Rôma 6:2 - Sră Goh 2018

² Ò di behơ̆! Bol he neh chơt gơwèt hơ tồi glài, gen mbe bol he gam kis tòm tồi glài taih?

Rôma 6:2 ပူးပေါင်းရင်းမြစ်များ

Sơnròp Gơlik Gơs 39:9

Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

Đơs Crih 119:104

Kơnòm di jơnau sồr Yàng dê añ geh bơta git wă; Tài bơh añ gơjrañ kơuềng di kòp nơm gùng dà ma blac.

Luka 20:16

Khai rơp tus tơnroh ală cau lơh suơn hơ̆, mơ jào suơn ño hơ̆ ală cau ndai in.” Làng bol kơno behơ̆ gen đơs lah: “Ò gơs broă behơ̆ ò.”

Rôma 5:11

Ò di mìng behơ̆ lơm, mơya bol he kung hòn chò tòm Yàng Tom Trồ la bơh Yàng Jesu Krist bol he dê, bơh Kơnràñ mơ bol he gơlik gơs bơyô Yàng Tom Trồ dê.

Rôma 6:15

Behơ̆ gen mbe lơh taih? Bol he ò di ơm tòm gơnoar bơta boh lam mơya ơm tòm gơnoar bơta nđàc dê, gen bol he rơp kư̆ tìs glài sơl ơ? Ò di behơ̆!

Rôma 7:4

Kung behơ̆ sơl, ơ oh mi añ jê, kơnòm di să jan Bơtau Krist dê mơ oh mi neh chơt gơwèt hơ bơta boh lam, nàng geh kơt bal mơ cau ndai, hơ̆ la cau neh kis wơl bơh bơta chơt, tồ bol he gơlik plai Yàng Tom Trồ in.

Rôma 7:6

Mơya tòm tŭ do bol he neh geh lik klàs bơh bơta boh lam, mơ neh chơt gơwèt hơ bơta neh krơ̆ jàm bol he, nàng duh broă jat bơta pa Yàng Hwềng dê, ò di jat jơnau cih yau ò.

Galati 2:19

Bơh bơta boh lam, añ neh chơt gơwèt mơ bơta boh lam, nàng añ kis Yàng Tom Trồ in.

Galati 6:14

Đah mơ añ, ngan añ ò bài jòng să, mìng jòng să bơh chi pơng Yàng Jesu Krist bol he dê lơm; bơh chi pơng hơ̆, dunnia gơwèt mơ añ neh kòl pơng đìn, añ gơwèt mơ dunnia kung behơ̆ sơl!

Kôlôse 2:20

Dilah oh mi neh chơt bal mơ Bơtau Krist gơwèt mơ ală bơta ƀa liă dunnia dê, gen mbe lơh oh mi kis kung be gam gơrê bal mơ dunnia taih? Ñchi bơh tài oh mi dòn duh ală bơta òs mòng jat ală bơta sồr lam mơ ală bơta bơto sồr jơi kòn mơnus dê taih? Kung be:

Kôlôse 3:3

Bơh oh mi neh chơt, bơta kis oh mi dê neh pồn bal mơ Bơtau Krist tòm Yàng Tom Trồ.

I Pier 1:14

Oh mi be kòn sau jak dòn bơr, gen bañ đòm jat ală bơta hàm kòñ is lài òr, la tŭ oh mi gam bơrngơl gơla.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Jang 3:9

Cau lơi tơnggơs bơh Yàng Tom Trồ gen ò tìs glài, tài bơh gar sơntìl Yàng Tom Trồ dê ơm sùm tòm khai; mơ khai ò rgơi tìs glài, tài bơh neh tơnggơs bơh Yàng Tom Trồ.