Rôma 7:12 - Sră Goh 2018

¹² Gen behơ̆ bơta boh lam la sàng goh, mơ bơta sồr lam kung la sàng goh, song ring mơ niam sơl.

Rôma 7:12 ပူးပေါင်းရင်းမြစ်များ

Nehemi 9:13

Kơnràñ kung neh mù hơđang mơnơm Sinai tòmbơhbơr mơ bol khai bơh đang trồ, ai bol khai in ală bơta sồr lam, bơta boh lam di pal mơ song ring, bơta lơh nền mơ jơnau gơnoar sồr niam ngan.

Đơs Crih 119:127

Tài bơh hơ̆ añ kòñ gơboh di bơta sồr lam Yàng dê rlau mơ màh, Rlau mơ màh ngan.

Đơs Crih 119:137

Ơ Yàng Jehôwa, Kơnràñ la song ring, Bơta cahrña Kơnràñ dê la song ngan.

Đơs Crih 119:140

Jơnau ho pơgon Yàng dê niam ngan, mơ cau duh broă Yàng dê kòñ gơboh di jơnau hơ̆.

Đơs Crih 119:172

Lơmpiat añ rơp đơs chò bơh jơnau Yàng dê, Bơh jơh ală bơta sồr lam Kơnràñ dê la song ring.

Đơs Crih 119:38

Dan Yàng lơh kơ̆ nền jơnau ho pơgon Yàng dê mơ cau duh broă Kơnràñ dê, Hơ̆ la jơnau ai cau duh rngòt di Kơnràñ.

Đơs Crih 119:86

Jơh ală bơta sồr lam Yàng dê la kơ̆ cê; Cau ngui bơta blac pơrlồm kup kơryan añ; dan Yàng dong kòl añ!

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Rôma 3:31

Behơ̆, bol he tài bơh bơta dòn mơ lơh bơta boh lam gơlik gơs ò kwơ ơ? Ò di behơ̆ ò! Gơpơrlơ̆ wơl, bol he lơh kơ̆ nền bơta boh lam.

Rôma 7:14

Mơ tai, bol he git bơta boh lam la đah hwềng, mơya añ la đah poac să neh kòl tac tồi glài in.

Rôma 7:16

Mơ dilah añ lơh bơta añ ò bài, gen bơh hơ̆ añ dòp git bơta boh lam la niam.

Yal Wơl 10:12

Mơ tŭ do, ơ Israel, bơta Jehôwa Yàng Tom Trồ bol mê dê jòi lùp bol mê la duh rngòt di Yàng Jehôwa, lòt tòm jơh ală gùng dà Kơnràñ dê, kòñ gơboh di Kơnràñ, mơ jơh nùs, jơh hwềng soàn duh broă Jehôwa Yàng Tom Trồ bol mê dê,

Yal Wơl 4:8

Mơ gơs làng bol lơi ndai dờng geh ală bơta lơh nền mơ ală bơta boh lam song ring be jơh tơl bơta boh lam mơ añ ơn di đap bol mê tòm ngai do sơl ơ?

I Timôthe 1:8

Bol he git bơta boh lam la niam, dilah cau lơi ngui dô bă song jat gơ,