Rôma 3:2 - Sră Goh 2018

² Gơs kwơ ngan tòm jơh ală bơta. Sơnròp ngan jơnau đơs Yàng Tom Trồ dê neh jào làng bol Juda in.

Rôma 3:2 ပူးပေါင်းရင်းမြစ်များ

Đơs Crih 119:140

Jơnau ho pơgon Yàng dê niam ngan, mơ cau duh broă Yàng dê kòñ gơboh di jơnau hơ̆.

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Daniel 10:21

Mơya añ rơp yal mê in git ală bơta geh cih tòm Sră Jơnau Song. Ò gơs cau lơi dong añ nàng tòmdră mơ bol khai, gơs mìng Mikael la kwang dờng at bồ bol mê dê lơm.”

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

Broă 7:38

Să tòm khai la cau neh ơm tòm mpồl jơnum tòm ƀlàng bràs ngềt ngơt bal mơ cau gơnrơh neh đơs mơ khai hơđang mơnơm Sinai mơ bal mơ ồng pàng bol he dê, mơ khai dòp leng ală jơnau kis nàng ai bol he in.

Rôma 1:2

la Jơnau Niam mơ Yàng Tom Trồ neh ho pơgon bơh lài kơnòm ală cau gơnoar hwơr Kơnràñ dê, be neh cih tòm Sră Goh.

Rôma 2:18

mê git nùs kòñ Yàng Tom Trồ dê, bơh mê neh geh bơta boh lam bơto sồr nàng git bơta niam,

Rôma 3:1

Behơ̆ gen, bơta lin rlau cau Juda dê la ñchi, hala bơta siat gơltau gơs kwơ lơi taih?

Rôma 3:3

Mbe gơlơh dilah gơs cau tòm bol khai ò dòn song? Gen bơta ò dòn song bol khai dê lơh bơta dòn song Yàng Tom Trồ dê gơlik gơs ò kwơ ơ?

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

I Kôrintô 9:17

Dilah añ gơs nùs kòñ lơh broă hơ̆ gen geh phan ƀàn; mơya dilah ò gơs nùs kòñ lơh, gen gơnoar broă kung neh geh Yàng Tom Trồ jào añ in.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Galati 2:7

Gơpơrlơ̆ wơl, tòm tŭ bol khai gŏ bơta bơto Jơnau Niam cau ò siat gơltau neh jào añ in, kung be bơta bơto Jơnau Niam cau siat gơltau neh jào Pier in sơl,

I Timôthe 6:20

Ơ Timôthe, kơrmap gàr tĕ bơta neh jào mê in, pleh tĕ di ală jơnau gơlềng gơlàng ƀơ̆ ƀơl jat dunnia, mơ ală bơta sòdră bơta git jak dê, la bơta git jak mìng gơs sơnđan gòi.

Hebrơ 5:12

Pal ngan, tŭ do oh mi neh gơlik gơs cau bơto rau, mơya tŭ do oh mi gam kơnòm di cau bơto sồr oh mi ală bơta ƀă liă bơh jơnau Yàng Tom Trồ dê, mơ oh mi gam la cau pal càng dà toh, ò di la phan sa kơldang.

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 22:6

Cau gơnrơh đơs tai mơ añ lah: “Ală jơnau do la pal dòn mơ song ngan. Yàng la Yàng Tom Trồ ală hwềng ală cau gơnoar hwơr dê neh sồr cau gơnrơh Kơnràñ dê lòt tus, nàng sơnio ală dĭ gơna Kơnràñ in ală bơta rơp gơlik tus gòñ.