Rutơ 3:10 - Sră Goh 2018

¹⁰ Bôô ho lah: “Ơ kòn ùr añ jê, dan Yàng Jehôwa ai lơngai ai in; bơta dòn song ai lơh dơ̆ do la niam rlau mơ bơta neh lơh lài òr: ai ò lòt jat ală cau gam pơnu, bulah la cau pas gơs hala cau rƀah lơòi.

Rutơ 3:10 ပူးပေါင်းရင်းမြစ်များ

Sơnròp Gơlik Gơs 24:31

Mơ khai đơs lah: “Ơ cau neh geh Yàng Jehôwa ai lơngai! Mut tòm hìu, mbe lơh ơm di tiah be do taih? Añ neh rcang wàs hìu mơ dô bă tiah ală làkđa in rau.”

Rutơ 1:8

Mơya Naômi đơs mơ bàr nă ƀan khai dê lah: “Bol ai rê tĕ hơ hìu mè bol ai dê, dan Yàng Jehôwa yal tơlik bơta nđàc gơwèt mơ bol ai kung be bol ai neh gơwèt mơ cau chơt mơ gơwèt añ sơl.

Rutơ 2:11

Bôô ho lah: “Cau neh yal añ in jơh ală bơta mơ ai neh lơh po me ai in bơh di tŭ bau ai neh chơt, mbe ai neh sang mè bèp mơ lơgar tòm ai dê mơ tus hơ dô nơm làng bol mơ ai òhềt git lài.

Rutơ 2:20

Gen Naômi đơs mơ ƀan khai dê lah: “Dan Yàng Jehôwa ai lơngai khai in! Kơnràñ ò sang lòi mơ ai bơta nđàc cau kis mơ cau chơt in sơl.” Khai đơs bơtơl tai lah: “Cau hơ̆ la gơp bơtiàn rềp he dê, dô nă cau gơp bơtiàn rềp rlau jơh bol he dê.”

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”

Rutơ 3:9

Bôô lùp lah: “Ñcau hơ̆ taih?” Rutơ ho lah: “Añ la Rutơ, cau dĭ ồng dê. Dan ồng tơntơ̆ ào bơdìh ồng dê hơđang dĭ gơna ồng, bơh ồng la cau gơp bơtiàn rềp añ jê.”

I Samuel 15:13

Tòm tŭ Samuel neh tus hơ Sol, gen Sol đơs lah: “Dan Yàng Jehôwa ai lơngai ồng in! Añ neh lơh gơlik gơs jat ală jơnau sồr Yàng Jehôwa dê.”