Rôma 5:6 - Sră Goh 2018

⁶ Bơh tòm tŭ bol he gam lơbơn lơño, gen Bơtau Krist neh jat tơngai pơgon mơ kong chơt ala cau glài in.

Rôma 5:6 ပူးပေါင်းရင်းမြစ်များ

Đơs Crih 1:1

Lơngai cau lơi in ò jat jơnau bơyai cau iơh bơsak dê, Ò ntào tòm gùng cau glài, Ò nggui bal mơ cau dơñŏ tơnhial;

Ñìm Rac 1:6

Bơta ryŭ ryơm bơh kòn ùr Siôn dê neh gơkòl cah is bơh khai. Ală kwang at bồ khai dê kung be mpồl jùn jòi ò bàn ƀlàng ñhơt, bol khai dô ò gơs pràn di đap cau ting jat.

Daniel 11:15

Gen bơtau đah đang rơp tus gơrwàng gùt dar mơ tòmpìt geh dô nơm theng ling kơ̆ cê. Mpồl ling đah đơm ò tơl pràn nàng ntào jai, bulah mpồl ling jak rlau jơh bol khai dê kung ò tơl pràn nàng tòmdră.

Khà Làng Bol 7:15

dô nơm kơnrồ dam gam dềt, dô nơm belàt dam mơ dô nơm belàt dam tơl dô nam, lơh gơs dô nơm phan ơn chu pơrguc;

Rôma 11:26

behơ̆ gen jơh làng bol Israel rơp geh dong klàs, be neh cih lah: “Bơtau Dong Tă rơp tus bơh Siôn, Tă sang bơta ò duh rngòt bơh di Jakôp;”

Rôma 4:25

Kơnràñ neh kòl bơtào nàng kong chơt bơh tồi glài bol he dê, mơ kis wơl nàng bol he in geh kòp la song ring mơ Yàng Tom Trồ.

Rôma 4:5

ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

Rôma 5:7

Mơ tai, ò hoan gơs cau kong chơt ala cau song ring in, digơlan gơs cau ƀà khin chơt ala cau lơbơn niam in.

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Rôma 8:34

Ñcau rơp lơh nền glài bol khai taih? Yàng Krist Jesu la Bơtau neh chơt mơ ngan neh kis wơl bơh bơta chơt; Kơnràñ nggui đah ma Yàng Tom Trồ mơ hòi dan ala bol he in.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Kôlôse 2:13

Ai oh mi, tòm tŭ neh chơt bơh bơta tìs glài oh mi dê mơ bơh bơta ò siat gơltau poac să oh mi dê, gen Kơnràñ neh lơh oh mi in kis bal mơ Bơtau Krist, bơh Kơnràñ neh toh jơh ală bơta tìs glài bol he dê.

I Tesalônika 5:9

Bơh Yàng Tom Trồ ò di lơh nền lòi bol he kong bơta gơjrañ dờng ò, mơya tồ dòp geh bơta dong klàs bơh Yàng Jesu Krist bol he dê,

I Timôthe 1:9

kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

Sră Pơyoa Pol Dê Pơyoa Tit In 2:12

Bơta nđàc hơ̆ bơto bol he pơndang sang tĕ bơta ò duh rngòt mơ nùs hàm kòñ is dunnia dê, mơ pal kis dô bă git kơrhia, song ring mơ duh rngòt tòm rài do,

Hebrơ 8:3

Jơh ală cau gơnoar dờng lam bồ ơn phan duh khoai neh geh pồ bơtào nàng ơn phan pơdơng mơ phan ơn duh khoai, gen tàng Cau do kung pal gơs phan nàng ơn sơl.

Hebrơ 9:26

dilah ò behơ̆, gen bơh di tŭ crơng gơs trồ tiah jơl tus di ngai do Kơnràñ neh pal kong jê sồt oă dơ̆ rau. Mơya tòm tŭ do la tŭ lồi dut ală rài, Kơnràñ neh tơlik să dô dơ̆ tơl rau nàng ơn să tòmlơh gơs phan ơn duh khoai tồ tă sang tồi glài.

I Pier 1:20

Kơnràñ neh geh lơh nền lài mơ tŭ crơng gơs trồ tiah, mơya tus di tŭ tơngai lồi dut do sồng geh ràng tơlik tài bơh ală oh mi.

II Pier 3:7

Mơya trồ tiah gam tŭ do kung la bơh jơnau đơs Kơnràñ dê mơ prap lòi ồs in, geh prap gàr jơl tus di ngai cahrña, la ngai cau ò duh rngòt kong roh rui.

Jude 1:15

nàng cahrña, mơ lơh nền glài jơh ală cau ò duh rngòt Yàng Tom Trồ bơh jơh ală broă ò duh rngòt bol khai dê, mơ bơh jơh ală jơnau tràl sơrbil mơ cau glài ò duh rngòt neh đơs tòmdră mơ Kơnràñ.”

Jude 1:18

Bol khai đơs mơ oh mi lah: “Tòm tŭ lồi dut rơp gŏ ală cau jak dơñŏ tơnhial lơh lòt jat bơta hàm kòñ is ò duh rngòt Yàng Tom Trồ bol khai dê.”

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.