Rutơ 1:16 - Sră Goh 2018

¹⁶ Mơya Rutơ ho lah: “Bañ bơklơn añ sang lòi mè hala wơlke ò jat mè. Mè lòt tiah lơi añ rơp lòt tiah hơ̆, mè ơm tiah lơi añ rơp ơm tềng hơ̆. Làng bol mè dê rơp la làng bol añ jê, mơ Yàng Tom Trồ mè dê la Yàng Tom Trồ añ jê.

Rutơ 1:16 ပူးပေါင်းရင်းမြစ်များ

II Samuel 15:21

Mơya Ittai ho wơl mơ bơtau lah: “Di ngan be Yàng Jehôwa kis, mơ bơtau la cau tòm añ jê kis, tiah lơi bơtau la cau tòm añ jê ơm gen cau dĭ gơna bơtau dê rơp ơm tềng hơ̆, bulah tòm bơta chơt hala tòm bơta kis kung behơ̆ sơl.”

Đơs Crih 45:10

Ơ kòn ùr, iat tĕ, kơlôi sơnơng tĕ, ai tồr iat tĕ; Hŭi tĕ làng bol mơ hìu nhă bèp ai dê,

Jơnau Pơnđik 17:17

Gơp bơyô đềt mềr bal sùm sùm; Mơ oh mi geh tơnggơs nàng dong kòl tòm tŭ tìp bơta rung rài bòl glar.

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Sră Ôse 13:4

Bơh Añ la Jehôwa Yàng Tom Trồ mê dê, la Bơtau neh dong tă mê lik klàs bơh lơgar Ejiptơ, rlau mơ Añ mê bañ dòp git yàng lơi ndai; ò gơs Bơtau Dong Klàs lơi ndai tai rlau mơ Añ.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Mathiơ 8:19

Gơs dô nă cau bơto bơta boh lam tus đơs mơ Kơnràñ lah: “Ơ Cau Bơto, tiah lơi Ồng lòt, añ rơp lòt jat tềng hơ̆.”

Jang 13:37

Pier đơs lah: “Ơ Yàng, ñchi bơh tài tòm tŭ do añ ò rgơi jat Kơnràñ taih? Añ rơp bơh Kơnràñ mơ phi bơta kis añ!”

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

Jôsue 24:18

Yàng Jehôwa neh ting bơtrơh bơh di đap bol hi jơh ală làng bol, làng bol Amôrit ơm tòm lơgar. Behơ̆ bol hi kung rơp duh broă Yàng Jehôwa, tài bơh Kơnràñ la Yàng Tom Trồ bol hi dê.”

Yal Tơlik 14:4

Ală cau hơ̆ òhềt gơs ƀơ̆ ƀơl mơ ală cau ùr, bơh bol khai gam rlùng. Belàt Kòn lòt tiah lơi gen bol khai jat tiah hơ̆. Bol khai neh geh Yàng Tom Trồ tơwài bơh digùl jơi kòn mơnus, tồ gơlik gơs ală cau sơnròp geh ơn Yàng Tom Trồ in mơ Belàt Kòn in.

Rutơ 1:15

Naômi đơs mơ Rutơ lah: “Ne, bi ai neh rê hơ làng bol mơ hơ ală yàng khai dê. Ai rê tĕ jat khai.”

Rutơ 1:17

Mè chơt tiah lơi gen añ rơp chơt tiah hơ̆, mơ geh tơp tềng hơ̆ sơl. Dan Yàng Jehôwa lơh añ dô bă kơnjơ̆ ngan dilah gơs bơta lơi rlau mơ bơta chơt gơcah is añ mơ mè.”

Rutơ 2:6

Cau at bồ cau toès ho lah: “Khai la cau Môap neh rê bal mơ Naômi bơh lơgar Môap.

Rutơ 4:15

Khai rơp lơh pa wơl rài kis mò dê, mơ ròng siam mò tòm tŭ kra. Bơh ƀan mò dê la cau kòñ gơboh di mò, mơ la kwơ màng mò in rlau mơ poh nă kòn klau, neh deh mò in.”