Rôma 6:4 - Sră Goh 2018

⁴ Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

Rôma 6:4 ပူးပေါင်းရင်းမြစ်များ

Jang 11:40

Yàng Jesu đơs tai lah: “Añ ò di neh đơs mơ ai lah dilah ai dòn gen rơp gŏ bơta gơklŏ Yàng Tom Trồ dê ò ơ?”

Jang 2:11

Hơ̆ la tòm Kana kơnhwàl Galile, Yàng Jesu lơh tềl krơi dơ̆ sơnròp mơ yal tơlik bơta gơklŏ Kơnràñ dê; gen ală cau bơtê dòn Kơnràñ.

Broă 2:24

Mơya Yàng Tom Trồ neh dong tă Kơnràñ bơh bơta jê sồt bơta chơt dê mơ lơh Kơnràñ in kis wơl, tài bơh bơta chơt ò rgơi kup Kơnràñ.

Broă 2:32

Jesu do mơ Yàng Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆.

Rôma 6:19

Añ đơs jat be kòn mơnus đơs, bơh đah poac să oh mi dê la lơbơn lơño. Be oh mi neh ơn să jan he lơh gơs dĭ gơna bơta ngkòr ngkàc mơ bơta tồi glài iơh bơsak be lơi, gen tŭ do ơn tĕ să jan he lơh gơs dĭ gơna bơta song ring in, nàng lơh gơs bơta gơlik gơs sàng goh kung behơ̆ sơl.

Rôma 6:3

Oh mi ò git lah bol he jơh tơl nă neh gơs ƀaptem tòm Yàng Krist Jesu, hơ̆ la neh geh ƀaptem tòm bơta chơt Kơnràñ dê ò ơ?

Rôma 6:8

Mơ tai, dilah bol he neh chơt bal mơ Bơtau Krist, gen bol he dòn lah bol he kung rơp kis bal mơ Kơnràñ sơl,

Rôma 6:9

bơh git lah Bơtau Krist neh kis wơl bơh bơta chơt, gen ò gơs tŭ lơi chơt tai, bơta chơt ò geh at bồ hơđang Kơnràñ tai ò.

Rôma 7:6

Mơya tòm tŭ do bol he neh geh lik klàs bơh bơta boh lam, mơ neh chơt gơwèt hơ bơta neh krơ̆ jàm bol he, nàng duh broă jat bơta pa Yàng Hwềng dê, ò di jat jơnau cih yau ò.

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

I Kôrintô 6:14

Mơ Yàng Tom Trồ neh lơh Yàng in kis wơl, kung rơp ai gơnap gơnoar Kơnràñ dê mơ lơh bol he in kis wơl sơl.

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

Kôlôse 4:1

Ơ cau la cau tòm, gơwèt tĕ mơ cau dĭ gơna mê dê dô bă song ring mơ ring bal, bơh git lah oh mi kung gơs dô nă Cau tòm ơm hơđang trồ.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.