Rôma 5:8 - Sră Goh 2018

⁸ Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Rôma 5:8 ပူးပေါင်းရင်းမြစ်များ

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Jang 15:13

Ò gơs bơta kòñ gơboh lơi dờng rlau mơ bơta kòñ gơboh bơh bơyô he mơ phi bơta kis he.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

Rôma 4:25

Kơnràñ neh kòl bơtào nàng kong chơt bơh tồi glài bol he dê, mơ kis wơl nàng bol he in geh kòp la song ring mơ Yàng Tom Trồ.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Rôma 5:6

Bơh tòm tŭ bol he gam lơbơn lơño, gen Bơtau Krist neh jat tơngai pơgon mơ kong chơt ala cau glài in.

Rôma 5:7

Mơ tai, ò hoan gơs cau kong chơt ala cau song ring in, digơlan gơs cau ƀà khin chơt ala cau lơbơn niam in.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Rôma 8:39

đah jơnhoa hala đah jrô, hala dô nơm phan lơi ndai neh geh crơng gơs, ò rgơi cah is bol he bơh bơta kòñ gơboh Yàng Tom Trồ dê ơm tòm Yàng Krist Jesu la Yàng bol he dê.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

I Timôthe 1:16

Mơya añ neh geh Yàng kòñ nđàc, tồ Yàng Krist Jesu in yal tơlik bơta kong ơt wil tơl Kơnràñ dê tòm añ la cau glài kơnjơ̆ rlau jơh, nàng lơh krơh ală cau in rơp dòn Kơnràñ tồ geh bơta kis gam sùm sùm.

Hebrơ 8:3

Jơh ală cau gơnoar dờng lam bồ ơn phan duh khoai neh geh pồ bơtào nàng ơn phan pơdơng mơ phan ơn duh khoai, gen tàng Cau do kung pal gơs phan nàng ơn sơl.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.