kơnràñ rơp ai gơnoar sồr bơta lơngap lơngai ală lơgar in. Gơnoar at bồ Kơnràñ dê rơp pò ơnàng bơh dàlềng do tus hơ dàlềng ne, mơ bơh Hiòng me tus di lồi plai ù.

Sacari 9:8

Gen Añ rơp sơntơp sàl nàng sền gàr hìu Añ jê, nàng ò gơs dô nă cau lơi lòt rê, ò gơs cau rồn bơklơn lơi jă trơm bol khai tai, bơh tŭ do Añ neh sền bol khai be kòn mat tòm Añ jê.

Khà Làng Bol 24:17

Añ gŏ Kơnràñ, mơya ò di tŭ do; Añ tơnggòr sền Kơnràñ, mơya ò di rềp. Dô nơm sơmañ rơp lik bơh di Jakôp; dô nơm gai gơnoar rơp tơngguh bơh di Israel. Kơnràñ rơp pòng bơcah ală bìng liang Môap dê, mơ ală sơgơn bơtau ală kòn klau Set dê.

Mathiơ 9:38

Behơ̆ hòi dan tĕ mơ Yàng kơnhai toès sồr cau toès lòt tus tòm tiah toès Kơnràñ dê.”

Luka 20:17

Yàng Jesu sền di bol khai mơ đơs lah: “Behơ̆ gen jơnau neh cih: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu,’ la ñchi taih?

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

II Timôthe 2:4

Ò gơs dô nă cau lơi ơm ling mơ gam gơkòl broă rài do, lơh behơ̆ tồ niam nùs cau tòm hòi khai.

I Pier 2:6

Bơh Sră Goh neh cih lah: “Do, añ ơn tòm Siôn dô nơm pơnai lŭ bồ mum hìu neh geh sac rwah mơ màng ngan, Cau lơi dòn di lŭ hơ̆ rơp ò gơs ƀàssìl.”

Yal Tơlik 17:14

Bol khai rơp tòmlơh mơ Belàt Kòn. Belàt Kòn rơp geh pha lin rlau, bơh Kơnràñ la Yàng ală yàng dê, Bơtau ală bơtau dê; mơ ală cau ơm bal mơ Kơnràñ la ală cau geh hòi sac, sac rwah mơ dòn song.”

I Samuel 14:38

Gen tàng Sol đơs lah: “Tus tĕ tềng do, jơh tơl nă bol mê la cau at bồ mpồl ling, mơ bol he sơwì tĕ nàng git tồi glài lơi neh tìs tòm ngai do.