Rôma 9:1 - Sră Goh 2018

¹ Añ đơs song tòm Bơtau Krist, añ ò đơs blac, nùs tồr añ lơh cơng añ in bơh Yàng Hwềng Goh lah:

Rôma 9:1 ပူးပေါင်းရင်းမြစ်များ

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Galati 1:20

Bơta añ cih oh mi in do la ngan, di đap Yàng Tom Trồ añ ò đơs blac.

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

II Kôrintô 11:10

Añ ai bơta song ngan Bơtau Krist dê ơm tòm añ mơ ho nền lah, tòm kơnhwàl Acai ò gơs cau lơi geh lềt bơr añ jòng să bơh bơta do.

Rôma 8:16

Să tòm Yàng Hwềng mơ hwềng nùs bol he dê lơh cơng lah bol he la kòn sau Yàng Tom Trồ dê.

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

II Kôrintô 12:19

Neh jŏ rau oh mi tồnlah bol hi tò să gơwèt mơ oh mi. Hơ̆ la tòm Bơtau Krist, di đap Yàng Tom Trồ mơ bol hi đơs. Ơ ală oh mi kòñ gơboh, jơh ală bơta hơ̆ la bơh bơta bơt bơtào oh mi in.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

I Timôthe 5:21

Di đap Yàng Tom Trồ mơ Yàng Krist Jesu mơ ală cau gơnrơh neh geh sac rwah, añ bơto mê kràñ cê prap tĕ ală bơta hơ̆, bañ pin lài tòm dơngoh, lơh broă lơi kung bañ kơryơn đah lơi.

II Kôrintô 11:31

Yàng Tom Trồ la Bèp Yàng Jesu dê, la Bơtau pal jòng ro sùm sùm, git lah añ ò đơs blac.

II Kôrintô 1:23

Añ hòi dan mơ Yàng Tom Trồ lơh cơng hwềng soàn añ in lah: hơ̆ la tài bơh añ ò bài lơh pơnjê di oh mi tàng añ òhềt lòt tus hơ Kôrintô;

Rôma 2:15

Bol khai yal tơlik loh lah broă bơta boh lam dê neh cih tòm nùs bol khai, nùs tồr bol khai dê kung lơh cơng bơta do la ngan, ai bơta kơlôi bol khai dê ƀà cok glài he, ƀà tò să he.

Rôma 9:2

Añ moat jrùng ngan, nùs añ jê sồt sùm ò dơh.