Sacari 1:4 - Sră Goh 2018

⁴ Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆.

Sacari 1:4 ပူးပေါင်းရင်းမြစ်များ

II Yal Yau 30:6

Behơ̆ ală cau cèng sră neh lòt làm jơh Israel mơ Juda nàng cèng sră pơyoa bơh bơtau mơ ală cau kwang duh broă bơtau dê neh sồr, gơs jơnau cih be do: “Ơ làng bol Israel, rê wơl tĕ hơ Yàng Jehôwa la Yàng Tom Trồ Abraham, Isak mơ Israel dê, tồ Kơnràñ rơp rê wơl hơ ală cau gam wơl tòm bol mê la ală cau neh klàs bơh di tê ală cau bơtau Asiri dê.

II Yal Yau 30:7

Bañ lơh be ală ồng pàng mơ ală oh mi bol mê dê la ală cau ò dòn song mơ Jehôwa Yàng Tom Trồ ală ồng pàng bol khai dê, tian gơs Kơnràñ neh lơh bol khai in gơlik gơs dô bă tiah tơrlah tơrling be bol mê neh gŏ.

II Yal Yau 34:21

“Lòt tĕ hòi lùp Yàng Jehôwa añ in mơ làng bol gam wơl tòm Israel mơ Juda in bơh jơnau neh cih tòm dap sră neh jòi bàn do. Bơta gơjrañ dờng Yàng Jehôwa dê rơp dùh hơđang bol he tài bơh ală ồng pàng bol he dê ò prap gàr jơnau Yàng Jehôwa dê, bol khai ò lơh jat tòm toh be jơh ală jơnau neh cih tòm dap sră do.”

Ejra 9:7

Bơh tòm ală ngai ồng pàng bol hi dê jơl tus di ngai do, bol hi neh ndơp tòm bơta tồi glài, mơ bơh ală bơta tồi glài bol hi, mơ ală cau bơtau, mơ ală cau gơnoar ơn phan duh khoai bol hi dê neh kong jào ală bơtau tòm lơgar in, tơnroh mơ đào mơ kong kup cèng, kong cau phà kơñau mơ kong ƀàssìl be neh gơs ngai do.

Nehemi 9:16

Mơya mò pàng bol hi lơh lòt dô bă pơnhừ, kơldang bồ, ò iat ală bơta sồr lam Kơnràñ dê,

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:30

Kơnràñ kong bol khai tòm oă nam, mơ hwềng Kơnràñ dê ơm hơđang ală cau gơnoar hwơr nàng lah pơrhơng bol khai; mơya bol khai ò bài wèt tồr iat. Gen tàng Kơnràñ neh jào bol khai tòm tê ală làng bol gùt dar dê.

Đơs Crih 78:8

Nàng bol khai in ò di be ồng pàng bol khai dê, La dô rài kơldang bồ mơ sòdră, la rài ò kơ̆ nùs, Gơs hwềng nùs ò kơ̆ dơn mơ Yàng Tom Trồ.

Esai 31:6

Ơ kòn sau Israel, rê wơl tĕ mơ Kơnràñ la Bơtau mơ bol mê neh jơh nùs tòmdră.

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 23:22

Dilah bol khai neh ntào tòm bơta bơyai Añ, Gen bol khai neh ràng tơlik jơnau Añ jê làng bol Añ in Mơ lơh bol khai in sang gùng iơh bol khai dê mơ broă iơh bol khai lơh.”

Jeremi 25:8

Behơ̆ gen, Yàng Jehôwa Gơnap Gơnoar đơs be do: ‘Tài bơh bol mê ò bài iat jơnau Añ,

Jeremi 26:5

Ò iat jơnau ală dĭ gơna Añ jê, la ală cau gơnoar hwơr Añ sồr tus mơ bol mê jal ngan, mơya bol mê ò bài iat bol khai,

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Jeremi 35:15

Añ kung neh sồr jơh ală dĭ gơna Añ jê, hơ̆ la ală cau gơnoar hwơr lòt tus đơs mơ bol mê: “Kòp nă tòm bol mê sang tĕ gùng iơh bơsak, mơ lơh niam wơl broă lơh bol mê dê. Bañ lòt jat nàng duh broă ală yàng ndai, gen bol mê rơp ơm tòm ù tiah mơ Añ neh ai bol mê mơ ồng pàng bol mê in.” Mơya bol mê ò ai tồr nàng iat, mơ ò bài dòn bơr Añ.

Jeremi 4:1

Yàng Jehôwa đơs: “Ơ Israel, dilah mê rê wơl, Dilah mê rê wơl mơ Añ, Mơ dilah mê sang ală phan cù kìr ngài bơh di đap Añ, Mơ ò wañ lơnggơr.

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Ejekiel 14:6

Behơ̆ gen, đơs tĕ mơ hìu Israel lah: ‘Jehôwa Yàng Tom Trồ đơs be do: “Gơjrañ sang glài tĕ! Pơrlac ngài tĕ muh mat bol mê bơh di ală rùp ràk bol mê dê, wèt tĕ muh mat bol mê ngài bơh ală broă lơh cù kìr bol mê dê.

Ejekiel 20:18

Añ neh đơs mơ kòn sau bol khai dê tòm ƀlàng ngềt ngơt lah: ‘Bañ lơh jat ală bơta sồr lam ồng pàng bol mê dê hala prap gàr bơta boh lam bol khai dê, hala lơh ƀơ̆ ƀơl să tòm bol mê dê bơh ală rùp ràk bol khai dê.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 33:4

gen dilah cau lơi kơno ntas kơlwòk mơ ò bài dòp bơta tơnggit lài, mơ tŭ đào tus tơnchơt khai, gen mhàm bol khai rơp gơtuh hơđang bồ bol khai dê.

Daniel 9:6

Bol hi neh ò iat jơnau ală cau duh broă Kơnràñ dê la ală cau gơnoar hwơr neh ai sơnđan Kơnràñ mơ đơs mơ ală cau bơtau, ală cau kwang at bồ, ală ồng pàng bol hi dê, bal mơ jơh làng bol tòm lơgar.

Sră Ôse 14:1

Ơ Israel, rê wơl tĕ hơ Jehôwa Yàng Tom Trồ mê dê, hơ̆ la tài bơh tồi glài mê dê neh lơh mê in gơplơ̆ gơpừ.

Amôs 5:24

Mơya lòi tĕ bơta song ngan hòr lik kung be dà, mơ bơta song ring kung be croh dà hòr sùm sùm!

Mice 2:6

Bol khai bơto lah: “Bañ đơs hwơr. Bañ đơs hwơr bơh ală bơta do; bơta dơñŏ tơnhial rơp ò tus hơđang bol he ò.”

Sacari 1:3

Gen tàng đơs tĕ mơ bol khai lah, Yàng Jehôwa Gơnap Gơnoar Dờng Làm Jơh đơs be do: ‘Rê wơl tĕ hơ Añ.’ Yàng Jehôwa Gơnap Gơnoar Dờng Làm Jơh đơs: ‘Gen Añ rơp rê wơl hơ bol mê.’ Yàng Jehôwa Gơnap Gơnoar Dờng Làm Jơh đơs behơ̆.

Sacari 7:7

Ò di la ală jơnau Yàng Jehôwa neh kơnòm di ală cau gơnoar hwơr rài yau bơto yal tòm tŭ Jerusalem gơs ală cau ơm tòm gơ ơm tòm bơta pas sơm lơngap lơngai, bal mơ ală ƀòn gùt dar gơ, mơ tòm tŭ Negep mơ Sepelah gơs làng bol ơm ò ơ?’”

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

I Pier 1:18

Bơh oh mi git lah ò di bơh phan òs roh rui be priă hala màh mơ oh mi neh geh tơwài lik klàs bơh bơta lơh lòt ò kwơ mơ ồng pàng lòi wơl he in ò,