Rôma 7:7 - Sră Goh 2018

⁷ Behơ̆ mbe bol he kòñ đơs tiah? Bơta boh lam la tồi glài ơ? Ò di behơ̆! Mơya tài bơh bơta boh lam tàng añ git tồi glài, bơh dilah bơta boh lam ò đơs lah: “Mê bañ hàm hà,” gen añ ò git bơta hàm hà la ñchi.

Rôma 7:7 ပူးပေါင်းရင်းမြစ်များ

Sơnròp Gơlik Gơs 3:6

Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

II Samuel 11:2

Gơlik gơs tòm dô mho ne, tòm tŭ Dabit guh bơh cơnòng bic khai dê mơ lòt yơng hơđang rkàng gơlang bơtau, mơ khai gŏ dô nă cau ùr ơm um; cau ùr hơ̆ hàng mơnĕ ngan.

Đơs Crih 119:96

Añ neh gŏ nhàr bơta wil tơl dê, Mơya bơta boh lam Yàng dê la dờng ơnàng ò git nđò.

Lik Ejiptơ 20:17

Bol mê bañ hàm hà hìu cau ơm rềp mơ bol mê. Bol mê bañ hàm kòñ bau ùr cau ơm rềp mơ bol mê, hala cau klau duh broă, cau ùr duh broă khai dê, kơnrồ, alàng, hala phan lơi gơrê bal mơ cau ơm rềp di bol mê.”

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Mathiơ 5:28

Mơya Añ đơs mơ bol mê, dilah cau lơi sền cau ùr mơ gơs nùs hàm kòñ di khai, gen tòm nùs neh tìs glài rềs àr bơrnàn mơ khai rau.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 20:16

Khai rơp tus tơnroh ală cau lơh suơn hơ̆, mơ jào suơn ño hơ̆ ală cau ndai in.” Làng bol kơno behơ̆ gen đơs lah: “Ò gơs broă behơ̆ ò.”

Broă 20:33

Añ ò hàm hà priă, màh hala ồi ào cau lơi dê ò.

Rôma 13:9

Mơ tai, ală bơta sồr lam la be do: “Mê bañ tìs glài rềs àr bơrnàn, bañ tơnchơt cau, bañ ntung kơñau, bañ hàm hà,” mơ ală bơta sồr lam ndai gen tơrgòm wơl tòm dô jơnau do: “Mê kòñ gơboh tĕ di cau gơp ƀòn he be he”

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

Rôma 4:1

Behơ̆, bol he rơp đơs bơh Abraham, ồng pàng bol he jat poac să, ñchi khai neh git làm taih?

Rôma 4:15

bơh bơta boh lam tơnggơs bơta gơjrañ dờng, mơya tiah lơi ò gơs bơta boh lam, gen kung ò gơs tìs mơ bơta boh lam sơl.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Rôma 6:15

Behơ̆ gen mbe lơh taih? Bol he ò di ơm tòm gơnoar bơta boh lam mơya ơm tòm gơnoar bơta nđàc dê, gen bol he rơp kư̆ tìs glài sơl ơ? Ò di behơ̆!

Rôma 7:11

Bơh tồi glài neh ai kai, ngui bơta sồr lam pơrlồm añ mơ bơh hơ̆ tơnchơt añ.

Rôma 7:13

Behơ̆ bơta niam gơlik gơs bơta chơt añ in ơ? Ò di behơ̆! Mơya tồi glài bơh bơta niam mơ neh lơh bơta chơt añ in, ràng tơlik is gơ dê la tồi glài; nàng tồi glài bơh bơta sồr lam mơ gơlik gơs iơh bơsak oă ngan.

Rôma 7:5

Tòm tŭ bol he gam jat poac să, gen ală bơta hàm kòñ iơh tồi glài dê bơh bơta boh lam tơnggit, lơh broă tòm să jan bol he, mơ gơlik plai bơta chơt in.

Rôma 7:8

Mơya tồi glài neh ai kai bơh bơta sồr lam, nàng tơnggơs tơl ală bơta hàm hà tòm añ; bơh ò gơs bơta boh lam gen tồi glài neh chơt rau.

I Kôrintô 15:56

Bơta bih khih bơta chơt dê la tồi glài, gơnap gơnoar tồi glài dê la bơta boh lam.

Ephesô 5:3

Digùl oh mi bañ đơs bơh bơta rềs àr bơrnàn, mơ jơh ală bơta ngkòr ngkàc, hala bơta hàm hà; behơ̆ gen sồng di pal la ală cau sàng goh.

Yal Wơl 5:21

Bol mê bañ hàm kòñ bau cau ơm rềp di bol mê. Bol mê bañ gơs nùs hàm hà hìu ơm hala ù tiah khai dê, cau klau duh broă hala cau ùr duh broă khai dê, kơnrồ hala alàng khai dê, hala phan lơi gơrê bal mơ cau ơm rềp di bol mê.’

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

I Tesalônika 4:5

ò di jat nùs gơboh iơh bơta hàm kòñ is dê, be làng bol bơdìh la cau ò dòp git Yàng Tom Trồ,

Hebrơ 7:19

(bơh bơta boh lam ò lơh wil tơl broă lơi ò), gen cèng tơmut dô bơta gơn kơnòm niam rlau, mơ kơnòm di bơta hơ̆ bol he lòt tus rềp hơ Yàng Tom Trồ.

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”