Sacari 10:2 - Sră Goh 2018

² Tài bơh ală rùp ràk đơs bơta blac pơrlồm. Ală cau sền dà gŏ bơta gơtơnggŏ ma blac; bol khai yal bơta mpau ò song, mơ ai bơta pơndòm pơniang ò kwơ. Behơ̆ tàng làng bol nrah nring kung be belàt, kong rồn bơklơn tài bơh ò gơs cau ê.

Sacari 10:2 ပူးပေါင်းရင်းမြစ်များ

Sơnròp Gơlik Gơs 31:19

Tòm tŭ Laban neh lòt siat sơnò ală belàt khai dê, gen Racel kơñau rùp duh khoai bơh tòm hìu bèp khai.

I Ală Bơtau 22:17

Gen Mice ho lah: “Añ gŏ jơh Israel kong nrah nring hơđang ală mơnơm, be belàt ò gơs cau ê; mơ Yàng Jehôwa đơs lah: ‘Ală cau hơ̆ ò gơs cau tòm; kòp nă rê wơl tĕ hìu he lơngap lơngai.’”

Sră Jop 13:4

Ai ală oh mi, la cau pih cùr mơ jơnau ma blac; Jơh ală oh mi la cau lơh sơnơm ò kwơ.

Sră Jop 21:34

Behơ̆, mbe oh mi kòñ pơndòm pơniang añ mơ ală jơnau ò kwơ taih? Ò gơs bơta lơi gam wơl tòm jơnau ho oh mi dê, mìng la jơnau ma blac.”

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

Esai 44:9

Jơh ală cau chài lơh rùp ràk la roh lơm, ală phan bol khai kòñ gơboh la ò kwơ dô êt lơi. Ală cau lơh cơng bol khai dê ò gŏ mơ kung ò git, behơ̆ bol khai rơp gơkòl tòm bơta ƀàssìl ƀàsso.

Esai 46:5

Bol mê rơp pơndròm Añ mơ ñcau hala sền Añ ndròm bal mơ ñcau taih? Bol mê pơndròm Añ mơ ñcau nàng bol hi ndròm bal taih?

Jeremi 10:8

Bol khai jơh tơl nă bơrngơl mơ tùl gơla. Bol khai geh bơta bơto sồr bơh rùp ràk Ò lin rlau mơ chi.

Jeremi 14:13

Gen añ đơs lah: “Ô! Yàng Jehôwa, do ală cau gơnoar hwơr đơs mơ bol khai lah: ‘Bol mê rơp ò gŏ đào tà, hala mê rơp ò gơs jơgloh rung; mơya añ rơp ai bol mê in bơta lơngap lơngai song ngan tòm tiah do.’”

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 23:17

Bol khai kư̆ yal mơ cau sền òsơp di Añ lah: ‘Yàng Jehôwa đơs, bol mê rơp geh lơngap lơngai.’ Kung đơs mơ ală cau cơnđòa jat bơta kơldang nùs he dê lah: ‘Ò gơs bơta rung rài lơi rơp gơtơntus hơđang bol mê.’

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Jeremi 27:10

Bơh bol khai đơs hwơr ma blac, nàng bol mê kong cèng pơrdô ngài bơh lơgar he, Añ rơp bơtrơh tơlik bol mê, mơ bol mê kong tơnroh.

Jeremi 27:14

Behơ̆, bañ iat ală jơnau mpồl cau gơnoar hwơr đơs lah: ‘Bol mê rơp ò duh broă bơtau Babilôn!’ Hơ̆ la bol khai đơs hwơr ma blac bol mê in.

Jeremi 27:9

Behơ̆ gen, bañ iat ală cau gơnoar hwơr, cau sền dà, yal gơtha mpau, cau sền sơmañ, cau juh proh bol mê dê, la ală cau đơs mơ bol mê lah: Bol mê rơp ò dòn duh bơtau Babilôn ò.

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Jeremi 29:8

Yàng Jehôwa Gơnap Gơnoar, Yàng Tom Trồ Israel dê, đơs be do: “Bañ lòi ală cau gơnoar hwơr ma blac ơm digùl bol mê mơ ală cau sền dà pơrlồm bol mê; kung bañ iat ală bơta yal blac bơh mpau bol khai neh gŏ.

Jeremi 37:19

Ntềng đah ală cau gơnoar hwơr neh đơs hwơr bơtau in lah: ‘Bơtau Babilôn rơp ò tus tòmdră mơ bol mê hala tòmdră mơ tiah do ơ’?

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Jeremi 51:23

Añ rơp ngui mê phà tơrlah cau ê belàt mơ mpồl bol khai dê, Cau troă sre mơ ală kơnrồ bol khai dê. Añ rơp ngui mê phà tơrlah ală kwang đơng mơ ală kwang dong kòl.”

Jeremi 6:14

Bol khai pồt tiah sồt rmàñ làng bol Añ jê dô bă ơlă ơlai, Mơ đơs lah: ‘Lơngap lơngai! Lơngap lơngai!’ Mơya ò gơs lơngap lơngai dô êt lơi.

Jeremi 8:11

Bol khai pùt tềl sồt làng bol Añ jê dô bă ơlă ơlai, Đơs lah: “Lơngap lơngai, lơngap lơngai!” Mơya ò gơs bơta lơngap lơngai dô êt lơi.

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ejekiel 21:21

Bơh cau bơtau Babilôn rơp ơm dơh wơl di tiah jơnum ală gùng hơ̆ dê, di sơnah bàr nơm gùng hơ̆ nàng sền dà. Bơtau hơ̆ rơp ai kam tă khà; khai rơp hòi lùp ală yàng rùp ràk khai dê, khai rơp sền sơwì klòm ală phan ơn.

Ejekiel 21:29

Bulah gơs ală bơta gơtơnggŏ ma blac bơh broă bol mê, mơ bơta sền dà đơs blac bơh bol mê, gơ rơp ơn di ngko ală cau iơh bơsak rơp kong sreh chơt, ngai bol khai neh tus, tŭ tơngai lơh glài neh di rau.

Ejekiel 34:5

Behơ̆ bol gơ nrah nring tài bơh ò gơs cau ê; mơ tòm tŭ neh nrah nring gen bol gơ gơlik gơs phan sa jơh ală phan brê in.

Ejekiel 34:8

Jehôwa Yàng Tom Trồ đơs lah: ‘Di ngan be Añ kis, tài bơh mpồl belàt Añ jê neh gơlik gơs dô nơm phan pơndòm, mơ belàt Añ jê neh gơlik gơs phan sa ală phan brê in, bơh di tŭ òhềt gơs cau ê, mơ tài bơh cau ê Añ jê ò lòt jòi belàt Añ in, mơya ală cau ê neh ròng să tòm bol khai mơ ò ròng mpồl belàt Añ jê.’

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Habakuk 2:18

Dô nơm rùp ràk bơh dô nă cau neh mòn gơs bơta lơi kwơ taih? Dô nơm rùp duh khoai, bơto jơnau ma blac gơs kwơ lơi taih? Bơh cau neh mòn gơ dòn kơnòm di phan khai neh lơh gơs; bulah khai lơh gơs rùp ràk ò rgơi đơs.

Sacari 11:17

“Bòl glar ngan cau ê ò kwơ in, la cau ê sang lòi mpồl belàt! Dan đào srơp tơwòr tê khai dê mơ gar mat đah ma khai dê! Dan tơwòr tê khai dê rơp siar tơn, mơ gar mat đah ma khai dê jơngo tơn!”

Khà Làng Bol 27:17

nàng lik mut di đap bol khai, la dô nă cau rơp tề lam bol khai lik mơ mut tồ làng bol Yàng Jehôwa dê rơp ò gơlik gơs kung be belàt ò gơs cau ê sền gàr.”

Mathiơ 9:36

Dơ̆ Kơnràñ gŏ mpồl làng bol gen gơs nùs nđàc sơngit, bơh bol khai bòl glar, mơ nrah nring be belàt ò gơs cau ê.

Jơnau Niam Jat Mak 6:34

Tŭ Yàng Jesu lik bơh ơhò, gŏ mpồl làng bol oă gen nđàc sơngit di bol khai, bơh bol khai gơlơh be belàt ò gơs cau ê. Gen Kơnràñ sơntòm bơto sồr bol khai oă bơta.

Yal Wơl 13:2

mơ dilah tềl is hala bơta krơi mơ khai neh đơs gơlik gơs di ngan, mơ khai đơs lah: “Bol he lòt tĕ jat ală yàng ndai” (la ală yàng mơ bol mê ò git), “mơ bol he duh khoai tĕ bol gơ,”

Ală Kwang Cahrña 18:14

Gen pram nă cau klau neh lòt sền rwang ù tiah Lais đơs mơ oh mi bol khai dê lah: “Oh mi git la tòm ală hìu do gơs dô nơm Ephot, rùp ràk ală yàng ndai tòm hìu, dô nơm rùp pac sềr, mơ dô nơm rùp tŏ sơl ơ? Tŭ do oh mi git bơta lơi pal lơh.”