Rutơ 1:21 - Sră Goh 2018

²¹ Añ lik lòt bềng lìu, mơya Yàng Jehôwa neh lam añ rê wơl tê gòi. Ñchi bơh tài hòi añ la Naômi taih? Tòm tŭ Yàng Jehôwa neh lơh dô bă kràñ cê mơ añ, Bơtau Gơnap Gơnoar Dờng neh đùh bơta rung rài hơđang añ.”

Rutơ 1:21 ပူးပေါင်းရင်းမြစ်များ

Sră Jop 1:21

Mơ khai đơs lah: “Añ ơm kuh lòi rồ lik bơh kơndul mè, gen añ kung ơm kuh lòi rồ mơ rê wơl behơ̆. Yàng Jehôwa neh ai mơ Yàng Jehôwa neh tă tơlik, jòng ro sơnđan Yàng Jehôwa dê!”

Sră Jop 10:17

Yàng lơh pa ală cau lơh cơng tòmdră mơ añ, Mơ bơtơl bơta gơjrañ gơwèt mơ añ; Yàng cèng mpồl ling pa tòmdră mơ añ.

Sră Jop 13:26

Bơh Yàng neh cih ală bơta sràt bơtang tòmdră mơ añ Mơ lơh añ in toès ală bơta tồi glài añ neh tìs tŭ gam kơnòm să.

Sră Jop 16:8

Yàng neh kup cap añ, bơta hơ̆ la cơng tàng tòmdră mơ añ, Bơta rgai rgong añ jê gơbơtào lơh cơng tòmdră mơ añ.

Sră Jop 30:11

Tài bơh Yàng Tom Trồ neh tă che àtak añ mơ tơmù liah añ. Gen bol khai ò ki ngàm di añ tòm tŭ tìp mat añ.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Rutơ 1:13

bol ai rơp gơn jơl tus di tŭ bol khai dờng sơl ơ? Bol ai rơp ò bau nàng gơn bol khai sơl ơ? Ò di, ơ ală kòn ùr añ jê! Nùs mè sràt bơtang oă rlau mơ ală kòn, tài bơh tê Yàng Jehôwa dê neh tơrwơl tòmdră mơ mè.”