Rôma 9:4 - Sră Goh 2018

⁴ hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

Rôma 9:4 ပူးပေါင်းရင်းမြစ်များ

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 17:10

Do la bơta ho bal Añ jê mơ rơp prap gàr digùl Añ mơ mê mơ ală jơi bơtiàn tơnơ̆ mê tai, hơ̆ la kòp nă cau klau pal rơp siat gơltau.

Sơnròp Gơlik Gơs 17:2

Añ rơp lơh bơta ho bal digùl Añ mơ mê, mơ rơp lơh jơi bơtiàn mê in gơs rơ̆sơmpài ràipơjềng ò git lơh.”

Sơnròp Gơlik Gơs 17:7

Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Sơnròp Gơlik Gơs 32:28

Cau hơ̆ đơs lah: “Sơnđan mê ò di la Jakôp tai, mơ rơp sơnđan la Israel, tài bơh mê neh tòmpơt mơ Yàng Tom Trồ mơ kòn mơnus, mơ mê neh geh pha.”

I Ală Bơtau 8:11

tian gơs ală cau gơnoar ơn phan duh khoai ò rgơi ntào tềng hơ̆ nàng duh broă tài bơh mhwal; bơh bơta gơklŏ bềng lìu hìu duh khoai Yàng Jehôwa dê.

Nehemi 13:29

Ơ Yàng Tom Trồ añ! Dan kah bol khai, bơh bol khai neh lơh ƀơ̆ ƀơl gơnoar ơn phan duh khoai mơ bơta ho pơgon gơnoar ơn phan duh khoai mơ cau Lebi dê.

Đơs Crih 147:19

Yàng yal loh jơnau Kơnràñ dê Jakôp in, Hơ̆ la ală bơta lơh nền mơ gơnoar sồr Israel in.

Đơs Crih 63:2

Behơ̆ añ neh tơnggòr sền di Yàng tòm tiah sàng goh Kơnràñ dê, Sền gŏ gơnap gơnoar mơ bơta gơklŏ Kơnràñ dê.

Đơs Crih 73:1

Ngan Yàng Tom Trồ gơwèt niam mơ cau song ngan, La cau gơs nùs sàng goh.

Đơs Crih 78:61

Kơnràñ jào gơnap gơnoar Kơnràñ dê nàng gơkòl kup, Mơ phi bơta gơklŏ Kơnràñ dê tòm tê cau sò tơm.

Đơs Crih 89:3

Kơnràñ neh đơs lah: “Añ neh bơtào bơta ho bal mơ cau geh sac rwah Añ jê, Añ neh srat să tòmho mơ Dabit la cau duh broă Añ jê mơ lah:

Đơs Crih 89:34

Añ rơp ò tòmdră mơ bơta ho bal Añ jê, Kung ò tòmgơl jơnau neh lik bơh bơr Añ jê.

Đơs Crih 90:16

Dan ràng tơlik ală broă lơh Yàng dê ală cau duh broă Kơnràñ in, Mơ ràng tơlik gơnap gơnoar gơklŏ Kơnràñ dê ală kòn sau bol khai in.

Lik Ejiptơ 12:25

Tòm tŭ bol mê mut tòm lơgar mơ Yàng Jehôwa rơp ai bol mê in jat be jơnau Kơnràñ neh ho pơgon, gen kah prap tĕ bơta pơjum sa do.

Lik Ejiptơ 34:27

Yàng Jehôwa kung đơs mơ Môise lah: “Cih tĕ ală jơnau do; lơh jat ală jơnau do mơ Añ neh bơtào ho bal mơ mê mơ Israel.”

Lik Ejiptơ 4:22

Behơ̆, mê đơs tĕ mơ Pharaôn lah: Yàng Jehôwa đơs be do: ‘Israel la kòn klau tơnhoa Añ jê,

Lik Ejiptơ 40:34

Gen gơs dô puk mhwal jơm gòm Sàl Tòm Mat, mơ bơta gơklŏ Yàng Jehôwa dê bềng lìu Hìu Ing Duh Khoai.

Esai 41:8

Mơya bol mê, ơ Israel, la cau duh broă Añ jê, Jakôp la cau Añ neh sac rwah, bol mê la jơi bơtiàn Abraham cau bơyô Añ jê;

Esai 46:3

Ơ hìu Jakôp, iat tĕ Añ, Ơ jơh ală bol mê la cau gam wơl hìu Israel dê, bol mê la ală cau Añ neh tơnggơs bơh tŭ mê pa deh, mơ cèng mê bơh tòm kơndul mè.

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Esai 60:19

Mattơngai rơp ò gam la bơta àng mê dê tòm trồ ngai, mơ bơta àng gơcrà mat kơnhai dê kung ò gam sòl pơnđàng tòm trồ mang mê dê; Mơya bơh Yàng Jehôwa rơp la bơta àng gam sùm sùm mê dê, mơ Yàng Tom Trồ mê dê rơp la bơta gơklŏ mê dê.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Ejekiel 1:28

Bơta àng gơcrà gùt dar cau hơ̆ la tòm toh kung be dô nơm bơrlangkang tòm mhwal tòm ngai gơs mìu. Hơ̆ la bơta ràng tơlik bơh bơta gơklŏ Yàng Jehôwa dê. Tòm tŭ añ sền gŏ bơta hơ̆, añ tơmbic să blup mat tòm ù, mơ añ kơno sap dô Bơtau đơs mơ añ.

Sră Ôse 11:1

“Tòm tŭ Israel gam la cau kơnòm, Añ neh kòñ gơboh khai; Añ hòi kòn klau Añ jê lik bơh Ejiptơ.

Khà Làng Bol 7:89

Tòm tŭ Môise mut tòm Sàl Tòm Mat nàng tòmbơhbơr mơ Yàng Jehôwa, khai kơno sap đơs mơ khai bơh digùl bàr nơm ceruƀim hơđang bơnap bơta nđàc dơp hơđang Đài Bơta Cơng Tàng dê. Mơ khai tòmbơhbơr mơ Kơnràñ.

Mathiơ 21:33

“Iat tĕ dô jơnau pơnyơu ndai. Gơs dô nă cau tòm hìu ne tam dô nơm suơn ño, lơh pơnggàr gùt dar. Tòm dơlam suơn khai tò dô nơm trồm pat ño, mơ bơt dô nơm theng kơp gàr; gen ai ală cau lơh suơn in ơpah gơ, mơ lòt hơ lơgar ndai.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Rôma 3:2

Gơs kwơ ngan tòm jơh ală bơta. Sơnròp ngan jơnau đơs Yàng Tom Trồ dê neh jào làng bol Juda in.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Rôma 9:6

Añ ò đơs lah jơnau ho Yàng Tom Trồ dê gơlik ò kwơ ò. Bơh ò di jơh ală cau Israel la làng bol Yàng Tom Trồ dê.

II Kôrintô 11:22

Bol khai la cau Hebrơ ơ? Añ kung behơ̆. Bol khai la cau Israel ơ? Añ kung behơ̆. Bol khai la jơi bơtiàn Abraham dê ơ? Añ kung behơ̆ sơl.

Galati 3:16

Bơh ală jơnau ho pơgon neh đơs mơ Abraham bal mơ jơi bơtiàn khai dê, gen ò đơs lah: “Ai ală jơi bơtiàn in,” be sơnio bơh oă cau; mơya mìng đơs: “Ai jơi bơtiàn mê in,” be sơnio bơh dô nă cau lơm, hơ̆ la Bơtau Krist.

Ephesô 2:12

tŭ hơ̆ oh mi ơm ngài mơ Bơtau Krist, ơm bơdìh làng bol Israel, mơ be cau nac crih gơwèt hơ bơta ho bal jơnau ho pơgon dê. Tòm dunnia oh mi ò gơs bơta gơn kơnòm, mơ ò gơs Yàng Tom Trồ.

Yal Wơl 14:1

“Bol mê la kòn sau Jehôwa Yàng Tom Trồ bol mê dê. Bañ koh să tòm bol mê dê hala koah đah đap bồ bol mê dê bơh cau neh chơt,

Yal Wơl 29:1

Do la ală jơnau lơh nền tòm bơta ho bal mơ Yàng Jehôwa neh sồr ồng Môise bơtào mơ ală cau Israel tòm Môap, rlau mơ bơta ho bal Yàng neh bơtào gơs mơ bol khai tòm Hôrep.

Yal Wơl 29:14

Añ bơtào gơs bơta ho bal do bơh dô jơnau ho nền, ò di mìng mơ bol mê la ală cau ơm ntào tềng do bal mơ bol hi tòm ngai do di đap mat Jehôwa Yàng Tom Trồ bol he dê lơm ò,

Yal Wơl 31:16

Yàng Jehôwa đơs mơ Môise lah: “Tŭ do mê rơp bic mơ ală ồng pàng mê dê. Ai làng bol do rơp lơh dri tơlàr mơ ală yàng lơgar bơdìh tòm lơgar mơ bol mê rơp mut, bol khai rơp sang lòi Añ mơ ò prap gàr jơnau ho bal mơ Añ neh bơtào mơ bol khai.

Yal Wơl 4:13

Kơnràñ neh yal tơlik bol mê in bơta ho bal Kơnràñ dê, Jơt Bơta Sồr Lam mơ Kơnràñ ai jơnau gơnoar sồr bol mê pal lơh jat, lồc behơ̆ neh cih ală bơta hơ̆ hơđang bàr nơm mpàn mơ lŭ.

Yal Wơl 7:6

Bơh bol mê la dô nơm làng bol ơn is sàng goh Jehôwa Yàng Tom Trồ bol mê in. Jehôwa Yàng Tom Trồ bol mê dê neh sac rwah bol mê bơh digùl jơh ală làng bol ơm hơđang plai ù nàng lơh gơs làng bol Kơnràñ dê, lơh gơs phan tòm kas màng Kơnràñ dê.

Hebrơ 9:1

Bơta ho bal sơnròp kung gơs bơta sồr lam bơh bơta duh khoai, mơ gơs dô bă Tiah Sàng Goh tòm dunnia.

Hebrơ 9:10

bơh hơ̆ la bơta sồr lam đah poac să dê gơwèt hơ ală phan sa, phan ñô, mơ bơta um rào, geh bơtào gơs jơl tus di tŭ tơngai Yàng Tom Trồ rơndap pa wơl.

Hebrơ 9:3

Bơh ngkòi đah dơlam kơrnìng dơ̆ bàr, sơnđan la Tiah Sàng Goh Ngan;

Hebrơ 9:5

đah hơđang đài ho bal gơs ceruƀim gơklŏ, jơm gòm bơnap bơta nđàc, mơya tòm tŭ do ò rgơi yal jơh ală bơta hơ̆.

Hebrơ 9:6

Dơ̆ ală phan hơ̆ neh rcang sir behơ̆ rau, gen ală cau gơnoar ơn phan duh khoai òs lòt sùm tus hơ tiah sơnròp tòm Hìu Ing Duh Khoai nàng duh broă;