Rôma 7:8 - Sră Goh 2018

⁸ Mơya tồi glài neh ai kai bơh bơta sồr lam, nàng tơnggơs tơl ală bơta hàm hà tòm añ; bơh ò gơs bơta boh lam gen tồi glài neh chơt rau.

Rôma 7:8 ပူးပေါင်းရင်းမြစ်များ

Jơnau Niam Jat Mak 7:22

Hàm hà, rhung rhang, lac lèo, bung jang, gar mat iơh, tràl sơrbil, pơnhừ să, sơnrang sơnrồng.

Jang 15:22

Dilah Añ ò lòt tus mơ yal bol khai in, gen bol khai ò gơs glài; mơya tòm tŭ do bol khai ò rgơi tò să he nàng klàs glài ò.

Jang 15:24

Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl.

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 4:15

bơh bơta boh lam tơnggơs bơta gơjrañ dờng, mơya tiah lơi ò gơs bơta boh lam, gen kung ò gơs tìs mơ bơta boh lam sơl.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Rôma 7:11

Bơh tồi glài neh ai kai, ngui bơta sồr lam pơrlồm añ mơ bơh hơ̆ tơnchơt añ.

Rôma 7:13

Behơ̆ bơta niam gơlik gơs bơta chơt añ in ơ? Ò di behơ̆! Mơya tồi glài bơh bơta niam mơ neh lơh bơta chơt añ in, ràng tơlik is gơ dê la tồi glài; nàng tồi glài bơh bơta sồr lam mơ gơlik gơs iơh bơsak oă ngan.

Rôma 7:17

Behơ̆ tŭ do ò di să tòm añ lơh bơta hơ̆ tai, mơya hơ̆ la tồi glài ơm tòm añ.

Rôma 7:9

Lài òr añ ò gơs bơta boh lam, mơ añ kis; mơya dơ̆ bơta sồr lam tus, gen tồi glài kis wơl, ai añ gen chơt;

I Kôrintô 15:56

Bơta bih khih bơta chơt dê la tồi glài, gơnap gơnoar tồi glài dê la bơta boh lam.