Rôma 8:1 - Sră Goh 2018

¹ Gen tàng tŭ do ò gơs bơta lơh nền glài di ală cau ơm tòm Yàng Krist Jesu

Rôma 8:1 ပူးပေါင်းရင်းမြစ်များ

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Ejekiel 18:9

Khai lơh jat ală jơnau sồr Añ jê mơ dòn song prap gàr bơta sồr lam Añ jê. Cau hơ̆ la cau song ring; di ngan la khai rơp kis, Jehôwa Yàng Tom Trồ đơs behơ̆.

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 15:4

Ơm tĕ sùm tòm Añ gen Añ rơp ơm sùm tòm bol mê. Be ntê, dilah ò gơđềt mơ tòm ño, gen ò rgơi gơlik plai is gơ dê ò, dilah bol mê ò ơm sùm tòm Añ gen kung behơ̆ sơl.

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Rôma 16:3

Dan còp să Prissil mơ Akila, la cau bơyô lơh broă bal mơ añ tòm Yàng Krist Jesu.

Rôma 16:7

Dan còp să Andrônik mơ Junia la cau gơp bơtiàn Juda mơ bơyô kong jàm bal mơ añ, mơ la cau neh geh tiơng pơnro tòm ală cau gơnoar bơto dờng mơ neh ơm tòm Bơtau Krist lài mơ añ.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 5:16

Mơ tai, bơta ai gòi do, ò di be broă gơlik tus bơh dô nă cau tìs glài ò: Bơta cahrña tài bơh dô nơm glài lam tus hơ bơta lơh nền glài, mơya bơta ai gòi bơh đang trồ tơnơ̆ mơ oă dơ̆ tìs glài, gen lam tus hơ bơta geh kòp la song ring.

Rôma 7:17

Behơ̆ tŭ do ò di să tòm añ lơh bơta hơ̆ tai, mơya hơ̆ la tồi glài ơm tòm añ.

Rôma 7:20

Dilah añ lơh bơta añ ò bài lơh, hơ̆ la ò di añ lơh bơta hơ̆ tai, mơya tồi glài ơm tòm añ lơh bơta hơ̆.

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

Rôma 8:14

Bơh jơh ală cau lơi gơs Hwềng Yàng Tom Trồ dê tề lam hơ̆ la kòn Yàng Tom Trồ dê.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

Rôma 8:34

Ñcau rơp lơh nền glài bol khai taih? Yàng Krist Jesu la Bơtau neh chơt mơ ngan neh kis wơl bơh bơta chơt; Kơnràñ nggui đah ma Yàng Tom Trồ mơ hòi dan ala bol he in.

Rôma 8:39

đah jơnhoa hala đah jrô, hala dô nơm phan lơi ndai neh geh crơng gơs, ò rgơi cah is bol he bơh bơta kòñ gơboh Yàng Tom Trồ dê ơm tòm Yàng Krist Jesu la Yàng bol he dê.

Rôma 8:4

tồ bơta song ring bơta boh lam dê lơh gơs wil tơl tòm bol he, la cau ò lòt jat poac să, mơya lòt jat Yàng Hwềng.

Rôma 8:9

Mơya dilah ngan gơs Hwềng Yàng Tom Trồ dê ơm tòm oh mi, gen oh mi ò kis jat poac să, mơya kis jat Yàng Hwềng; mơ dilah cau lơi ò gơs Hwềng Bơtau Krist dê, gen cau hơ̆ ò di bal mơ Kơnràñ.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 15:22

Kung be tòm Adam jơh ală cau pal chơt, kung behơ̆ sơl tòm Bơtau Krist jơh ală cau rơp geh kis wơl.

II Kôrintô 12:2

Añ git dô nă cau tòm Bơtau Krist, bơh jơt poan nam lài neh geh cèng guh tus hơ tap trồ dơ̆ pe, (dilah tòm să jan añ ò git, hala bơdìh să jan, añ kung ò git; gơs Yàng Tom Trồ git).

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Galati 5:16

Behơ̆ añ đơs lah: Lòt tĕ jat Yàng Hwềng, gen oh mi ò lơh jat nùs hàm kòñ is poac să dê.

Galati 5:25

Dilah bol he kơnòm di Yàng Hwềng nàng kis, gen kung lòt tĕ jat Yàng Hwềng sơl.

Ephesô 1:1

Pol la cau gơnoar bơto dờng bơh Yàng Krist Jesu jat nùs kòñ Yàng Tom Trồ dê, pơyoa ală cau sàng goh in tòm Ephesô mơ ală cau dòn song tòm Yàng Krist Jesu:

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;