Rôma 7:18 - Sră Goh 2018

¹⁸ Bơh añ git bơta niam ò ơm tòm añ, hơ̆ la tòm poac să añ, bơh añ gơs nùs kòñ lơh bơta niam, mơya ò rgơi lơh bơta niam.

Rôma 7:18 ပူးပေါင်းရင်းမြစ်များ

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Đơs Crih 119:173

Dan tê Yàng rcang sir nàng dong kòl añ, Bơh añ neh sac rwah jơnau sồr Kơnràñ dê.

Đơs Crih 119:176

Añ neh tìs nrah ò gơkrơi be belàt roh; Dan jòi cau duh broă Yàng dê, bơh añ ò hŭi bơta sồr lam Kơnràñ dê.

Đơs Crih 119:32

Tòm tŭ Yàng pò ơnàng bơta git wă añ jê, Gen añ rơp ntoat jat gùng dà bơta sồr lam Kơnràñ dê.

Đơs Crih 119:40

Ne, añ kơp kòñ ngan ală jơnau sồr Yàng dê; Dan ai añ in kis tòm bơta song ring Kơnràñ dê.

Đơs Crih 119:5

Kơp kòñ añ lơh lòt dô bă nền cê Tòm bơta prap gàr ală jơnau sồr Kơnràñ dê.

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Luka 11:13

Dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ ò ai Yàng Hwềng Goh ală cau lơi in dan mơ Kơnràñ ò ơ?”

Jang 3:6

Bơta lơi deh bơh poac să la poac să, mơ bơta lơi deh bơh Yàng Hwềng la hwềng.

Rôma 13:14

Mơya dòp soh tĕ Yàng Jesu Krist, bañ rcang đah poac să nàng lơh jat bơta hàm kòñ is gơ dê.

Rôma 7:15

Bơh añ ò git wă bơta añ lơh; añ ò lơh bơta añ kòñ, mơya añ lơh bơta añ gơjrañ.

Rôma 7:19

Bơh añ ò lơh bơta niam añ kòñ lơh, mơya añ lơh wơl bơta iơh añ ò bài.

Rôma 7:25

Ưnngài Yàng Tom Trồ, kơnòm di Yàng Jesu Krist la Yàng bol he dê! Behơ̆ să tòm añ ai nùs kơlôi dòn duh bơta boh lam Yàng Tom Trồ dê, mơya ai poac să dòn duh bơta boh lam tồi glài dê.

Rôma 7:5

Tòm tŭ bol he gam jat poac să, gen ală bơta hàm kòñ iơh tồi glài dê bơh bơta boh lam tơnggit, lơh broă tòm să jan bol he, mơ gơlik plai bơta chơt in.

Galati 5:17

Bơh poac să hàm kòñ tòmdră mơ Yàng Hwềng, mơ Yàng Hwềng tòmdră mơ poac să, bàr đah gơtòmdră sùm behơ̆, gen tàng oh mi ò rgơi lơh bơta he kòñ lơh.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Philip 3:12

Hơ̆ ò di la añ neh geh rau, hala neh tus di bơta wil tơl ò, mơya añ gam ntoat tồ sơmbat geh, bơh să tòm añ neh geh Yàng Krist Jesu sơmbat rau.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.