Rôma 3:4 - Sră Goh 2018

⁴ Ò di behơ̆ ò! Yàng Tom Trồ la song ngan, bulah ală cau la blac chừt, be neh cih lah: “Behơ̆, Yàng geh kòp la song ring tòm ală jơnau đơs Kơnràñ dê, Mơ geh pha lin tòm tŭ Kơnràñ kong cahrña.”

Rôma 3:4 ပူးပေါင်းရင်းမြစ်များ

Sră Jop 36:3

Añ rơp cèng bơta git wă añ jê bơh tiah ngài; mơ ràng tơlik bơta song ring mơ Bơtau Crơng Gơs añ jê.

Sră Jop 40:8

Tơp tĕ bol khai tòm kơmbuh ù; Mơ bồr ndơp mat bol khai dê tòm ndơp ndơr.

Đơs Crih 100:5

Bơh Yàng Jehôwa la niam; bơta kòñ gơboh kơ̆ dơn Kơnràñ dê gam gơs sùm sùm, Mơ bơta dòn song Kơnràñ dê gam jơl jơh ală rài.

Đơs Crih 116:11

Tòm tŭ añ rngòt rngơt añ đơs lah: “Jơh tơl nă cau la blac pơrlồm lơm.”

Đơs Crih 119:160

Jơh ală jơnau Yàng dê la song ngan; Kòp jơnau gơnoar sồr song ring Kơnràñ dê gam sùm sùm.

Đơs Crih 138:2

Añ cùn khoai wèt hơ Hìu Duh Khoai Sàng Goh Yàng dê, Mơ ưnngài sơnđan Kơnràñ bơh bơta kòñ gơboh kơ̆ dơn Kơnràñ dê, Tài bơh Yàng neh yò tơngguh sơnđan mơ jơnau Yàng dê hơđang rlau jơh mơ ală bơta.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Mathiơ 11:19

Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Luka 20:16

Khai rơp tus tơnroh ală cau lơh suơn hơ̆, mơ jào suơn ño hơ̆ ală cau ndai in.” Làng bol kơno behơ̆ gen đơs lah: “Ò gơs broă behơ̆ ò.”

Jang 3:33

Cau lơi neh dòp jơnau lơh cơng Kơnràñ dê, gen neh dòp nền lah, Yàng Tom Trồ la song ngan.

Rôma 11:1

Behơ̆ añ đơs lah: Yàng Tom Trồ neh sang lòi làng bol Kơnràñ sơl? Ò di behơ̆ ò! Bơh să tòm añ la cau Israel, bơh kòn sau Abraham dê, mơ jơi bơtiàn đah Benjamin.

Rôma 11:11

Añ lùp tai lah: Làng bol Israel neh gơtup pừ nàng gơkòl roh rui ơ? Ò di behơ̆! Mơya tài bơh bơta tìs glài bol khai tàng bơta dong klàs neh lòt tus hơ làng bol bơdìh, tồ chồl nùs bol khai ƀoah.

Rôma 3:31

Behơ̆, bol he tài bơh bơta dòn mơ lơh bơta boh lam gơlik gơs ò kwơ ơ? Ò di behơ̆ ò! Gơpơrlơ̆ wơl, bol he lơh kơ̆ nền bơta boh lam.

Rôma 6:15

Behơ̆ gen mbe lơh taih? Bol he ò di ơm tòm gơnoar bơta boh lam mơya ơm tòm gơnoar bơta nđàc dê, gen bol he rơp kư̆ tìs glài sơl ơ? Ò di behơ̆!

Rôma 6:2

Ò di behơ̆! Bol he neh chơt gơwèt hơ tồi glài, gen mbe bol he gam kis tòm tồi glài taih?

Rôma 7:13

Behơ̆ bơta niam gơlik gơs bơta chơt añ in ơ? Ò di behơ̆! Mơya tồi glài bơh bơta niam mơ neh lơh bơta chơt añ in, ràng tơlik is gơ dê la tồi glài; nàng tồi glài bơh bơta sồr lam mơ gơlik gơs iơh bơsak oă ngan.

Rôma 7:7

Behơ̆ mbe bol he kòñ đơs tiah? Bơta boh lam la tồi glài ơ? Ò di behơ̆! Mơya tài bơh bơta boh lam tàng añ git tồi glài, bơh dilah bơta boh lam ò đơs lah: “Mê bañ hàm hà,” gen añ ò git bơta hàm hà la ñchi.

Rôma 9:14

Behơ̆ gen mbe bol he kòñ đơs taih? Gơs bơta ò song ring tòm Yàng Tom Trồ ơ? Ò di behơ̆ ò!

I Kôrintô 6:15

Oh mi ò git lah să jan oh mi dê la pơnah tòm să jan Bơtau Krist dê ò ơ? Behơ̆ añ rgơi ai pơnah tòm să jan Bơtau Krist dê mơ lơh gơlik gơs pơnah tòm să jan cau dri sơl ơ? Ò di behơ̆!

II Kôrintô 1:18

Ngan be Yàng Tom Trồ la Bơtau dòn song, gen jơnau bol hi đơs mơ oh mi kung ò di đơs ƀà di ƀà ò.

Galati 2:17

Mơya tòm tŭ bol hi jòi bơta tồ geh kòp la song ring tòm Bơtau Krist, dilah să tòm bol hi gơkòl sền la cau gơs glài, gen behơ̆ Bơtau Krist la cau duh broă tồi glài dê ơ? Ò di behơ̆!

Galati 2:21

Añ ò lơh bơta nđàc Yàng Tom Trồ dê gơlik gơs ò kwơ; bơh dilah bơta song ring tus bơh bơta boh lam, gen Bơtau Krist kong chơt la ò kwơ.

Galati 6:14

Đah mơ añ, ngan añ ò bài jòng să, mìng jòng să bơh chi pơng Yàng Jesu Krist bol he dê lơm; bơh chi pơng hơ̆, dunnia gơwèt mơ añ neh kòl pơng đìn, añ gơwèt mơ dunnia kung behơ̆ sơl!

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Sră Pơyoa Pol Dê Pơyoa Tit In 1:2

tòm bơta gơn kơnòm bơh bơta kis gam sùm sùm. Hơ̆ la bơta kis mơ Yàng Tom Trồ, la Bơtau ò tŭ lơi đơs blac, neh ho pơgon bơh lài mơ tŭ òhềt gơs trồ tiah,

Hebrơ 6:18

tồ kơnòm di bàr bơta ò tòmgơl hơ̆, la bàr bơta Yàng Tom Trồ ò rgơi đơs blac, mơ bol he la ală cau neh kìng crŭ tòm Kơnràñ, gen gơchồl pràn kơldang nàng sơmbat kơ̆ di bơta gơn kơnòm neh ơn di đap bol he.

I Jang 5:10

Cau lơi dòn di Kòn Yàng Tom Trồ, gen gơs jơnau lơh cơng hơ̆ tòm să tòm he; ai cau lơi ò dòn Yàng Tom Trồ, gen kòp Kơnràñ be la cau đơs blac, tài bơh ò dòn jơnau Yàng Tom Trồ neh lơh cơng bơh Kòn Kơnràñ dê.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò: