Rôma 5:2 - Sră Goh 2018

² Kung kơnòm di bơta dòn Kơnràñ lơh bol he in geh mut tòm bơta nđàc Yàng Tom Trồ dê, bol he gam ơm ntào tòm bơta nđàc hơ̆, mơ hòn chò tòm bơta gơn kơnòm geh dòp bơta gơklŏ Yàng Tom Trồ dê.

Rôma 5:2 ပူးပေါင်းရင်းမြစ်များ

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 73:24

Kơnràñ ai jơnau bơto sơnio tề lam añ, tus di ngai tơnơ̆ Kơnràñ rơp wă rò añ tòm bơta gơklŏ.

Jơnau Pơnđik 14:32

Cau iơh kong tuh tơlup tòm bơta iơh bơsak he; Mơya cau song ring gam gơs tiah gơn kơnòm, bulah tòm tŭ chơt.

Habakuk 3:18

Añ kung rơp chò hòp tòm Yàng Jehôwa, Añ rơp hòn chò tòm Yàng Tom Trồ la Bơtau dong klàs añ jê.

Mathiơ 25:21

Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’

Jang 10:7

Behơ̆, Yàng Jesu đơs tai lah: “Ngan, Añ đơs ngan mơ bol mê, Añ la mpồng belàt dê.

Jang 10:9

Añ la mpồng: Dilah cau lơi bơh Añ mơ mut, gen rơp geh dong klàs. Bol khai rơp mut lik mơ bàn ƀlàng ñhơt.

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Rôma 11:20

Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ.

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

Rôma 14:4

Mê la ñcau mơ khin cahrña di dĭ gơna cau ndai dê taih? Khai ntào hala gơplơ̆, hơ̆ la broă cau tòm khai dê. Ngan khai rơp ntào, bơh Yàng gơs gơnoar ai khai in ntào kơ̆.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Rôma 3:23

bơh jơh tơl nă neh tìs glài, siơ̆u roh bơta gơklŏ Yàng Tom Trồ dê;

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

Rôma 8:1

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

Rôma 8:24

Bơh bol he neh geh dong klàs tòm bơta gơn kơnòm; mơya tòm tŭ cau neh gŏ bơta he gơn kơnòm rau, behơ̆ ò di la bơta gơn kơnòm tai: Bơh ñcau gam gơn kơnòm bơta he neh gŏ rau taih?

I Kôrintô 15:1

Ơ oh mi, añ tơngkah wơl oh mi in Jơnau Niam añ neh bơto yal oh mi in, mơ oh mi neh dòp rau, mơ oh mi kung gam ntào kơ̆ tòm jơnau hơ̆.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Ephesô 2:18

Bơh kơnòm di Kơnràñ mơ bol he jơh bàr đah tòm dô nă Yàng Hwềng mơ geh mut di đap Yàng Bèp.

Ephesô 3:12

Tòm Bơtau Krist, kơnòm di bơta dòn tòm Kơnràñ, bol he gơs nùs khin cha mơ dòn nền nàng tus rềp di đap Yàng Tom Trồ.

Ephesô 6:13

Gen tàng ai tĕ jơh ală phan tòmlơh Yàng Tom Trồ dê, tồ tòm ngai rung rài oh mi rgơi tòmdră jai, mơ tơnơ̆ mơ tŭ neh lơh sir jơh ală bơta gen gam ntào kơ̆ sơl.

II Tesalônika 2:16

Dan să tòm Yàng Jesu Krist mơ Yàng Tom Trồ la Bèp bol he dê, la Bơtau neh kòñ gơboh di bol he mơ bơh bơta nđàc Kơnràñ dê neh ai gòi bol he in bơta pơndòm pơniang gam sùm sùm, mơ bơta gơn kơnòm kơ̆ nền,

Hebrơ 3:6

Mơya Bơtau Krist dòn song be kòn klau at bồ hìu Yàng Tom Trồ dê; mơ bol he la hìu Kơnràñ dê, dilah bol he prap kơ̆ nùs dòn nền mơ bơta jòng să bơh bơta gơn kơnòm bol he dê.

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

Yal Tơlik 21:11

Gơ gơs bơta gơklŏ Yàng Tom Trồ dê, bơta àng gơcrà ƀòn dê ndròm be lŭ màng gơcrà, be lŭ bò gơcrà, sàng be krơh àng goh.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.

Yal Tơlik 21:3

Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.