Rôma 4:5 - Sră Goh 2018

⁵ ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 4:5 ပူးပေါင်းရင်းမြစ်များ

Habakuk 2:4

Sền tĕ, di cau pơnhừ să, hwềng ơm tòm bol khai ò song ring; mơya cau song ring kis bơh bơta dòn khai dê.

Jơnau Niam Jat Mak 9:23

Yàng Jesu ho lah: “Mbe mê đơs: ‘Dilah Kơnràñ rgơi lơh taih?’ Cau lơi dòn gen jơh ală broă rgơi geh lơm.”

Jang 5:24

Di ngan, Añ đơs ngan mơ bol mê, cau lơi iat jơnau Añ mơ dòn Bơtau neh sồr Añ lòt tus, gen geh bơta kis gam sùm sùm, ò kòl tòm bơta cahrña mơya neh tiă rlau di bơta chơt mơ tus hơ bơta kis.

Jang 6:29

Yàng Jesu ho lah: “Broă Yàng Tom Trồ dê hơ̆ la bol mê dòn Bơtau mơ Kơnràñ neh sồr lòt tus.”

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

Rôma 3:22

Hơ̆ la bơta song ring Yàng Tom Trồ dê bơh bơta dòn tòm Yàng Jesu Krist mơ ai jơh ală cau lơi in dòn. Ò gơs cah is cau lơi,

Rôma 4:24

mơya kung bơh bol he la cau rơp geh kòp behơ̆ sơl, la cau dòn di Bơtau neh lơh Yàng Jesu in, la Yàng bol he dê, kis wơl bơh bơta chơt.

Rôma 4:3

Mbe Sră Goh đơs taih? “Abraham neh dòn Yàng Tom Trồ, gen tàng bơta hơ̆ geh kòp la song ring khai in.”

Rôma 4:6

Tài bơh hơ̆ Dabit neh đơs bơh bơta lơngai cau mơ Yàng Tom Trồ neh kòp la song ring khai in ò di bơh broă lơh lah:

Philip 3:9

mơ geh ơm tòm Kơnràñ, ò di kơnòm di bơta song ring is añ jê bơh bơta boh lam mơ tus, mơya bơh bơta dòn di Bơtau Krist mơ geh, hơ̆ la bơta song ring tus bơh Yàng Tom Trồ bơh bơta dòn mơ geh;

Jôsue 24:2

Jôsue đơs mơ jơh làng bol lah: “Jehôwa Yàng Tom Trồ Israel dê đơs be do lah: ‘Neh jŏ jòng ngan, ồng pàng bol mê dê la Terah bèp Abraham mơ Nahôr dê, bol khai ơm kis đah ne hiòng Ơphrat, mơ duh khoai ală yàng ndai.