Rôma 7:4 - Sră Goh 2018

⁴ Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.

Rôma 7:4 ပူးပေါင်းရင်းမြစ်များ

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Esai 62:5

Kung be dô nă cau klau pơnu tòmbau mơ dô nă cau ơruh, gen kung behơ̆ sơl, Bơtau bơt bơtào ai rơp bau mơ ai, mơ kung be cau bơrtơu pa hòn chò bơh bau ùr pa khai dê, gen kung behơ̆ sơl, Yàng Tom Trồ rơp hòn chò bơh di ai.

Mathiơ 26:26

Tòm tŭ sa, Yàng Jesu ai piang lă, ưnngài, dơrkă, gen tong ală cau bơtê in mơ đơs lah: “Ai tĕ mơ sa, do la să jan añ.”

Jơnau Niam Jat Mak 4:20

Ai ală gar geh sih di ù niam la cau kơno jơnau gen dòp mơ gơlik plai, gơnar ƀà pe jơt, gơnar ƀà prau jơt, gơnar ƀà dô rhiang.”

Jang 15:8

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

Jang 3:29

Cau lơi pa tòmbau hơ̆ la bơrtơu, mơya oh mi bơyô bơrtơu dê ơm ntào mơ iat jơnau khai, dơ̆ kơno jơnau đơs bơrtơu dê gen hòn chò oă ngan; hơ̆ la bơta hòn chò añ jê geh wil tơl behơ̆.

Jang 6:51

Añ la piang lă kis bơh đang trồ mù, dilah cau lơi sa piang lă hơ̆, gen rơp kis gam sùm sùm, mơ piang lă Añ rơp ai, tài bơh bơta kis dunnia dê, hơ̆ la poac Añ.”

Rôma 6:11

Behơ̆ oh mi kung kòp tĕ să he be neh chơt gơwèt hơ tồi glài, mơ kis gơwèt hơ Yàng Tom Trồ tòm Yàng Krist Jesu.

Rôma 6:14

Bơh tồi glài ò geh at bồ hơđang oh mi tai; bơh oh mi ò di ơm tòm gơnoar bơta boh lam dê, mơya ơm tòm gơnoar bơta nđàc dê.

Rôma 6:2

Ò di behơ̆! Bol he neh chơt gơwèt hơ tồi glài, gen mbe bol he gam kis tòm tồi glài taih?

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

Rôma 7:3

Behơ̆ gen tòm tŭ bau klau gam kis, dilah cau ùr bau mơ cau klau ndai, gen sơnđan khai la cau ùr bơrnàn; mơya dilah bau klau neh chơt rau, gen cau ùr geh lik klàs bơh bơta boh lam hơ̆ rau, bulah bau mơ klau ndai gen ò di la cau ùr bơrnàn.

Rôma 7:6

Mơya tòm tŭ do bol he neh geh lik klàs bơh bơta boh lam, mơ neh chơt gơwèt hơ bơta neh krơ̆ jàm bol he, nàng duh broă jat bơta pa Yàng Hwềng dê, ò di jat jơnau cih yau ò.

Rôma 8:2

Bơh bơta boh lam Yàng Hwềng bơta kis dê tòm Yàng Krist Jesu neh hồ toh añ lik klàs bơh bơta boh lam tồi glài dê mơ bơta chơt.

I Kôrintô 10:16

Mơngàn mơ bol he ngui tòm tŭ Sa Kah Yàng mơ bơh hơ̆ bol he neh ưnngài Yàng Tom Trồ: tòm tŭ bol he hùc, bol he gơs pơnah tòm mhàm Bơtau Krist. Mơ piang lă bol he dơrkă, tòm tŭ bol he sa, bol he geh pơnah tòm să jan Bơtau Krist.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Galati 5:18

Mơya dilah oh mi kơnòm di Yàng Hwềng tề lam gen ò ơm tòm gơnoar bơta boh lam dê.

Ephesô 2:15

Bơh kơnòm di poac să Kơnràñ dê mơ Kơnràñ neh tơnroh bơta boh lam bal mơ bơta sồr lam mơ gơnoar sồr gơ dê, nàng ai bàr đah mơ crơng gơs dô nă cau pa tòm să tòm Kơnràñ, tồ lơh gơtòmsòr bal.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 4:17

Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Kôlôse 2:14

Kơnràñ jùt sang jơnau tòmho cih tòm ală bơta sồr lam, gơlơh nền glài tòmsò mơ bol he; Kơnràñ kung tă gơ mơ pơng gơ di chi pơng.

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Hebrơ 10:10

Bơh Yàng Jesu Krist neh lơh jat nùs kòñ Yàng Tom Trồ mơ bol he neh gơlik gơs sàng goh, kơnòm dê bơta ơn să Kơnràñ dê dô dơ̆ tơl rau.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

Yal Tơlik 19:7

Bol he hòn chò mơ hừh hơh tĕ, jòng ro tĕ Kơnràñ; Bơh bơta tòmbau Belàt Kòn dê neh tus rau, mơ bau ùr Kơnràñ dê neh sơmpô să sir rau.

Yal Tơlik 21:9

Gơs dô nă tòm poh nă cau gơnrơh neh at poh nơm mơngàn bềng poh bơta rung rài lồi dut, lòt tus đơs mơ añ lah: “Tus tĕ hơ do, añ rơp sơnio mê in ƀan, la bau ùr Belàt Kòn dê.”