Rôma 8:3 - Sră Goh 2018

³ Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

Rôma 8:3 ပူးပေါင်းရင်းမြစ်များ

Khà Làng Bol 21:9

Behơ̆ Môise lơh gơs dô nơm bơs mơ kòng yồng hơđang dô nơm jrong. Gen tòm tŭ cau lơi neh bơs kap mơ tơnggòr sền di bơs kòng gen khai geh kis.

Khà Làng Bol 28:22

Ơn tĕ bal dô nơm be dam lơh gơs phan ơn tơwài glài mê in.

Jơnau Niam Jat Mak 15:27

Tŭ hơ̆ bol khai kung pơng bàr nă cau phà di chi pơng bal mơ Yàng Jesu, dô nă đah ma, dô nă đah kiau Kơnràñ dê. [

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 9:24

Dô dơ̆ tai, ală cau Pharisi hòi wơl cau lài neh jơngo mơ đơs lah: “Jòng ro tĕ Yàng Tom Trồ, bol he git cau hơ̆ la cau gơs glài.”

Broă 13:39

Kơnòm di Kơnràñ kòp nă cau lơi dòn gen geh hồ toh, ai jơh ală bơta boh lam Môise gen ò rgơi hồ toh.

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 6:6

Bơh git lah cau yau bol he dê neh kong pơng hơđang chi pơng bal mơ Kơnràñ, tồ să jan tồi glài dê kòl tơnroh, mơ bol he ò gam lơh gơs dĭ gơna tồi glài tai,

Rôma 7:18

Bơh añ git bơta niam ò ơm tòm añ, hơ̆ la tòm poac să añ, bơh añ gơs nùs kòñ lơh bơta niam, mơya ò rgơi lơh bơta niam.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Rôma 9:3

Bơh añ kơp kòñ lah dilah să tòm añ rgơi kong srat sơntơm, sang tơlik bơh Bơtau Krist, gen añ kung kong sơl, tài bơh oh mi gơp bơtiàn añ đah poac să,

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Galati 3:21

Behơ̆ gen bơta boh lam gơtòmsò mơ jơnau ho pơgon Yàng Tom Trồ dê sơl ơ? Ò di behơ̆ ò; bơh dilah neh ai dô bơta boh lam lơi rgơi ai bơta kis, gen ngan bơta geh kòp la song ring bơh bơta boh lam mơ tus.

Philip 2:7

Kơnràñ neh sang lòi is să he, ai rùp să be cau dĭ gơna, mơ gơlik gơs be kòn mơnus.

Hebrơ 10:12

Mơya Bơtau Krist, tài bơh tồi glài mơ ơn dô nơm phan ơn duh khoai mìng dô dơ̆ mơ gam sùm sùm, gen nggui đah ma Yàng Tom Trồ,

Hebrơ 10:14

Bơh kơnòm mìng dô nơm phan ơn pơdơng, Kơnràñ neh lơh ală cau gơlik gơs sàng goh in geh wil tơl sùm sùm.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.