Rôma 9:30 - Sră Goh 2018

³⁰ Behơ̆ mbe bol he kòñ đơs taih? Ală làng bol bơdìh ò jòi jat bơta song ring, mơya neh geh bơta song ring, hơ̆ la bơta song ring tus bơh bơta dòn;

Rôma 9:30 ပူးပေါင်းရင်းမြစ်များ

Jơnau Pơnđik 15:9

Gùng dà cau iơh ai lơh cù kìr Yàng Jehôwa in; Mơya Kơnràñ kòñ gơboh cau ting jat bơta song ring.

Jơnau Pơnđik 21:21

Cau lơi jòi jat bơta song ring mơ bơta kơ̆ dơn, rơp jòi bàn bơta kis, bơta song ring, mơ bơta dờng màng.

Esai 51:1

“Iat tĕ Añ! Ơ bol mê la ală cau ting jat bơta song ring, mơ bol mê jòi Yàng Jehôwa! Sền tĕ di pơnai lŭ klềr mơ bơh tềng hơ̆ bol mê neh geh phàt tơlik, mơ bơh tòm trồm lŭ bol mê neh geh tò.

Rôma 10:10

Bơh cau lơi ai nùs dòn gen geh bơta song ring, cau lơi ai bơr yal tơlik gen geh bơta dong klàs.

Rôma 10:20

Mơ tai, Esai đơs dô bă khin cha lah: “Ală cau ò jòi jat Añ gen neh bàn Añ, Añ neh tơlik să di cau ò lùp jòi Añ.”

Rôma 10:6

Mơya bơta song ring bơh bơta dòn gen đơs be do: “Bañ đơs tòm nùs mê lah: ‘Ñcau rơp guh hơ trồ taih?’ hơ̆ la nàng cèng tơmù Bơtau Krist;

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

Rôma 4:13

Tòm tŭ Yàng Tom Trồ ho pơgon mơ Abraham mơ jơi bơtiàn khai in geh pơrdòn lơgar dunnia lơh gơs sre brê ò di bơh bơta boh lam, mơya hơ̆ la tài bơh bơta dòn khai geh kòp la song ring bơh Yàng Tom Trồ.

Rôma 4:22

Behơ̆ tàng, bơta dòn ồng dê neh geh kòp la song ring.

Rôma 4:9

Behơ̆, bơta lơngai hơ̆ mìng ai cau kong siat gơltau in hala kung ai cau ò kong siat gơltau in sơl ơ? Bơh bol he đơs lah bơta dòn Abraham dê geh Yàng Tom Trồ kòp la song ring khai in.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 9:14

Behơ̆ gen mbe bol he kòñ đơs taih? Gơs bơta ò song ring tòm Yàng Tom Trồ ơ? Ò di behơ̆ ò!

Rôma 9:31

mơya làng bol Israel jòi jat bơta boh lam bơta song ring dê, mơya ò lơh wil tơl bơta boh lam.

Galati 2:16

Bulah behơ̆, bol hi kung neh git lah cau geh kòp la song ring, ò di bơh ală broă jat bơta boh lam dê, mơya kơnòm di bơta dòn tòm Yàng Jesu Krist, gen tàng să tòm bol hi neh dòn tòm Krist Jesu, nàng geh kòp la song ring bơh bơta dòn tòm Bơtau Krist, ò di bơh ală broă bơta boh lam dê, bơh ò gơs cau lơi geh kòp la song ring bơh ală broă bơta boh lam dê.

Galati 3:24

Behơ̆ bơta boh lam kung be cau bơto lam bol he lòt tus hơ Bơtau Krist, tồ bol he in bơh bơta dòn mơ geh kòp la song ring.

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

Galati 5:5

Đah bol he bơh bơta dòn mơ kơnòm di Yàng Hwềng dong, tàng bol he kòp bơta song ring he gơn kơnòm.

Ephesô 2:12

tŭ hơ̆ oh mi ơm ngài mơ Bơtau Krist, ơm bơdìh làng bol Israel, mơ be cau nac crih gơwèt hơ bơta ho bal jơnau ho pơgon dê. Tòm dunnia oh mi ò gơs bơta gơn kơnòm, mơ ò gơs Yàng Tom Trồ.

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

Hebrơ 11:7

Bơh bơta dòn Nôe geh Yàng yal lài bơh ală bơta òhềt gŏ, khai gơs nùs duh rngòt mơ lơh gơs dô nơm ơhò nàng dong klàs hìu nhă khai dê; bơh bơta dòn hơ̆ khai lơh nền glài dunnia, mơ khai gơlik gơs cau pơrdòn bơta song ring bơh bơta dòn.

I Pier 4:3

Bơh lài òr oh mi neh sang tŭ tơngai lơh tơl ală bơta be cau làng bol bơdìh kòñ lơh, hơ̆ la kis tòm bơta bung jang, hàm kòñ jat poac să, bơñul lơmbè, sơlồng sơlàng, gơlềng gơlàng mơ duh rùp ràk cù kìr.