Rutơ 2:12 - Sră Goh 2018

¹² Dan Yàng Jehôwa tơm wơl ai in jat ală bơta ai neh lơh. Dan ai in dòp geh phan ƀàn dờng tus bơh Jehôwa la Yàng Tom Trồ Israel dê, hơđơm pơnđar Bơtau hơ̆ ai neh tus kìng crŭ.”

Rutơ 2:12 ပူးပေါင်းရင်းမြစ်များ

Đơs Crih 17:8

Dan Yàng sền gàr añ be gar mat tòm mat Kơnràñ dê; Dan jơm añ tòm tiah mƀur pơnđar Yàng dê.

Đơs Crih 19:11

Rlau mơ hơ̆, ală bơta hơ̆ kung bơto cau duh broă Yàng in git wă loh; Cau lơi prap gàr gen geh phan ƀàn dờng ngan.

Đơs Crih 36:7

Ơ Yàng Tom Trồ, bơta kòñ gơboh kơ̆ dơn Kơnràñ dê la dờng màng ò git nđò! Jơi kòn mơnus kìng crŭ tòm tiah pơnđar Kơnràñ dê.

Đơs Crih 57:1

Dan kòñ nđàc di añ; ơ Yàng Tom Trồ, dan kòñ nđàc di añ, Bơh hwềng soàn añ kìng crŭ tòm Yàng. Ngan, añ rơp kìng crŭ să añ tòm tiah mƀur đar Kơnràñ dê, Jơl tus di tŭ ală càl rbut dờng bơta tơnroh neh rlau rau.

Đơs Crih 58:11

Cau rơp đơs lah: “Ngan gơs phan ƀàn cau song ring in; Ngan gơs Yàng Tom Trồ gam cahrña tòm ù.”

Đơs Crih 61:4

Dan ai añ in ơm sùm sùm tòm sàl Kơnràñ dê! Tiah kìng crŭ hơđơm ală pơnđar Kơnràñ dê! (Selah)

Đơs Crih 63:7

Bơh Yàng neh dong kòl añ, Tòm tiah mƀur pơnđar Kơnràñ dê añ rơp đơs chò bơh nùs hòn chò.

Đơs Crih 91:4

Yàng rơp jơm gòm mê kung be iar me jơm gòm kòn tòm tiah đar gơ dê, Mơ tòm tiah đar Kơnràñ dê mê rơp kìng crŭ să he; Bơta dòn song Kơnràñ dê kung be khèl mơ phan đo mê dê.

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

Jơnau Pơnđik 23:18

Ngan gơs bơta lồi dut niam, mơ bơta gơn kơnòm kòn dê rơp ò roh.

Jeremi 31:16

Yàng Jehôwa đơs be do: “Ơm tĕ, bañ ñìm tai, Dà mat bol mê bañ hòr tai, Bơh broă lơh bol mê dê rơp geh phan ƀàn; Bol khai rơp rê wơl bơh di lơgar cau sò tơm dê,” Yàng Jehôwa đơs behơ̆.

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Mathiơ 5:12

Hòn chò hừh hơh tĕ, bơh phan ƀàn bol mê dê la dờng hơđang trồ; bơh ală cau gơnoar hwơr lài mơ bol mê kung neh kong cau kup kơryan behơ̆ sơl.”

Mathiơ 6:1

“Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

II Timôthe 1:18

Dan Yàng ai khai in bơta kòñ nđàc Yàng dê tòm ngai hơ̆! Mê git loh lah tòm Ephesô khai neh duh broă añ in oă ngan.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Hebrơ 11:26

Khai sền bơta bơtat bơtròh bơh Bơtau Krist la kas rlau mơ phan màng Ejiptơ dê, bơh khai kơp gơn phan ƀàn.

Hebrơ 11:6

Mơ tai, dilah ò gơs bơta dòn, gen ò rgơi niam nùs Kơnràñ; bơh cau lơi lòt tus hơ Yàng Tom Trồ gen pal dòn lah gơs Yàng Tom Trồ, mơ Kơnràñ la Bơtau ai phan ƀàn ală cau in jòi jat Kơnràñ.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

Rutơ 1:16

Mơya Rutơ ho lah: “Bañ bơklơn añ sang lòi mè hala wơlke ò jat mè. Mè lòt tiah lơi añ rơp lòt tiah hơ̆, mè ơm tiah lơi añ rơp ơm tềng hơ̆. Làng bol mè dê rơp la làng bol añ jê, mơ Yàng Tom Trồ mè dê la Yàng Tom Trồ añ jê.

Rutơ 2:11

Bôô ho lah: “Cau neh yal añ in jơh ală bơta mơ ai neh lơh po me ai in bơh di tŭ bau ai neh chơt, mbe ai neh sang mè bèp mơ lơgar tòm ai dê mơ tus hơ dô nơm làng bol mơ ai òhềt git lài.

Rutơ 2:13

Gen Rutơ đơs lah: “Dan añ in pơnjat sùm geh bơta nđàc di đap ồng, bơh ồng neh pơndòm pơniang añ mơ đơs jơnau lơbơn niam mơ añ la cau dĭ ùr ồng dê, bulah añ ò di la dô nă tòm ală cau dĭ ùr ồng dê.”

Rutơ 4:15

Khai rơp lơh pa wơl rài kis mò dê, mơ ròng siam mò tòm tŭ kra. Bơh ƀan mò dê la cau kòñ gơboh di mò, mơ la kwơ màng mò in rlau mơ poh nă kòn klau, neh deh mò in.”

I Samuel 24:19

Bơh cau lơi neh bàn cau sò tơm khai dê mơ sồr cau sò tơm hơ̆ in lòt lơngap lơngai sơl ơ? Dan Yàng Jehôwa ai bơta niam mê in bơh mê neh lơh niam gơwèt mơ añ tòm ngai do.

I Samuel 24:20

Tŭ do añ git nền ngan la mê rơp gơs bơtau at bồ, mơ lơgar Israel rơp geh bơtào kơ̆ tòm tê mê.