Rôma 3:3 - Sră Goh 2018

³ Mbe gơlơh dilah gơs cau tòm bol khai ò dòn song? Gen bơta ò dòn song bol khai dê lơh bơta dòn song Yàng Tom Trồ dê gơlik gơs ò kwơ ơ?

Rôma 3:3 ပူးပေါင်းရင်းမြစ်များ

Đơs Crih 84:7

Bol khai lòt bơh bơta pràn kơldang sơlo gơbơtơl tai; Yàng Tom Trồ ală yàng dê rơp tơlik mat tòm Siôn.

Esai 55:11

behơ̆ jơnau đơs Añ jê kung behơ̆ sơl, gơ neh lik bơh di bơr Añ, gen rơp ò rê wơl gòi, mơya rơp lơh gơlik gơs tơnggume broă Añ rơndap, mơ lơh wil tơl broă mơ Añ neh jào.

Khà Làng Bol 23:19

Yàng Tom Trồ ò di la cau mơ rgơi đơs blac, kung ò di la kòn mơnus tòmgơl nùs kơlôi Kơnràñ dê. Kơnràñ đơs mơ ò lơh sơl ơ? Kơnràñ neh hơ pơgon mơ ò lơh jat sơl ơ?

Mathiơ 24:35

Trồ tiah rơp roh mơya jơnau đơs Añ jê ò gơs tŭ lơi roh ò.”

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Rôma 10:16

Mơya ò di kòp nă cau neh kơno Jơnau Niam mơ dòn jat lơm ò; bơh Esai neh đơs lah: “Ơ Yàng, ñcau dòn jơnau bol hi bơto taih?”

Rôma 11:29

bơh ală bơta ai gòi mơ bơta hòi sac Yàng Tom Trồ dê ò tŭ lơi tòmgơl.

Rôma 9:6

Añ ò đơs lah jơnau ho Yàng Tom Trồ dê gơlik ò kwơ ò. Bơh ò di jơh ală cau Israel la làng bol Yàng Tom Trồ dê.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

II Timôthe 2:13

Dilah bol he ò dòn song, mơya Kơnràñ kư̆ dòn song sùm, bơh Kơnràñ ò rgơi pơndang sang is Kơnràñ dê.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

I Samuel 15:29

Rlau mơ hơ̆ tai bơta Gơklŏ Israel dê ò ruc wơl mơ tòmgơl nùs Kơnràñ dê, bơh Kơnràñ ò di la kòn mơnus nàng Kơnràñ tòmgơl nùs Kơnràñ dê.”