Rutơ 2:20 - Sră Goh 2018

²⁰ Gen Naômi đơs mơ ƀan khai dê lah: “Dan Yàng Jehôwa ai lơngai khai in! Kơnràñ ò sang lòi mơ ai bơta nđàc cau kis mơ cau chơt in sơl.” Khai đơs bơtơl tai lah: “Cau hơ̆ la gơp bơtiàn rềp he dê, dô nă cau gơp bơtiàn rềp rlau jơh bol he dê.”

Rutơ 2:20 ပူးပေါင်းရင်းမြစ်များ

II Samuel 2:5

gen khai sồr ală cau kong sồr lòt tus hơ ală cau tòm Jabes Galaat, mơ đơs mơ bol khai lah: “Dan Yàng Jehôwa ai lơngai lơngò bol mê in, bơh bol mê neh yal tơlik nùs dòn song gơwèt mơ Sol la cau tòm bol mê dê bơh bơta tơp ƀồc khai dê!

II Samuel 9:1

Dabit lùp lah: “Gơs cau lơi tòm hìu Sol gam kis nàng añ rgơi yal tơlik bơta nđàc khai in, tài bơh Jônathan sơl?”

Sră Jop 19:25

Bơh añ git Bơtau dong tơwài añ la Bơtau kis, Tus di lồi dut Kơnràñ rơp ntào hơđang ù.

Jơnau Pơnđik 17:17

Gơp bơyô đềt mềr bal sùm sùm; Mơ oh mi geh tơnggơs nàng dong kòl tòm tŭ tìp bơta rung rài bòl glar.

Lebi 25:25

Dilah dô nă tòm ală cau lơgar tòm bol mê dê gơlik rƀah lơòi mơ tac dô pơnah sre brê khai dê, gen cau gơp bơtiàn rềp rlau jơh pal tus mơ tơwài wơl pơnah cau lơgar tòm khai dê neh tac.

Philip 4:10

Añ gơs nùs hòn chò ngan tòm Yàng, tài bơh tus di tŭ do sồng oh mi yal tơlik nùs kơlôi rcang gơwèt mơ añ; ngan oh mi neh kơlôi rcang bơh bơta hơ̆, mơya oh mi òhềt gơs tŭ lơmpah.

Rutơ 2:21

Gen Rutơ cau Môap đơs lah: “Khai kung đơs mơ añ lah: ‘Ơm tĕ bal mơ ală cau lơh broă añ jơl tus di tŭ bol khai toès jơh kòi añ jê.’”

Rutơ 3:12

Mơya tŭ do, bulah ngan añ la cau gơp bơtiàn rềp, gơs dô nă cau gơp bơtiàn rềp rlau mơ añ.

Rutơ 4:14

Ală cau ùr đơs mơ Naômi lah: “Jòng ro Yàng Jehôwa, bơh ngai do Kơnràñ ò sang lòi mò bơh neh ai mò in dô nă cau gơp bơtiàn dong tơwài. Dan kòn klau do gơlik tiơng pơnro tòm Israel!

Rutơ 4:4

Añ kòñ yal tơnggit bi in mơ kơlôi lah bi pal blơi tĕ gơ di đap ală cau nggui tềng do mơ di đap ală cau kwang kra làng bol añ jê. Dilah bi kòñ tơwài gơ gen tơwài tĕ, mơya dilah bi ò bài gen yal tĕ añ in git, tài bơh ò gơs cau lơi ndai gơs gơnoar tơwài wơl gơ rlau mơ bi, mơ tơnơ̆ mơ bi gen gơnoar hơ̆ gơrê mơ añ.” Cau hơ̆ đơs lah: “Añ rơp tơwài wơl gơ.”

Rutơ 4:6

Kơno behơ̆ gen cau tòm gơp bơtiàn gơs gơnoar tơwài wơl đơs lah: “Behơ̆ añ ò rgơi tơwài wơl gơ, tài bơh digơlan añ rơp lơh roh gơcoh sre brê añ jê. Să tòm bi tơwài wơl tĕ, añ ò rgơi tơwài gơ ò.”