Rôma 7:5 - Sră Goh 2018

⁵ Tòm tŭ bol he gam jat poac să, gen ală bơta hàm kòñ iơh tồi glài dê bơh bơta boh lam tơnggit, lơh broă tòm să jan bol he, mơ gơlik plai bơta chơt in.

Rôma 7:5 ပူးပေါင်းရင်းမြစ်များ

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Jang 3:6

Bơta lơi deh bơh poac să la poac să, mơ bơta lơi deh bơh Yàng Hwềng la hwềng.

Rôma 1:26

Tài bơh hơ̆ tàng Yàng Tom Trồ neh phi bol khai tòm bơta hàm kòñ lơh tir ƀàssìl ƀàsso; bơh ală cau ùr bol khai dê neh tòmgơl bơta òs mòng gơwèt mơ cau klau gơlik gơs tòmdră mơ bơta òs mòng hơ̆,

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 4:15

bơh bơta boh lam tơnggơs bơta gơjrañ dờng, mơya tiah lơi ò gơs bơta boh lam, gen kung ò gơs tìs mơ bơta boh lam sơl.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Rôma 6:13

kung bañ ơn să jan he tồi glài in, nàng lơh gơs phan ngui bơta iơh bơsak dê, mơya ơn tĕ să tòm oh mi Yàng Tom Trồ in, kung be ală cau neh chơt mơ kis wơl mơ ơn să jan he Yàng Tom Trồ in, nàng lơh gơs phan ngui bơta song ring dê.

Rôma 6:19

Añ đơs jat be kòn mơnus đơs, bơh đah poac să oh mi dê la lơbơn lơño. Be oh mi neh ơn să jan he lơh gơs dĭ gơna bơta ngkòr ngkàc mơ bơta tồi glài iơh bơsak be lơi, gen tŭ do ơn tĕ să jan he lơh gơs dĭ gơna bơta song ring in, nàng lơh gơs bơta gơlik gơs sàng goh kung behơ̆ sơl.

Rôma 6:21

Behơ̆ ală broă oh mi neh lơh lài òr gen ñchi cồng nha geh taih? Mơ tŭ do lơh oh mi in ƀàssìl, lồi dut ală broă hơ̆ dê la bơta chơt.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

Rôma 7:23

mơya añ git ngan tòm să jan añ gơs dô bơta boh lam ndai tòmlơh mơ bơta boh lam tòm nùs kơlôi añ, kup añ jàm lơh gơs dĭ gơna bơta boh lam tồi glài dê, hơ̆ la bơta boh lam tòm să jan añ jê.

I Kôrintô 15:56

Bơta bih khih bơta chơt dê la tồi glài, gơnap gơnoar tồi glài dê la bơta boh lam.

II Kôrintô 10:3

Bơh bol hi bulah kis tòm dunnia, mơya ò di tòmlơh jat dunnia.

Galati 3:10

Bơh cau lơi kơnòm di ală broă bơta boh lam dê, gen kòl srat sơntơm, bơh neh cih lah: “Pal srat ngan di cau lơi ò kơ̆ wền lơh jat jơh ală bơta neh cih tòm sră bơta boh lam.”

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Ephesô 2:11

Behơ̆, kah wơl tĕ lah lài òr jat poac să oh mi la cau làng bol bơdìh, gơtìp cau kong siat gơltau tòm poac să bơh tê cau lơh, bol khai sơnđan oh mi la cau ò kong siat gơltau;

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Jakơ 1:15

Chòp bơta hàm kòñ is gơ kung be bun gen deh tồi glài; dơ̆ tồi glài neh tơl dờng, gen tơnggơs bơta chơt.

Jakơ 4:1

Mbơh tus ală bơta kơlìn mơ bơta tòmlơh tòm oh mi taih? Hơ̆ ò di la bơh nùs hàm kòñ is òs tòmlơh tòm ală pơnah să jan oh mi dê ò ơ?

I Jang 3:4

Cau lơi tìs glài, hơ̆ la tòmdră mơ bơta boh lam; mơ tồi glài la bơta tòmdră mơ bơta boh lam.