Rutơ 2:10 - Sră Goh 2018

¹⁰ Kơno behơ̆, Rutơ tơmbic să blup mat di ù mơ đơs lah: “Ñchi bơh tài añ geh bơta nđàc di đap ồng, tian gơs ồng ơn nùs sền añ la dô nă cau làng bol bơdìh?”

Rutơ 2:10 ပူးပေါင်းရင်းမြစ်များ

Sơnròp Gơlik Gơs 18:2

Abraham pò mat gŏ pe nă cau klau ntào di đap khai. Dơ̆ khai gŏ gen ntoat tus di đap pe nă cau hơ̆ mơ tơmbic să tòm ù,

II Samuel 19:28

Jơh ală kòn sau ồng añ jê ò di pal dòp geh bơta lơi rlau mơ bơta chơt bơh di cau tòm añ jê la bơtau, mơya bơtau neh ai cau duh broă bơtau in dô bă tiah digùl ală cau nggui di cơnòng sa bơtau dê. Behơ̆, añ gơs gơnoar lơi nàng dan mơ bơtau rlau mơ hơ̆ taih?”

II Samuel 7:18

Gen bơtau Dabit lòt tus mơ nggui di đap Yàng Jehôwa mơ đơs lah: “Khoai Jehôwa Yàng Tom Trồ, añ la ñcau mơ hìu nhă añ la ñchi mơ Kơnràñ neh tề lam añ tus di ngai do taih?

II Samuel 9:8

Mephibôset cùn khoai mơ đơs lah: “Cau duh broă bơtau dê la ñcau mơ bơtau pal wèt sền di dô nơm so chơt be añ do taih?”

Lebi 19:34

Pal gơwèt hơ cau làng bơdìh ơm bal mơ bol mê kung be dô nă tòm ală cau làng tòm. Kòñ gơboh di khai kung be să tòm bol mê dê, bơh mê bơh lài la cau làng bơdìh ơm tòm Ejiptơ. Añ la Jehôwa Yàng Tom Trồ bol mê dê.

Mathiơ 25:35

Bơh Añ jơgloh, bol mê ai Añ in sa; Añ tơhìr, bol mê ai Añ in hùc; Añ la cau nac crih, bol mê wă rò Añ;

Luka 1:43

Ñchi bơh tài añ geh bơta nđàc dờng do, hơ̆ la mè Yàng añ jê tus còp añ taih?

Luka 1:48

Bơh Kơnràñ neh nđàc sền bơta ò diă ò diơng dĭ gơna Kơnràñ dê; Bơh do jơl hìng nau, jơh ală rài rơp sơnđan añ la cau geh lơngai.

Rôma 12:10

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

Rutơ 2:11

Bôô ho lah: “Cau neh yal añ in jơh ală bơta mơ ai neh lơh po me ai in bơh di tŭ bau ai neh chơt, mbe ai neh sang mè bèp mơ lơgar tòm ai dê mơ tus hơ dô nơm làng bol mơ ai òhềt git lài.

Rutơ 2:13

Gen Rutơ đơs lah: “Dan añ in pơnjat sùm geh bơta nđàc di đap ồng, bơh ồng neh pơndòm pơniang añ mơ đơs jơnau lơbơn niam mơ añ la cau dĭ ùr ồng dê, bulah añ ò di la dô nă tòm ală cau dĭ ùr ồng dê.”

Rutơ 2:19

Po me khai lùp lah: “Ntềng đah ai neh dòñ kòi ngai do taih? Ntềng đah ai neh lơh broă taih? Lơngai cau lơi in neh ơn nùs wèt sền ai.” Gen khai yal po me khai in git bơh cau khai neh lơh broă, mơ đơs lah: “Sơnđan cau tòm tiah añ lơh broă ngai do la Bôô.”

Rutơ 2:2

Rutơ cau Môap đơs mơ Naômi lah: “Dan ai añ in lòt tòm sre nàng dòñ ală sơnyùr kòi, bơh ngkòi cau lơi gơs nùs nđàc di añ.” Naômi đơs mơ khai lah: “Lòt tĕ! Ơ kòn ùr añ jê.”

Rutơ 2:9

Sền tĕ di sre lơi gơs ală cau ơm toès kòi, mơ lòt jat bơh ngkòi bol khai. Añ neh sồr ală cau pơnu ò di lơh pơnjê ai. Dilah ai tơhìr dà gen lòt hùc tĕ bơh di gri mơ ală cau pơnu neh bơ̆.”

I Samuel 25:23

Tòm tŭ Abigail gŏ Dabit gen khai sơrbac sơrbang mù bơh alàng mơ tơmbic să blup mat tòm ù di đap Dabit.