Rôma 4:18 - Sră Goh 2018

¹⁸ Bulah khai ò gơs tiah gơn kơnòm tai, mơya kư̆ ai nùs gơn kơnòm mơ dòn, behơ̆ tàng khai gơlik gơs bèp oă làng bol dê, jat be jơnau neh đơs lah: “Jơi bơtiàn mê dê kung rơp oă be sơmañ hơ̆ sơl.”

Rôma 4:18 ပူးပေါင်းရင်းမြစ်များ

Jơnau Pơnđik 13:12

Bơta kơp gơn òbat nyà lơh nùs jê sồt; Mơya tŭ bơta kơp kòñ geh tơl rau la dô nơm chi bơta kis.

Ejekiel 37:11

Gen Kơnràñ đơs mơ añ lah: “Ơ kòn mơnus, ală ntìng do la jơh dô nơm hìu Israel. Bol khai đơs lah: ‘Ntìng bol hi dê neh ro rañ, bơta gơn kơnòm bol hi dê neh roh, bol hi neh kong tơnroh jơh!’

Luka 1:18

Sacari đơs mơ cau gơnrơh lah: “Mbe añ rgơi git bơta hơ̆ taih? Bơh añ neh kra, mơ bau añ kung neh jòng sơnam rau.”

Broă 27:25

Behơ̆, ơ ală ồng, kơ̆ tĕ nùs, bơh añ dòn di Yàng Tom Trồ lah rơp gơlik gơs tòm toh be jơnau Kơnràñ neh đơs mơ añ.

Rôma 4:17

be Sră Goh neh cih lah: “Añ neh bơtào mê lơh gơs bèp oă làng bol dê,” di đap Yàng Tom Trồ la Bơtau khai neh dòn, hơ̆ la Bơtau ai bơta kis cau chơt in, mơ hòi ală bơta ò gơs be neh gơs rau.

Rôma 4:19

Abraham gŏ să jan he mòr chơt, (bơh neh mòr dô rhiang nam) mơ gŏ Sara kung ò rgơi deh tai, mơya bơta dòn ồng dê ò gơhuc.

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

Rôma 8:24

Bơh bol he neh geh dong klàs tòm bơta gơn kơnòm; mơya tòm tŭ cau neh gŏ bơta he gơn kơnòm rau, behơ̆ ò di la bơta gơn kơnòm tai: Bơh ñcau gam gơn kơnòm bơta he neh gŏ rau taih?

Hebrơ 6:19

Bol he gơs bơta gơn kơnòm hơ̆ be dô nơm lòs kơlnĕ đơng hwềng nùs dê, nền cê mơ kơ̆ ngan, mut tus tiah sàng goh đah dơlam kơrnìng;