Rôma 5:1 - Sră Goh 2018

¹ Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 5:1 ပူးပေါင်းရင်းမြစ်များ

Sră Jop 21:21

Bơh ñchi bơta bol khai ơn nùs bơh hìu nhă bol khai lòi wơl taih? Tòm tŭ khà ală ngai bol khai dê neh jơh taih?

Đơs Crih 122:6

Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

Esai 27:5

Hala lòi tĕ gơ sơmbat di Añ nàng geh sền gàr; lòi tĕ gơlơh gơtòmsòr mơ Añ, lòi tĕ gơlơh gơtòmsòr mơ Añ.”

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Esai 55:12

Bơh bol mê rơp lik lòt tòm bơta hòn chò, gen lam rê wơl tòm bơta lơngap lơngai. Ală mơnơm mơ ală dòr rơp ai jơnau đơs chò di đap bol mê, mơ jơh ală chi che tòm ƀlàng rơp tàp tê bol gơ dê.

Habakuk 2:4

Sền tĕ, di cau pơnhừ să, hwềng ơm tòm bol khai ò song ring; mơya cau song ring kis bơh bơta dòn khai dê.

Sacari 6:13

Hơ̆ la să tòm khai rơp bơt bơtào hìu duh khoai Yàng Jehôwa in, mơ khai rơp geh bơta ryŭ ryơm, rơp nggui at bồ hơđang sơbàn khai dê, mơ khai rơp lơh gơs cau gơnoar ơn phan duh khoai hơđang sơbàn khai dê; mơ rơp gơs bơta gơtòmklac ring lơngai digùl bàr nơm gơnoar broă hơ̆.’

Luka 19:38

mơ đơs lah: “Lơngai Bơtau ai sơnđan Yàng mơ tus! Ring lơngai hơđang trồ mơ gơklŏ Yàng Tom Trồ in!”

Luka 19:42

mơ đơs lah: “Kơp kòñ tòm ngai do mê rgơi git ală bơta lơh mê in ring lơngai. Mơya tŭ do mê ò rgơi sền gŏ gơ.

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 20:31

Mơya ală broă do neh cih nàng bol mê in dòn lah Yàng Jesu la Bơtau Krist, la Kòn Yàng Tom Trồ, mơ kơnòm di bơta bol mê dòn, gen geh bơta kis tòm sơnđan Kơnràñ.

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Rôma 1:17

Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: “Cau song ring rơp kis bơh bơta dòn.”

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

Rôma 10:10

Bơh cau lơi ai nùs dòn gen geh bơta song ring, cau lơi ai bơr yal tơlik gen geh bơta dong klàs.

Rôma 10:15

Mơ dilah ò gơs cau geh sồr lòt, gen mbe rgơi bơto yal taih? Be neh cih lah: “Ală mpàng jơng cau bơto yal Jơnau Niam la hàng mơnĕ ò git lơh!”

Rôma 14:17

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh.

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 15:33

Dan Bơtau ai bơta lơngap lơngai la Yàng Tom Trồ ơm bal mơ jơh ală oh mi. Amen.

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Rôma 3:30

Bơh Yàng Tom Trồ mìng dô nă lơm, la Bơtau rơp kòp la song ring cau kong siat gơltau in bơh bơta dòn, kung rơp kòp la song ring cau ò kong siat gơltau in bơh bơta dòn sơl.

Rôma 4:5

ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 5:11

Ò di mìng behơ̆ lơm, mơya bol he kung hòn chò tòm Yàng Tom Trồ la bơh Yàng Jesu Krist bol he dê, bơh Kơnràñ mơ bol he gơlik gơs bơyô Yàng Tom Trồ dê.

Rôma 5:18

Gen tàng, bơh mìng bơta tìs glài dô nă cau dê tàng jơh tơl nă cau kong lơh nền glài be lơi, gen kung behơ̆ sơl bơh mìng dô nơm broă song ring dô nă cau dê, gen tàng jơh tơl nă cau geh kòp la song ring tồ dòp geh bơta kis.

Rôma 6:23

Bơh jền tơngai tồi glài dê la bơta chơt, mơya bơta ai gòi Yàng Tom Trồ dê la bơta kis gam sùm sùm tòm Yàng Krist Jesu la Yàng bol he dê.

Rôma 9:30

Behơ̆ mbe bol he kòñ đơs taih? Ală làng bol bơdìh ò jòi jat bơta song ring, mơya neh geh bơta song ring, hơ̆ la bơta song ring tus bơh bơta dòn;

Galati 2:16

Bulah behơ̆, bol hi kung neh git lah cau geh kòp la song ring, ò di bơh ală broă jat bơta boh lam dê, mơya kơnòm di bơta dòn tòm Yàng Jesu Krist, gen tàng să tòm bol hi neh dòn tòm Krist Jesu, nàng geh kòp la song ring bơh bơta dòn tòm Bơtau Krist, ò di bơh ală broă bơta boh lam dê, bơh ò gơs cau lơi geh kòp la song ring bơh ală broă bơta boh lam dê.

Galati 3:25

Mơya tŭ do bơta dòn neh tus, bol he ò tai ơm tòm gơnoar cau bơto hơ̆ tai.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 2:7

tồ tòm ală rài tơnơ̆, Kơnràñ rgơi yal tơlik bơta nđàc dờng ơnàng ò git lơh Kơnràñ dê tòm bơta kơ̆ dơn gơwèt mơ bol he tòm Yàng Krist Jesu.

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,