Rôma 3:5 - Sră Goh 2018

⁵ Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

Rôma 3:5 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sră Jop 8:3

Yàng Tom Trồ lơh tìs bơta song ring ơ? Hala Bơtau Gơnap Gơnoar Làm Jơh ò lơh dimơ bơta song ring ơ?

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Rôma 3:7

Mơya dilah bơta song Yàng Tom Trồ dê bơh bơta đơs blac añ jê mơ sơlo geh bơta gơklŏ dờng rlau, gen mbe añ gam kòl cahrña be cau glài taih?

Rôma 4:1

Behơ̆, bol he rơp đơs bơh Abraham, ồng pàng bol he jat poac să, ñchi khai neh git làm taih?

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Rôma 6:1

Behơ̆, mbe bol he kòñ đơs taih? Bol he kư̆ ơm sùm tòm tồi glài tồ bơta nđàc in geh bơtơl lìu làc ơ?

Rôma 6:19

Añ đơs jat be kòn mơnus đơs, bơh đah poac să oh mi dê la lơbơn lơño. Be oh mi neh ơn să jan he lơh gơs dĭ gơna bơta ngkòr ngkàc mơ bơta tồi glài iơh bơsak be lơi, gen tŭ do ơn tĕ să jan he lơh gơs dĭ gơna bơta song ring in, nàng lơh gơs bơta gơlik gơs sàng goh kung behơ̆ sơl.

Rôma 7:7

Behơ̆ mbe bol he kòñ đơs tiah? Bơta boh lam la tồi glài ơ? Ò di behơ̆! Mơya tài bơh bơta boh lam tàng añ git tồi glài, bơh dilah bơta boh lam ò đơs lah: “Mê bañ hàm hà,” gen añ ò git bơta hàm hà la ñchi.

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Rôma 9:30

Behơ̆ mbe bol he kòñ đơs taih? Ală làng bol bơdìh ò jòi jat bơta song ring, mơya neh geh bơta song ring, hơ̆ la bơta song ring tus bơh bơta dòn;

I Kôrintô 15:32

Dilah jat bơta òs kơlôi kòn mơnus dê añ neh tòmlơh mơ phan jàñ bơsak tòm Ephesô, gen ñchi kwơ añ in taih? Dilah ală cau chơt ò geh kis wơl, gen bol he “Sa ñô tĕ, bơh ngai hìng bol he rơp chơt.”

I Kôrintô 9:8

Añ ò pal kơryan să tòm añ bơh ală broă kòp ngai. Bơh bơta boh lam kung đơs behơ̆ sơl.

II Kôrintô 6:4

Mơya tòm jơh ală bơta, bol hi yal tơlik să tòm bol hi be cau duh broă Yàng Tom Trồ dê, jơh nùs ơt ơl, tòm bơta rung rài, bòl glar, pluh plàng,

II Kôrintô 7:11

Ne, lòng sền, oh mi neh moat jrùng jat nùs kòñ Yàng Tom Trồ dê, gen gơlik gơs tòm oh mi bơta duh hul, bơta tò să he, bơta wòl să, bơta rngòt rngơt, bơta kơp kòñ, bơta ngac ngar, bơta lơh glài. Tòm jơh ală bơta oh mi neh yal tơlik oh mi ò tìs tòm broă hơ̆.

Galati 2:18

Bơh dilah añ bơtào wơl ală bơta añ neh tơnroh, gen añ yal tơlik să tòm añ la cau tìs mơ bơta boh lam.

Galati 3:15

Ơ oh mi, añ đơs jat bơta òs mòng cau dê: Tŭ gơs sră cih bàr nă cau dô nùs bal neh lơh nền dô bơta lơi, gen ò gơs cau lơi geh gơnoar jùt hala bơtơl bơta lơi tai ò.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”